 |
 |
 |
 |
 |
 |
 |
 |
 |
 |
 |
 |
 |
 |
ഗോധ്ര : പാക്കിസ്ഥാന് ചാര സംഘടനയായ ഐ. എസ്. ഐ. യുടെ സഹായത്തോടെ നടത്തിയ ഭീകരാക്രമണം എന്ന കേസില് വിചാരണ നേരിട്ട പ്രതികളില് 11 പേര്ക്ക് അഹമ്മദാബാദിലെ സബര്മതി സെന്ട്രല് ജയിലിലെ സെഷന്സ് കോടതി വധ ശിക്ഷ വിധിച്ചു. ഗൂഡാലോചന കുറ്റം ആരോപിക്കപ്പെട്ട മറ്റ് 20 പേര്ക്ക് ജീവ പര്യന്തം തടവ് ശിക്ഷയും വിധിച്ചിട്ടുണ്ട്.
90 ദിവസത്തിനകം വിധിക്കെതിരെ ഹൈക്കോടതിയെ സമീപിക്കാവുന്നതാണ്.
ഗൂഡാലോചന കുറ്റം ആരോപിക്കപ്പെട്ട 31 പ്രതികള്ക്ക് എതിരെ വധ ശിക്ഷ ആയിരുന്നു പ്രോസിക്യൂഷന്റെ ആവശ്യം.
- ജെ.എസ്.
വായിക്കുക: കുറ്റകൃത്യം, കോടതി, തീവ്രവാദം
ന്യൂഡല്ഹി : ആഭ്യന്തര കലാപം രൂക്ഷമായ ലിബിയയില് നിന്നും ഇന്ത്യക്കാരെ രക്ഷപ്പെടുത്തി കൊണ്ടുള്ള 2 വിമാനങ്ങള് ഇന്നലെ അര്ദ്ധരാത്രിയോടെ ന്യൂഡല്ഹി അന്താരാഷ്ട്ര വിമാന താവളത്തില് ഇറങ്ങി. സ്ത്രീകള്ക്കും കുട്ടികള്ക്കുമാണ് ആദ്യത്തെ വിമാനങ്ങളില് മുന്ഗണന നല്കിയത്. 700ഓളം ഇന്ത്യക്കാരാണ് രണ്ടു വിമാനങ്ങളിലായി ലിബിയയില് നിന്ന് ഡല്ഹിയില് തിരിച്ച് എത്തുന്നത്. ഈ വിമാനങ്ങളില് രണ്ടിലും കൂടി നൂറോളം മലയാളികള് ഉണ്ട്. മലയാളികള്ക്ക് വേണ്ടിയുള്ള സൌജന്യ താമസ സൌകര്യവും ഭക്ഷണവും കേരള ഹൌസില് ഒരുക്കി. ഇവരെ വിമാന മാര്ഗം നാട്ടിലേക്കു എത്തിക്കും.
പ്രക്ഷോഭം ശക്തമായതിനെ തുടര്ന്ന് ലിബിയയിലെ അന്താരാഷ്ട്ര വിമാന താവളം അടച്ചു. കൂടുതല് ഇന്ത്യക്കാര് ജോലി ചെയ്യുന്ന ബെംഗാസിയിലേക്ക് നാവികസേനയുടെ കപ്പലുകളായ ഐ.എന്.എസ്. ജലാശ്വ, ഐ.എന്.എസ്. മൈസൂര് എന്നിവ തിരിച്ചിട്ടുണ്ട്. ഇവിടെ ജോലി ചെയ്യുന്നവരെ കപ്പല്മാര്ഗ്ഗം അലക്സാന്ഡ്രിയയില് എത്തിച്ച് അവിടെ നിന്ന് വിമാനത്തില് ഇന്ത്യയിലെത്തിക്കാനാണ് പദ്ധതി. ഇതുവരെ എല്ലാവരും സുരക്ഷിതരാണെന്നാണ് വിവരമെന്നും വിദേശകാര്യ മന്ത്രാലയം അറിയിച്ചു.ലിബിയയ്ക് എതിരെ ഐക്യ രാഷ്ട്ര സഭ ഉപരോധം ഏര്പ്പെടുത്തിയിട്ടുണ്ട്.
- ലിജി അരുണ്
വായിക്കുക: അന്താരാഷ്ട്രം, യുദ്ധം
ജോധ്പൂര്: ജോധ്പൂര് ഉമൈദ് ഹോസ്പിറ്റലില് അധികൃതരുടെ അനാസ്ഥ മൂലം അണുബാധയുള്ള ഐ.വി.ഡ്രിപ്പ് കുത്തിവച്ചതിനെ തുടര്ന്ന് 13 സ്ത്രീകള് മരിച്ചു. കഴിഞ്ഞ ഒരാഴ്ചയില് ഈ ഹോസ്പിറ്റലില് സിസേറിയന് ശസ്ത്രക്രിയയിലൂടെ പ്രസവിച്ച സ്ത്രീകള്ക്കാണ്, ഏവരെയും ഞെട്ടിച്ച ഈ ദുര്വിധി നേരിട്ടത്. തുടര്ന്ന് വിശദമായ പരിശോധനയില് അണുബാധയുള്ള ഐ.വി.ഡ്രിപ്പ് കുത്തിവച്ചതാണ് മരണ കാരണം എന്ന് തെളിവായി എന്ന് ഹോസ്പിടല് അധികാരി ഡോക്ടര് നരേന്ദ്ര ചന്ഗാനി പറഞ്ഞു.
മരിച്ചവരുടെ കുടുംബങ്ങളില് നിന്നും പ്രതിഷേധം ശക്തമായതിനാല് രാജസ്ഥാന് സര്ക്കാര് ഈ കേസില് വിശദമായ അന്വേഷണത്തിന് ഉത്തരവിട്ടു. വ്യക്തമായ അന്വേഷണ റിപ്പോര്ട്ട് അനുസരിച്ച് ഇങ്ങനെ ഒരു ദുരന്തത്തിന് വഴി തെളിച്ചവര്ക്ക് മേല് ക്രിമിനല് കുറ്റം ചുമത്തുമെന്ന് രാജസ്ഥാന് മുഖ്യമന്ത്രി അശോക് ഗെഹലോട്ട് അറിയിച്ചു.
ഇതേസമയം ഹോസ്പിറ്റലിലെ ഓപറേഷന് തിയറ്ററില് അണുബാധ ഉണ്ടെന്നു വിദഗ്ധര് സംശയിക്കുന്നുണ്ട്. ശസ്ത്രക്രിയക്ക് വിധേയരാകുന്ന രോഗികളെ ബാധിക്കുന്ന ഒരുതരം ബാക്ടീരിയയായ ‘സൂപ്പര് ബഗ് ‘ ഇവിടെ കടന്നു കൂടിയിട്ടുണ്ടാവാം എന്നും ഇവര് അഭിപ്പ്രായപ്പെടുന്നു.
തല്ക്കാലം ഇവിടുത്തെ 5 ഓപറേഷന് തിയറ്ററുകളില് 4 എണ്ണം അടച്ചു. വിദഗ്ദ്ധ സമിതി ഓപറേഷന് തിയറ്ററുകളില് നിന്നും തെളിവെടുപ്പുകള് നടത്തികൊണ്ടിരിക്കുന്നു.
- ലിജി അരുണ്
വായിക്കുക: ആരോഗ്യം
ദില്ലി: ശബരിമല യിലെ മനുഷ്യ നിര്മ്മിതമായ മകര വിളക്ക് നിര്ത്തലാക്കണം എന്ന് ആവശ്യപ്പെട്ട് യുക്തിവാദി സംഘം പ്രസിഡണ്ട് സനല് ഇടമറുക് സുപ്രീം കോടതിയില് നല്കിയ ഹര്ജി തള്ളി. കേരള ഹൈക്കോടതിയുടെ പരിഗണയില് ഉള്ള വിഷയമായതിനാല് ഇപ്പോള് ഈ വിഷയത്തില് ഇടപെടാന് ആകില്ലെന്ന് സുപ്രീം കോടതി വ്യക്തമാക്കി. ഹര്ജിക്കാരന് വേണമെങ്കില് ഹൈക്കോടതിയെ സമീപിക്കാമെന്ന് സുപ്രീം കോടതി പറഞ്ഞു. മകര വിളക്ക് തീര്ഥാടനവുമായി ബന്ധപ്പെട്ട് കഴിഞ്ഞ തീര്ഥാടന കാലത്ത് ഉണ്ടായ തിക്കിലും തിരക്കിലും പെട്ട് നൂറിലധികം തീര്ഥാടകര് മരിച്ചിരുന്നു. ഇത് ചൂണ്ടിക്കാട്ടിയാണ് മനുഷ്യ നിര്മ്മിതമായ മകര വിളക്ക് നിരോധിക്കണമെന്ന ആവശ്യവുമായി സനല് ഇടമറുക് സുപ്രീം കോടതിയെ സമീപിച്ചത്.
- എസ്. കുമാര്
മുംബൈ: ലിബിയയിലെ പ്രതിസന്ധി രൂക്ഷമായതിനെ തുടര്ന്ന് ക്രൂഡ് ഓയിലിന്റെ വില കുതിച്ചുയര്ന്നു. ഇത് മൂലം ഇന്ന് ഇന്ത്യന് ഓഹരി വിപണിയില് കനത്ത ഇടിവുണ്ടായി. രാവിലെ വ്യാപാരം ആരംഭിച്ച് അധികം താമസിയാതെ തന്നെ സെന്സെക്സും നിഫ്റ്റിയും കുത്തനെ താഴേക്ക് പതിച്ചു. തുടര്ന്ന് കര കയറുകയുണ്ടായി. 18,135 ല് ആരംഭിച്ച സെന്സെക്സ് വ്യാപാരം അവസാനിപ്പി ക്കുമ്പോള് 545.92 പോയന്റ് ഇടിഞ്ഞ് 17632.41 പോയിന്റില് എത്തി. നിഫ്റ്റിയില് 174.65 പോയന്റ് നഷ്ടമാണ് ഉണ്ടായത്. എല്ലാ മേഘലയില് നിന്നുമുള്ള ഓഹരികളിലും ഇടിവുണ്ടായി. ടാറ്റാ മോട്ടോഴ്സ് 7.82% നഷ്ടത്തിലാണ് ക്ലോസ് ചെയ്തത്. ജയപ്രകാശ് അസോസിയേറ്റ്സ്, ജിണ്ടാല് സ്റ്റീല്, ഐ. സി. ഐ. സി. ഐ. ബാങ്ക്, റിലയന്സ് ക്യാപിറ്റല്, ഡോ. റെഡ്ഡീസ് ലാബ്സ് തുടങ്ങിയവയും നഷ്ടത്തിലായവയില് മുന് നിരയില് ഉള്പ്പെടുന്നു. അടുത്ത ദിവസങ്ങളില് താഴേക്ക് വന്നു കൊണ്ടിരുന്ന വിപണി ഇടയ്ക്ക് ഒന്നു രണ്ടു ദിവസം അല്പം മെച്ചപ്പെട്ടിരുന്നു. എന്നാല് ഇന്നു പക്ഷെ പൊടുന്നനെ കൂപ്പ് കുത്തുകയായിരുന്നു.
- എസ്. കുമാര്
വായിക്കുക: ഓഹരി വിപണി, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
