 |
 |
 |
 |
 |
 |
 |
 |
 |
 |
 |
 |
 |
 |
ലുധിയാനക്ക് സമീപം ഇന്നു പുലർച്ചെ ഝലം എക്സ്പ്രസ് പാളം തെറ്റി 3 പേർക്ക് പരിക്കേറ്റു. ജമ്മുവിൽ നിന്നും പൂനയിലേക്ക് പോകുന്ന ട്രെയിനിന്റെ എഞ്ചിൻ അടങ്ങുന്ന 10 കോച്ചുകളാണ് പാളം തെറ്റിയത്. അപകടം നടന്നയുടനെ തന്നെ രക്ഷാപ്രവർത്തനം ആരംഭിച്ചു. യാത്രക്കാർക്ക് വേണ്ട സൗകര്യങ്ങളൊക്കെ ചെയ്തിട്ടുണ്ടെന്ന് റെയിൽവെ അഡീഷണൽ ഡയറക്ടർ അറിയിച്ചു.
ഇന്നു പുലർച്ചെ 3.05 നാണ് സംഭവം നടന്നത്. ഇതേ തുടർന്ന് ഈ റൂട്ടിലുള്ള 4 ട്രെയിനുകൾ റദ്ദാക്കി.
- അവ്നി
വായിക്കുക: അപകടം
കാശ്മീരിൽ സൈനിക ബ്രിഗേഡ് ആസ്ഥാനത്തിന് നേരെയുണ്ടായ ആക്രമണത്തിൽ 17 സൈനികർ കൊല്ലപ്പെട്ടു. 4 ഭീകരരെ വധിച്ചെങ്കിലും ഇനിയും ഭീകരർ ഉണ്ടാകാൻ സാധ്യതയുണ്ടെന്ന് സുരക്ഷാസേന അറിയിച്ചു. ഞായറാഴ്ച്ച പുലർച്ചെ 4 മണിയോടെയാണ് സംഭവം. വൻ സ്ഫോടനത്തോടെയാണ് ആക്രമണം ആരംഭിച്ചത്. പത്താൻ കോട്ടയിൽ നടന്നതിനേക്കാൾ വലിയ ആക്രമണമാണ് ഇതെന്നാണ് വിലയിരുത്തൽ.
ഭീകരാക്രമണത്തോടനുബന്ധിച്ച് ആഭ്യന്തര മന്ത്രാലയം ഉന്നത തല യോഗം വിളിച്ചിട്ടിണ്ട്. കാശ്മീരീലെ സുരക്ഷയുമായി ബന്ധപ്പെട്ട് മുഖ്യമന്ത്രിയോടും ഗവർണറോടും സംസാരിച്ചതായും ആഭ്യന്തരമന്ത്രി അറിയിച്ചു.
- അവ്നി
പിറന്നാളാഘോഷത്തിന്റെ ഭാഗമായി പ്രധാനമന്ത്രി മോദി ഗുജറാത്ത് സന്ദർശിക്കുന്നതിനോടനുബന്ധിച്ച് ദളിത് പ്രക്ഷോഭ നായകൻ ജിഗ്നേഷ് മാവനിയെ പോലീസ് കസ്റ്റഡിയിലെടുത്തു. അഹമ്മദാബാദിലെ സർദാർ വല്ലഭായി പട്ടേൽ അന്താരാഷ്ട്ര വിമാനത്താവളത്തിൽ വെച്ചാണ് അറസ്റ്റ്. ഒക്ടോബർ ഒന്നു മുതൽ ഡൽഹിയിൽ ട്രെയിൻ തടയൽ സമരം തുടങ്ങുമെന്ന് ജിഗ്നേഷ് പ്രഖ്യാപിച്ചതിനു പിന്നാലെയാണ് ഇയാളെ കസ്റ്റഡിയിലെടുത്തത്.
ഡെപ്യൂട്ടി കമ്മീഷണർ ദീപൻ ബർദന്റെ നേതൃത്വത്തിലാണ് അറസ്റ്റ്. അറസ്റ്റിനെക്കുറിച്ച് കൂടുതൽ വിവരങ്ങൾ ഇപ്പോൾ പുറത്ത് വിടാൻ പറ്റില്ലെന്നും ചോദ്യം ചെയ്തതിനു ശേഷം വിട്ടയക്കുമെന്നും കമ്മീഷണർ പറഞ്ഞു.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍
നരേന്ദ്രമോദിയുടെ ഒറ്റ ഇന്ത്യ ഒറ്റ തെരെഞ്ഞെടുപ്പ് പദ്ധതിക്ക് പിന്തുണയുമായി രാഷ്ട്രപതി പ്രണബ് മുഖർജി രംഗത്ത്. തെരെഞ്ഞെടുപ്പ് ഒന്നിച്ച് നടത്താൻ കമ്മീഷൻ ശ്രമം നടത്തുന്നുണ്ടെന്നും അദ്ദേഹം പറഞ്ഞു. അദ്ധ്യാപക ദിനത്തിൽ ഒരു വിദ്യാലയത്തിൽ ക്ലാസ്സ് എടുക്കവെയാണ് രാഷ്ട്രപതി ഈ കാര്യങ്ങൾ അറിയിച്ചത്.
ഇടയ്ക്കിടെ ഉണ്ടാകുന്ന തെരെഞ്ഞെടുപ്പുകൾ സമയ നഷ്ടവും പണച്ചെലവും കൂട്ടുന്നതിന് കാരണമാകുന്നുവെന്നും അതിനാൽ ഒറ്റ തെരെഞ്ഞെടുപ്പ് എന്ന ആശയത്തിലേക്ക് നാം മാറണമെന്നും പ്രധാനമന്ത്രി കഴിഞ്ഞ മാർച്ചിൽ നടന്ന ബി.ജെ.പി യോഗത്തിൽ പറഞ്ഞിരുന്നു.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
ഗാന്ധി വധത്തിൽ ആർ.എസ്.എസ്സിന് എതിരായ പ്രസ്താവനയിൽ ഉറച്ചു നിൽക്കുന്നതായി രാഹുൽ ഗാന്ധി. ഗാന്ധിയുടെ ഘാതകനായ നാഥുറാം ഗോഡ്സെയുടെ സഹോദരൻ ഗോപാൽ ഗോഡ്സെയുടെ പ്രസ്താവനക്ക് അടിസ്ഥാനമായാണ് പരാമർശം നടത്തിയത്. പ്രസ്താവനയുടെ പേരിലെടുത്ത മാനനഷ്ട കേസിൽ കോടതിക്ക് മുമ്പിൽ വിചാരണക്ക് തയ്യാറാണെന്നും അദ്ദേഹം അറിയിച്ചു.
രാഹുലിന്റെ അഭിഭാഷകനാണ് അദ്ദേഹത്തിന്റെ നിലപാടുകൾ കോടതിയെ അറിയിച്ചത്. മഹാരാഷ്ട്രയിലെ തിരഞ്ഞെടുപ്പ് പ്രചാരണത്തിനിടയിലായിരുന്നു രാഹുൽ ഗാന്ധിയുടെ പ്രസ്താവന.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
