രാജ്യത്തിന്റെ വിവിധ ഭാഗങ്ങളില് നിന്നും കര്ഷകരും,പരിസ്ഥിതി പ്രവര്ത്തകരും, ശാസ്ത്രജ്ഞരും അടക്കം ഉള്ള ജനങ്ങളില് നിന്നും ബി ടി വഴുതനയ്ക്കെതിരെ ഉയര്ന്ന ശക്തമായ പ്രതിഷേധത്തെ തുടര്ന്ന് തല്ക്കാലം അനുമതി നല്കേണ്ടെന്ന് കേന്ദ്ര പരിസ്ഥിതി മന്ത്രാലയം തീരുമാനിച്ചു. ബി ടി വഴുതനങ്ങക്ക് അനുകൂലമായി സംസാരിച്ചതിനു കേന്ദ്ര പരിസ്ഥിതി മന്ത്രിക്ക് പലയിടങ്ങളില് നിന്നും ശക്തമായ പ്രതിഷേധമാണ് നേരിടേണ്ടി വന്നത്. കേരളമുള്പ്പെടെ ഒമ്പതോളം സംസ്ഥാനങ്ങള് ഇതിനോടകം ബി ടി വഴുതനങ്ങ തങ്ങള് നിരോധിക്കുമെന്ന് മുന്നറിയിപ്പു നല്കിയിരുന്നു.
ബാസിലസ് ടൂറിന് ജിറംസിസ് (ബി. ടി.) എന്ന ബാക്ടീരിയയുടെ സഹായത്താല് ജനിതക മാറ്റത്തിലൂടെ ആണ് കീട പ്രതിരോധ ശേഷി കൈവരു ത്തുന്നത്. ഇത്തരത്തില് ഉള്ള ബി ടി വഴുതന കീടനാശിനി പ്രയോഗത്തില് ഗണ്യമായ അളവില് കുറവു വരുത്താമെന്നും ഇതു വഴി കര്ഷകര്ക്ക് കൂടുതല് പ്രയോജന കരമാണെന്നുമാണ് ഇതിനെ അനുകൂലിക്കുന്നവരുടെ വാദം. എന്നാല് ഈ വഴുതന വിത്തിന്റെ ജൈവ സുരക്ഷിതത്വം സംബന്ധിച്ച് ഇനിയും ഗൗരവതരമായ പഠനങ്ങള് നടക്കേണ്ടി യിരിക്കുന്നു എന്നും ഇത്തരം അന്തക വിത്തുകള് കര്ഷകരെ വിത്തുല്പാദക കുത്തകകള്ക്ക് മുമ്പില് അടിമകളാക്കുവാന് ഇട വരുത്തും എന്നുമാണ് ഇതിനെതിരെ വാദിക്കുന്നവര് ഉന്നയിക്കുന്നത്. മൊണ്സാന്റോ എന്ന ബഹുരാഷ്ട്ര കുത്തകയുടെ ഇന്ത്യന് സഹകാരിയായ മഹികോ എന്ന കമ്പനിയാണ് ബി ടി വഴുതന ഇന്ത്യയില് രംഗത്തിറക്കുന്നത്.
– എസ്. കുമാര്
ലോക പ്രശസ്ത സാമ്പത്തിക ശാസ്ത്രജ്ഞനും മലയാളിയുമായ ഡോ. കെ. എന്. രാജ് (86) അന്തരിച്ചു. വാര്ദ്ധക്യ സഹജമായ അസുഖത്തെ തുടര്ന്ന് തിരുവനന്തപുരത്തെ ഒരു സ്വകാര്യ ആശുപത്രിയില് വൈകീട്ട് മൂന്നു മണിയോടെ ആയിരുന്നു അന്ത്യം. പഞ്ചവല്സര പദ്ധതിയുടെ മുഖ്യ സൂത്രധാരകരില് ഒരാള്, നെഹൃ മുതല് ഡോ. മന്മോഹന് സിങ്ങ് വരെയുള്ള പ്രധാനമന്ത്രി മാരുടെ സാമ്പത്തിക ഉപദേഷ്ടാക്കളില് ഒരാള് തുടങ്ങി ഇന്ത്യന് സാമ്പത്തിക രംഗത്ത് ക്രിയാത്മകമായ പല മാറ്റങ്ങള്ക്കും വഴിയൊരു ക്കുന്നതില് ഇദ്ദേഹം നിര്ണ്ണായ കമായ പങ്കാണ് വഹിച്ചിട്ടുള്ളത്. ദില്ലി സ്കൂള് ഓഫ് എക്കണോ മിക്സിന്റെ സ്ഥാപകരില് ഒരാള്, തിരുവനന്ത പുരത്തെ സെന്റര് ഫോര് ഡവലപ്മന്റ് സ്റ്റഡീസിന്റെ സ്ഥപകന് കൂടിയായിരുന്നു ഇദ്ദേഹം. സാമ്പത്തിക രംഗത്ത് നല്കിയ സംഭാവനകള് മാനിച്ച് രാജ്യം 2000-ല് പത്മവിഭൂഷന് നല്കി ആദരിച്ചു.
ശ്രീനഗര് : പാക്കിസ്ഥാന് അതിര്ത്തിയില് ഉള്ള സൈനിക ക്യാമ്പിനു മുകളിലേക്ക് കനത്ത ഹിമാപാതത്തെ തുടര്ന്ന് മഞ്ഞു മല ഇടിഞ്ഞു വീണു പതിനാറോളം ഇന്ത്യന് സൈനികര് കൊല്ലപ്പെട്ടു. ഇന്ത്യന് കര സേനയുടെ പരിശീലന ക്യാമ്പിലാണ് അത്യാഹിതം സംഭവിച്ചത്. പരിശീലനത്തിന്റെ ഭാഗമായി മുന്നൂറ്റി അന്പതോളം സൈനികര് പതിനായിരം അടി മുകളിലുള്ള മഞ്ഞു മലയില് എത്തിയതായിരുന്നു. അപ്പോഴാണ് മഞ്ഞു മല ഇടിഞ്ഞു സംഘത്തിന് മേലെ പതിച്ചത്. പതിനഞ്ചു സൈനികരുടെ മൃതദേഹങ്ങള് മഞ്ഞിനടിയില് പെട്ടിരിക്കുകയാണ്. പതിനേഴു പേരെ മഞ്ഞില് നിന്നും പുറത്തെടുത്തു ആശുപത്രിയില് പ്രവേശിപ്പിച്ചിട്ടുണ്ട്. രണ്ടു പേരെ ഇനിയും കണ്ടു കിട്ടിയിട്ടില്ല. ഇവര്ക്ക് വേണ്ടിയുള്ള തിരച്ചില് തുടരുന്നുണ്ട്. ഇന്നലെ രാത്രിയോടെ ഇരുപത്തിയാറു പേരെ രക്ഷിക്കാന് കഴിഞ്ഞതായി സൈന്യം അറിയിച്ചു.
