അബുദാബി മുസ്സഫ എന്‍. പി. സി. സി. കൈരളി കള്‍ച്ചറല്‍ ഫോറം ഈ വര്‍ഷത്തെ പ്രവര്‍ത്തന ഉല്‍ഘ്ടനം പ്രശസ്ത കഥാകാരന്‍ അക്ബര് കക്കട്ടില്‍ നിര്‍വ്വഹിക്കും. മെയ് 29 വെള്ളിയാഴ്ച വൈകീട്ട് 5 മണിക്ക് എന്‍. പി. സി. സി. സീനിയര്‍ റിക്രിയേഷനില്‍ ഒരുക്കുന്ന പരിപാടിയില്‍ കവി അരങ്ങ്, ഹ്രസ്വ സിനിമാ പ്രദര്‍ശനം എന്നിവ ഉണ്ടായിരിക്കും.
പ്രവാസ ലോകത്തെ ശ്രദ്ധേയരായ എഴുത്തുകാരായ ദേവസേന, അസ്മോ പുത്തന്‍ചിറ, കമറുദ്ദീന്‍ ആമയം, ഹെര്‍മന്‍ എന്നിവര്‍ പങ്കെടുക്കും.
അല്‍ ഐന്‍ ഐ. എസ്. സി. യുടെ മത്സരത്തില്‍ മികച്ച ചിത്രമായി തിരഞ്ഞെടുത്ത “രാത്രി കാലം” എന്ന ഹ്രസ്വ സിനിമ പ്രദര്‍ശിപ്പിക്കും.
ഈ ചിത്രത്തിലൂടെ മികച്ച നടിയാ‍യി തിരഞ്ഞെടുക്കപ്പെട്ട അനന്ത ലക്ഷ്മി പങ്കെടുക്കും.
 |
 |
 |
 |
 |
 |
 |
 |
 |
 |
 |
 |
 |
 |
മുസ്വഫ ഏരിയ മര്‍കസ് കമ്മിറ്റി എസ്. വൈ. എസ്. ആസ്ഥാനമായ വാദി ഹസനില്‍ സംഘടിപ്പിച്ച മര്‍കസ് പ്രചാരണ കണ്‍വെന്‍ഷനില്‍ മര്‍കസ് ജനറല്‍ മാനേജര്‍ സി. ഫൈസി സംസാരിക്കുന്നു. മുസ്വഫ എസ്. വൈ. എസ്. വര്‍ക്കിംഗ് പ്രസിഡണ്ട് മുസ്തഫ ദാരിമി, അബുദാബി എസ്. വൈ. എസ്. സെക്രട്ടറി ഉസ്മാന്‍ സഖാഫി തിരുവത്ര എന്നിവര്‍ സമീപം.
എന്‍. എസ്. എസ്. എഞ്ചിനീയറിങ് കോളജ് പൂര്‍വ്വ വിദ്യാര്‍ത്ഥി സംഘടനയുടെ മാതൃ സംഘടനയുടെ സെക്രട്ടറിയും കോളജ് ലെക്‍ചററും ആയ ശ്രീമതി ഉമാ ദേവിക്ക് ദുബായിലെ എന്‍. എസ്. എസ്. എഞ്ചിനീയറിങ് കോളജ് പൂര്‍വ്വ വിദ്യാര്‍ത്ഥികള്‍ ഊഷ്മളമായ സ്വീകരണം നല്‍കി. മെയ് 20ന് വൈകീട്ട് എട്ട് മണിക്ക് ദുബായ് ഹോര്‍ അല്‍ അന്‍സിലെ ഫുഡ് ലാന്‍ഡ്സ് റെസ്റ്റോറന്റില്‍ വെച്ചായിരുന്നു സ്വീകരണം. 
ദുബായില്‍ ഹൃസ്വ സന്ദര്‍ശനത്തിന് എത്തിയ പൊന്നാനി എം. ഇ. എസ്. കോളേജ് പ്രിന്‍സിപ്പല്‍ പ്രൊഫസര്‍ എന്‍. കെ. ബേബിക്ക് ദുബായ് പൊന്നാനി എം. ഇ. എസ്. കോളേജ് അലും‌നി ഹൃദ്യമായ സ്വീകരണം നല്‍കി. യോഗത്തില്‍ പ്രൊഫസര്‍ ഷംസുദ്ദീന്‍, നാരായണന്‍ വെളിയംകോട്, ഷാജി ഹനീഫ, അക്ബര് പാറമ്മല്‍, കെ. മുഹമ്മദ് എന്നിവര്‍ സംസാരിച്ചു. ഇക്‌ബാല്‍ മൂസ അധ്യക്ഷത വഹിച്ചു. അബുബക്കര്‍ സ്വാഗതവും സലിം ബാബു നന്ദിയും പറഞ്ഞു.
അബുദാബി മലയാളി ക്രിസ്ത്യന്‍ കോണ്‍ഗ്രിഗേഷന്‍ സംഘടിപ്പിക്കുന്ന സുവിശേഷ യോഗത്തില്‍ മേയ് 22 വെള്ളിയാഴ്ച രാത്രി 8 മണിക്ക് അബു ദാബി സെന്‍റ്റ് ആന്‍ഡ്രൂസ് കമ്മ്യൂണിറ്റി ഹാളില്‍ പ്രാസംഗികനും, എഴുത്തുകാരനുമായ ഫാദര്‍ ജോര്‍ജ് മാത്യു (പുതുപ്പള്ളി അച്ചന്‍) പ്രസംഗിക്കുന്നു. കൂടുതല്‍ വിവരങ്ങള്‍ക്ക് – രാജന്‍ തറയശ്ശേരി 050 411 66 53.
