അരൂര്: അരൂര് സെന്റ് അഗസ്റ്റിന് പള്ളിക്ക് സമീപമുള്ള ഔവര് ലേഡി കോണ്വെന്റില് കന്യാസ്ത്രീയെ തൂങ്ങി മരിച്ച നിലയില് കണ്ടെത്തി. ബാംഗ്ലൂര് സ്വദേശിനിയായ സിസ്റ്റര് സിസിലി എന്ന റോസ്ലി (18) നെയാണ് മരിച്ച നിലയില് കണ്ടെത്തിയത്.അരൂര് സെന്റ് ആന്റണീസ് സ്റ്റഡി സെന്ററിലെ പ്ലസ് വണ് വിദ്യാര്ഥിനിയാണ് സിസ്റ്റര് സിസിലി. കോണ്വെന്റിലെ മുകള് നിലയില് കയറില് തൂങ്ങിയ നിലയില് തിങ്കളാഴ്ച പുലര്ച്ചെ മൃതദേഹം കണ്ടെത്തി യതായാണ് കോണ്വെന്റ് അധികൃതര് പറയുന്നത്. എന്നാല് പോലീസ് എത്തുന്നതിനു മുമ്പെ മൃതദേഹം അഴിച്ച് താഴെ കിടത്തിയിരുന്നതില് ദുരൂഹതയുണ്ടെന്ന് നാട്ടുകാര് ആരോപിക്കുന്നു. വിവരം അറിഞ്ഞെത്തിയ നാട്ടുകാരെ അകത്തേക്ക് കടത്തി വിട്ടില്ല. തുടര്ന്ന് നാട്ടുകാര് ബഹളം വച്ചതിനെ തുടര്ന്ന് ജന പ്രതിനിധികളെ മാത്രം അകത്തേക്ക് കടത്തി വിട്ടു.
- എസ്. കുമാര്
