 |
 |
 |
 |
 |
 |
 |
 |
 |
 |
 |
 |
 |
 |
അതിർത്തിയിൽ വെടിനിർത്തൽ ലംഘിച്ചു കൊണ്ട് പാക് സൈന്യം ഇന്ത്യക്ക് നേരെ വെടിയുതിർത്തു. ഇന്ത്യൻ കേന്ദ്രങ്ങൾക്കു നേരെ ലൈറ്റ് മെഷീൻ ഗണ്ണുമായി തുടങ്ങിയ ആക്രമണം പിന്നീട് ഷെൽ ആക്രമണത്തിലേക്ക് വഴിമാറി. ഇതിനെ തുടർന്ന് ഇന്ത്യൻ സൈന്യം തിരിച്ച് ആക്രമിച്ചു.
സ്വാതന്ത്ര്യ ദിനത്തിന്റെ തലേ ദിവസം നടന്ന ആക്രമണം ഭീതി ഉളവാക്കുന്നതാണ്. ആർക്കും പരിക്കേറ്റിട്ടില്ലെങ്കിലും അതിർത്തിയിൽ സംഘർഷാവസ്ഥ നിലനിൽക്കുകയാണ്.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
ന്യൂഡൽഹി : കാശ്മീരിനെ ഇന്ത്യയിൽ നിന്നും വേർപെടുത്താനുള്ള പാക്കിസ്ഥാന്റെ ശ്രമം വെറുതെയാകുമെന്നും ഇതെക്കുറിച്ച് കൂടുതൽ കാര്യങ്ങൾ രാഷ്ട്രീയ പാർട്ടികളുമായി ചർച്ച ചെയ്യാൻ പ്രധാനമന്ത്രി നാളെ കൂടിക്കാഴ്ച്ച നടത്തുമെന്നും രാജ് നാഥ് സിങ്. കാശ്മീരിലെ നിലവിലെ പ്രശ്നങ്ങൾ പരിഹരിക്കേണ്ടതുണ്ട്. ഇതിനായി പ്രതിനിധികളെ കാശ്മീരിലേക്ക് അയക്കുമെന്നും അദ്ദേഹം അറിയിച്ചു.
കഴിഞ്ഞ ദിവസം രാജ്യസഭയിൽ ചേർന്ന യോഗത്തിലാണ് ആഭ്യന്തരമന്ത്രി തീരുമാനങ്ങൾ അറിയിച്ചത്. എം.പി മാർ എല്ലാവരും ഒറ്റക്കെട്ടോടെ തീരുമാനത്തെ പിന്തുണച്ചു. പാക്കിസ്ഥാൻ പ്രധാനമന്ത്രിയോടുള്ള വിയോജിപ്പ് അദ്ദേഹത്തിന്റെ പ്രസംഗത്തിൽ പ്രകടമായിരുന്നു.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
ഗുജറാത്തിന്റെ 16-ആം മുഖ്യമന്ത്രിയായി വിജയ് രൂപാനി സത്യപ്രതിജ്ഞ ചെയ്തു. ഗാന്ധിനഗറിലെ മഹാത്മ മന്ദിർ കോൺഫറൻസ് ഹാളിൽ വെച്ച് ഗവർണർ ഒ.പി.കൊഹ്ലിയുടെ സാന്നിധ്യത്തിലായിരുന്നു സത്യപ്രതിജ്ഞ. മുതിർന്ന നേതാക്കളായ എൽ.കെ അദ്വാനി,അരുൺ ജെയ്റ്റ്ലി,മധ്യപ്രദേശ്,ഗോവ,രാജസ്ഥാൻ എന്നി സംസ്ഥാനങ്ങളിലെ മുഖ്യമന്ത്രിമാർ എന്നിവർ ചടങ്ങിൽ പങ്കെടുത്തു.
മുഖ്യമന്ത്രി സ്ഥാനം ഏറ്റെടുക്കാനായി കഴിഞ്ഞ ദിവസം രൂപാനി ഗുജറാത്ത് ബി.ജെ.പി പ്രസിഡന്റ് സ്ഥാനം രാജി വെച്ചിരുന്നു.
- അവ്നി
വായിക്കുക: ഇന്ത്യന്‍ രാഷ്ട്രീയം
ന്യൂഡല്‍ഹി: ഫാക്ടും എയര്‍ ഇന്ത്യയും അടക്കം ഒട്ടേറെ പൊതു മേഖലാ സ്ഥാപനങ്ങള്‍ സ്വകാര്യ മേഖലയ്ക്ക് കൈമാറാന്‍ നിതി ആയോഗ് ശുപാര്‍ശ ചെയ്തു. കേന്ദ്ര ആസൂത്രണ കമ്മീഷനു പകരമായി മോദി സര്ക്കാര് രൂപീകരിച്ച സ്ഥാപനമാണ്‌ നിതി ആയോഗ്. 28 പൊതു മേഖലാ സ്ഥാപനങ്ങള്‍ സ്വകാര്യ മേഖലയ്ക്ക് കൈമാറാനാണ്‌ ഇപ്പോഴത്തെ നീക്കം. ഇതിനെതിരെ ആര്‍. എസ്. എസ്. അനുകൂല തൊഴിലാളി സംഘടനയായ ബി. എം. എസ്. അടക്കമുള്ള യൂണിയനുകള്‍ തങ്ങളുടെ പ്രതിഷേധം അറിയിച്ചിട്ടുണ്ട്. പ്രധാനമന്ത്രി അടിയന്തിരമായി ഈ കാര്യത്തില്‍ ഇടപെട്ടില്ലെങ്കില്‍ സമരം നടത്തുമെന്ന് തൊഴിലാളി സംഘടനകള്‍ അറിയിച്ചു. രാജ്യത്തെ വില്‍ക്കാനുള്ളതാണ്‌ ഈ നീക്കം എന്നു വരെ സംഘടനകള്‍ ആരോപിക്കുന്നു. നഷ്ടത്തില്‍ പ്രവര്‍ത്തിക്കുന്ന സ്ഥാപനങ്ങളെ കാര്യക്ഷമമായി പ്രവര്‍ത്തിപ്പിക്കാന്‍ വേണ്ട നടപടികള്‍ കൈക്കൊള്ളുന്നതിനു പകരം അവയെ സ്വകാര്യ മേഖലയ്ക്ക് വില്‍ക്കാനുള്ള നയം അപലപനീയമാണ്‌. ഈ സ്ഥപനങ്ങളെ ലാഭകരമാക്കാന്‍ കോടികള്‍ മുടക്കി നടത്തി വന്ന പദ്ധതികള്‍ക്ക് തുരങ്കം വെയ്ക്കുന്ന നടപടി ആയി ഇത് എന്ന് തൊളിലാളി സംഘടനാ നേതാക്കള്‍ അറിയിച്ചു. തല്പ്പര കക്ഷികളെ മുഴുവന്‍ വിളിച്ചു കൂട്ടി പ്രശ്നം ചര്‍ച്ച ചെയ്യാന്‍ സര്ക്കാര് തയ്യാറായില്ലെങ്കില്‍ സമരമുറകളുമായി മുന്നോട്ട് പോവാനാണ്‌ തൊഴിലാളി സംഘടനകളുടെ തീരുമാനം.
- ജെ.എസ്.
വായിക്കുക: തൊഴിലാളി, പ്രതിഷേധം, വിമാനം, വ്യവസായം, സാമ്പത്തികം
ന്യൂഡൽഹി: കോഹിനൂർ ബ്രിട്ടീഷുകാർ മോഷ്ടിച്ചതല്ലെന്ന് കേന്ദ്ര സര്ക്കാര് സുപ്രീം കോടതിയിൽ സത്യവാങ്ങ്മൂലം നല്കി. ഒരു സന്നദ്ധ സംഘടന നല്കിയ ഹരജി പരിഗണിക്കവെയാണ് കേന്ദ്ര സർക്കാർ ഏറെ കാലമായി നില നിന്ന ഈ വിവാദത്തിൽ തങ്ങളുടെ നിലപാട് വ്യക്തമാക്കിയത്. രഞ്ജിത് സിങ് മഹാരാജാവ് ബ്രിട്ടീഷുകാര്‍ക്ക് സമ്മാനമായി നല്‍കിയതാണ്‌ കോഹിനൂര്‍ എന്നാണ്‌ കേന്ദ്രം സുപ്രീം കോടതിയില്‍ ബോധിപ്പിച്ചത്. എന്നാല്‍ പരാതി പൂര്‍ണ്ണമായി തള്ളിക്കളയാന്‍ കോടതി തയ്യാറായില്ല. സുപ്രീം കോടതി കേസ് തള്ളി എന്നത് പിന്നീട് ഈ രത്നം തിരിച്ചു നല്‍കുന്നതിന്‍ തടസ്സമായാലോ എന്ന് കോടതി നിരീക്ഷിച്ചു. സര്ക്കാര് അഭിഭാഷകനോട് വിഷയത്തിന്റെ എല്ലാ വശങ്ങളും വിശദമായി പഠിച്ച ശേഷം റിപ്പോര്‍ട്ട് സമര്‍പ്പിക്കാന്‍ കോടതി ആവശ്യപ്പെട്ടു. കേസ് 6 ആഴ്ച്ചകള്‍ക്ക് ശേഷം കോടതി വീണ്ടും കേള്‍ക്കും.
- ജെ.എസ്.
വായിക്കുക: അന്താരാഷ്ട്രം, കോടതി, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
