കാത്തിരിപ്പിന്‍റെയും കണക്ക് കൂട്ടലിന്റെയും അവസാനാം എന്നവണ്ണം ലങ്കന്‍ ടീമിന്റെ കരുത്തിനു മുന്നില്‍ തകര്‍ന്നടിഞ്ഞ ടീം ഇന്ത്യ നാട്ടിലേക്ക് തിരിക്കുന്നു. പ്രതീക്ഷിച്ചത് പോലെ ലോക ക്രിക്കറ്റിന്റെ തലപ്പത്ത്‌ നില്‍ക്കുന്ന എട്ടു ടീമുകള്‍ സൂപ്പര്‍ എട്ടില്‍ സ്ഥാനം നേടി, അതില്‍ മികവ് കാട്ടുന്ന നാല് ടീമുകളാണ് സെമിയില്‍ കളിക്കാന്‍ അര്‍ഹത നേടുന്നത്. പാക്കിസ്ഥാനും ശ്രീലങ്കയും സെമി ഫൈനല്‍ കളിക്കുമ്പോള്‍ തുടക്കക്കാരായ ബംഗ്ലാദേശ്, അഫ്ഗാനിസ്ഥാന്‍ എന്നിവരോടൊപ്പം ഇന്ത്യക്കും മടക്ക ടിക്കറ്റ്‌….!!!
സൂപ്പര്‍ എട്ടില്‍ കളിച്ച മൂന്നു കളികളും തോറ്റ ഏക ടീം എന്ന നാണക്കേടു മായാണ് മഹേന്ദ്ര സിംഗ് ധോണിയുടെ നേതൃത്വത്തില്‍ ഉള്ള ടീം മടങ്ങുന്നത് എന്നതാണ് ഏറെ ദുഖ കരം.
സുരേഷ് റൈനയുടെ പ്രശസ്തമായ സ്ലോഗ് സ്വീപ്പ്
ഐ. പി. എല്‍. എന്ന ക്രിക്കറ്റ് മാമാങ്കത്തിന്റെ (കു)പ്രസിദ്ധ വേദിയില്‍ അടിച്ചു തകര്‍ ത്തവര്‍ക്കും, എറിഞ്ഞുടച്ച വര്‍ക്കുമൊക്കെ ട്വന്‍റി – 20 ലോക കപ്പിന്റെ കളിക്കളത്തില്‍ ബാറ്റ്‌ എടുക്കുമ്പോള്‍ മുട്ടിടിക്കുകയും ബോള്‍ എറിയുമ്പോള്‍ കൈ വിറക്കുകയും ചെയ്യുന്നതിന്റെ കാരണം ലോകത്തിലെ തന്നെ ഏറ്റവും സമ്പന്നമായ കായിക സംഘടനയായ ഇന്ത്യന്‍ ക്രിക്കറ്റ് ബോര്‍ഡ്‌ കണ്ടെത്തേ ണ്ടതുണ്ട്. സെമി ഫൈനല്‍ കളിക്കാന്‍ അര്‍ഹത നേടിയ ഇംഗ്ലണ്ട്, ആസ്ട്രേലിയ, ശ്രീലങ്ക, പാക്കിസ്ഥാന്‍ ടീമുകള്‍ സ്വന്തം കളി മികവിലൂടെ നേട്ടങ്ങള്‍ കൊയ്തപ്പോള്‍ മറ്റു ടീമുകളുടെ പ്രകടനത്തിന്റെ അടിസ്ഥാനത്തില്‍ സെമിയില്‍ കടന്നു കൂടാം എന്ന കണക്ക് കൂട്ടലുകള്‍ക്ക് ശ്രീലങ്ക നല്‍കിയ പാഠം, ഇന്ത്യന്‍ ക്രിക്കറ്റിനു ഭാവിയിലെങ്കിലും ഉപകാര പ്പെടുമെന്ന് പ്രതീക്ഷിക്കാം.
20 റണ്‍സ് മാര്‍ജിനില്‍ ശ്രീലങ്കയെ തോല്‍പ്പിച്ച് അവസാന ലീഗ് മാച്ചില്‍ ആസ്ത്രേലിയ വിന്‍ഡീസിനെയും തോല്‍പ്പിക്കുന്നത് സ്വപ്നം കണ്ടു നടന്ന ധോണിയും കൂട്ടരും തീര്‍ത്തും നിരുത്തര വാദപര മായ ക്രിക്കറ്റ് ആണ് അവസാന സൂപ്പര്‍ എട്ട് ലീഗ് മാച്ചില്‍ പുറത്തെടുത്തത് എന്ന് പ്രത്യേകം എടുത്തു പറയേണ്ടതുണ്ട്. കളിയുടെ ആദ്യ പത്ത് ഓവറില്‍ ഒരു വിക്കറ്റ്‌ മാത്രം നഷ്ടത്തില്‍ 90 റണ്‍സ് എന്ന ഉജ്ജ്വല സ്കോറില്‍ എത്തിയ ടീം ഇന്ത്യ 9 വിക്കറ്റ്‌ കയ്യിലിരിക്കെ അവസാന പത്ത് ഓവറില്‍ നേടിയത് വെറും 73 റണ്‍സ് ആണെന്നത് ഏറെ വിചിന്തനീയമാണ്. ഒരു കാലത്ത് ഇന്ത്യന്‍ വിജയത്തിനു ചുക്കാന്‍ പിടിച്ച യുവരാജ്‌ സിംഗ്, ഹര്‍ഭജന്‍, സഹീര്‍ ഖാന്‍, ഗൗതംഗംഭീര്‍ എന്നിവര്‍ ടീം ഇന്ത്യക്ക്‌ ബാധ്യത ആകുന്ന കാഴ്ചയും ഈ ലോക കപ്പു നല്‍കുന്ന പാഠങ്ങളില്‍ ചിലത് മാത്രമാണ്.
– ഹുസൈന്‍ ഞാങ്ങാട്ടിരി
മൂന്ന് വര്‍ഷവും നാല് മാസവും പൂര്‍ത്തിയാക്കി ജസ്റ്റിസ് കെ. ജി. ബാലകൃഷ്ണന്‍ വിരമിക്കുന്നത് അറുപത്തി അഞ്ചാം വയസ്സിന്റെ നിറവിലേക്ക്. 1945 മെയ്‌ 12ന് കോട്ടയം വൈക്കം തലയോലപ്പറമ്പിലാണ് കൊനകുപ്പക്കാട്ടില്‍ ഗോപിനാഥന്‍ ബാലകൃഷ്ണന്റെ ജനനം. സാമൂഹികമായി പിന്നോക്ക വിഭാഗം ആയിരുന്നിട്ടും തിരുവിതാംകൂറില്‍ നില നിന്നിരുന്ന പ്രത്യേക മായ സാമൂഹിക സാഹചര്യത്തില്‍ തിരുവിതാംകൂര്‍ മഹാരാജാവിന്റെ കാലത്ത് സ്കൂള്‍ വിദ്യാഭ്യാസത്തിനു സൌകര്യ മുണ്ടായിരുന്നു എന്ന് അദ്ദേഹം ഓര്‍ക്കുന്നു. പിന്നീട് വന്ന മിഷനറി സ്ക്കൂളുകള്‍ വിദ്യാഭ്യാസം സാര്‍വത്രികമാക്കി. തന്റെ അച്ഛന് മിഷനറി സ്കൂളിലാണ് പഠിച്ചത്. തന്റെ അച്ഛന് വിദ്യാഭ്യാസം ലഭിചില്ലാ യിരുന്നുവെങ്കില്‍ തനിക്കും വിദ്യാഭ്യാസം ലഭിക്കാനുള്ള സാധ്യത ഉണ്ടാവു മായിരുന്നില്ല എന്നും അദ്ദേഹം ചൂണ്ടിക്കാണിക്കുന്നു.
ബി.ജെ.പി. യും താനും കൂടി മാറി മാറി സംസ്ഥാനം ഭരിക്കും എന്ന് ജാര്‍ഖണ്ഡ് മുക്തി മോര്‍ച്ച നേതാവായ ഷിബു സോറന്‍ പ്രഖ്യാപിച്ചതോടെ ജാര്‍ഖണ്ഡില്‍ എന്‍. ഡി. എ. യുടെ നേതൃത്വത്തില്‍ സര്‍ക്കാര്‍ രൂപീകരിക്കാന്‍ തയ്യാറെടുക്കുന്ന ബി. ജെ. പി. വെട്ടിലായി. ശേഷിക്കുന്ന നാലര വര്ഷം സംസ്ഥാനം ഭരിക്കാന്‍ എന്‍. ഡി. എ. യെ നയിക്കാന്‍ ബി. ജെ. പി. യെ പിന്തുണയ്ക്കാന്‍ ജാര്‍ഖണ്ഡ് മുക്തി മോര്‍ച്ച, ഓള്‍ ജാര്‍ഖണ്ഡ് സ്റ്റുഡനസ് യൂണിയന്‍ എന്നിവര്‍ സമ്മതിച്ചതായി ബി. ജെ. പി. നേതാവ്‌ അനന്ത് കുമാര്‍ ദല്‍ഹിയില്‍ അറിയിച്ചതിനു തൊട്ടു പിന്നാലെയാണ് ഷിബു സോറന്‍ തന്റെ അഭിപ്രായം അറിയിച്ചു എല്ലാവരെയും ഞെട്ടിച്ചത്. രണ്ടു ദിവസത്തിനുള്ളില്‍ താന്‍ രാജി വെയ്ക്കുമെന്നും അതിനു ശേഷം ബി. ജെ. പി. യും ജെ. എം. എമും മാറി മാറി സംസ്ഥാനം ഭരിക്കും എന്നുമാണ് ഇപ്പോള്‍ സോറന്‍ പറയുന്നത്.
