 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡൽഹി : നോട്ട് പിൻവലിക്കൽ ദേശീയ ദുരന്തമെന്ന് മുതിർന്ന കോൺഗ്രസ്സ് നേതാവ് എ.കെ ആന്റെണി പറഞ്ഞു. ഡൽഹിയിൽ യു.ഡി.എഫ് നേതാക്കളുടെ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജന്തർ മന്ദിറിൽ വിവിധ ആവശ്യങ്ങൾ ഉന്നയിച്ചു കൊണ്ടാണ് യു.ഡി.എഫ് നേതാക്കൾ ധർണ്ണ നടത്തുന്നത്.
പ്രധാനമന്ത്രിയും ധനമന്ത്രിയും നോട്ട് പിൻവലിക്കലിലൂടെ രാജ്യത്തോട് ചെയ്തത് വൻ ദ്രോഹമാണെന്നും എ.കെ. ആന്റെണി പറഞ്ഞു. ധർണ്ണയിൽ രമേഷ് ചെന്നിത്തല, പി.കെ കുഞ്ഞാലിക്കുട്ടി, എൻ.കെ പ്രേമചന്ദ്രൻ തുടങ്ങിയവർ പങ്കെടുക്കുന്നുണ്ട്.
- അവ്നി
വായിക്കുക: ഇന്ത്യന്‍ രാഷ്ട്രീയം, പ്രതിഷേധം
ചെന്നൈ : തമിഴ്നാട് മുഖ്യമന്ത്രി ജയലളിത അന്തരിച്ചു. സംസ്കാരം ഇന്നു വൈകീട്ട് മറീനാ ബീച്ചിൽ നടക്കും. ജയലളിതയുടെ മരണത്തെ തുടർന്ന് കേരളത്തിൽ സർക്കാർ സ്ഥാപനങ്ങൾക്കും വിദ്യാലയങ്ങൾക്കും അവധി പ്രഖ്യാപിച്ചു. മുഖ്യമന്ത്രി പിണറായി വിജയൻ മരണത്തിൽ അനുശോചിച്ചു. അടുത്ത തമിഴ്നാട് മുഖ്യമന്ത്രിയായി പനീർ ശെൽവം ചുമതലയേൽക്കും.
എം.ജി.ആറിന്റെ ശവകുടീരത്തിനടുത്തായിരിക്കും ജയലളിതയെ സംസ്കരിക്കുക. തമിഴ്നാട് അതിർത്തി പങ്കിടുന്ന പ്രദേശങ്ങളും തമിഴ് വംശജർ കൂടുതലായി എത്തുന്ന ശബരിമല തുടങ്ങിയ സ്ഥലങ്ങളും കനത്ത സുരക്ഷയിലാണ്. രാഷ്ട്രപതി, പ്രധാനമന്ത്രി, സോണിയാഗാന്ധി, രാഹുൽഗാന്ധി തുടങ്ങിയവർ അനുശോചനം രേഖപ്പെടുത്തി.
- അവ്നി
വായിക്കുക: ഇന്ത്യന്‍ രാഷ്ട്രീയം, ജയലളിത, തമിഴ്നാട്
ചെന്നൈ : ചെന്നൈ അപ്പോളൊ ആശുപത്രിയിൽ ഐ.സി.യു വിൽ കഴിയുന്ന ജയലളിതയുടെ ആരോഗ്യ നില അതീവ ഗുരുതരമായി തുടരുന്നു. എല്ലാവരുടെയും പ്രാർഥനയുടെ അടിസ്ഥാനത്തിൽ ജയലളിത എത്രയും പെട്ടെന്ന് ജീവിതത്തിലേക്ക് തിരിച്ച് വരട്ടെ എന്ന് നടനും എഡി എം കെ എം എൽ എ യുമായ ശരത്കുമാർ പറഞ്ഞു. ആശുപത്രിക്ക് മുമ്പിൽ വൻ ജനാവലിയാണ് കാത്തുനിൽക്കുന്നത്.
രാഷ്ട്രപതി പ്രണബ് മുഖർജി, രാഹുൽ ഗാന്ധി എന്നിവരുൾപ്പെടെ നിരവധി പേർ ജയലളിതയുടെ സുഖപ്രാപ്തിക്കായി പ്രാർഥനകൾ നടത്തി. കരുണാനിധിയും ജയലളിത എത്രയും വേഗം സുഖം പ്രാപിക്കട്ടെയെന്ന് ആശംസിച്ചു.
- അവ്നി
വായിക്കുക: ആരോഗ്യം, ഇന്ത്യ, ഇന്ത്യന്‍ രാഷ്ട്രീയ നേതാക്കള്‍
ശ്രീനഗർ : നഗ്രോട്ട സൈനിക താവളത്തിൽ ഭീകരാക്രമണത്തെ തുടർന്ന് 3 സൈനികർ കൊല്ലപ്പെട്ടു. ഭീകരരും സൈനികരും തമ്മിലുള്ള ഏറ്റുമുട്ടൽ തുടരുന്നു. കാശ്മീർ അതിർത്തി സംരക്ഷിക്കുകയും ഭീകരറുടെ നുഴഞ്ഞുകയറ്റം തടയുകയും ചെയ്യുന്ന വിഭാഗത്തിലുള്ള സൈനികരാണ് നഗ്രോട്ടയിലുള്ളത്.
പുലർച്ചെ 5 മണിയോടെയാണ് ഭീകരർ ആക്രമണം ആരംഭിച്ചത്. മെസ്സിനു സമീപം ഒളിച്ചിരിക്കുകയായിരുന്നു ഇവർ. കൊല്ലപ്പെട്ട സൈനികരിൽ ഒരാൾ മേജർ റാങ്കിൽ ഉള്ളയാളാണ്. ഏറ്റുമുട്ടലിനെ തുടർന്ന് സമീപവാസികളെ ഒഴിപ്പിക്കുകയും സ്കൂളുകൾക്ക് അവധി നൽകുകയും ചെയ്തു.
- അവ്നി
ന്യൂഡൽഹി : നോട്ട് പിൻവലിക്കൽ പ്രശ്നത്തിൽ പ്രതിഷേധിച്ച് 13 പ്രതിപക്ഷ പാർട്ടികൾ ചേർന്ന് ആഹ്വാനം ചെയ്ത ദേശീയ ആക്രോശ് ദിവസ് കേരളത്തിലും ത്രിപുരയിലും ഹർത്താലായി മാറിയപ്പോൾ മറ്റു സംസ്ഥാനങ്ങളിൽ പ്രതിഷേധ പ്രകടനങ്ങൾ നടന്നു. പൊതുഗതാഗതത്തെ ഹർത്താൽ സാരമായി ബാധിച്ചു. വിദ്യാഭ്യാസ സ്ഥാപനങ്ങളും കടകമ്പോളങ്ങളും അടഞ്ഞുകിടക്കുകയാണ്. ബീഹാറിലും യു.പി യിലും തീവണ്ടി ഗതാഗതം തടസ്സപ്പെട്ടു.
പശ്ചിമബംഗാളിൽ ഹർത്താൽ ജനജീവിതത്തെ ബാധിച്ചിട്ടില്ല.സ്കൂളുകളും ഓഫീസുകളും തുറന്ന് പ്രവർത്തിക്കുന്നുണ്ട്. ബീഹാർ മുഖ്യമന്ത്രി നോട്ട് അസാധുവാക്കലിനെ പിന്തുണക്കുന്നതിനാൽ പ്രതിഷേധത്തിൽ നിന്ന് വിട്ടുനിൽക്കുകയാണ്.
- അവ്നി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
