 |
 |
 |
 |
 |
 |
 |
 |
 |
 |
 |
 |
 |
 |
പനാജി: ഗോവയില്‍ നടക്കുന്ന അന്തര്‍ദേശീയ ചലച്ചിത്രമേളയില്‍ ഓപ്പണ്‍ഫോറത്തില്‍ സംസാരിക്കവെ ബ്രസീലിയന്‍ സംവിധായകന്‍ ഓസ്‌കാര്‍ മാരോണ്‍ ഫില്‍ഹോ (56) ഹൃദയാഘാതം മൂലം അന്തരിച്ചു. ഗോവന്‍ ചലച്ചിത്രമേളയില്‍ ഫുട്‌ബോള്‍ സിനിമകളുടെ പ്രത്യേക വിഭാഗത്തിലുള്‍പ്പെടുത്തിയ’ മരിയാ ഫില്‍ഹോ : ദ ക്രിയേറ്റര്‍ ഓഫ് ക്രൗഡ്‌സ്’ എന്ന ഡോക്യുമെന്ററിയുടെ സംവിധായകനാണ് അദ്ദേഹം. ഉടന്‍ മെഡിക്കല്‍ കോളേജിലെത്തിച്ചു എങ്കിലും ജീവന്‍ രക്ഷിക്കാനായില്ല
-
ഡാര്‍ജിലിംഗ്‌: പശ്ചമ ബംഗാളിലെ ഡാര്‍ജിലിംഗില്‍ പാലം തകര്ന്ന് മരിച്ചവരുടെ എണ്ണം 31 ആയി. നൂറോളം പേര്‍ക്ക് പരിക്കേറ്റു. ഡാര്‍ജിലിംഗില്‍നിന്ന്‌ 30 കിലോമീറ്റര്‍ അകലെ ശനിയാഴ്ച രാത്രി ബൈജോണ്‍ബാരി മേഖലയിലാണ് അപകടമുണ്ടായത്. ഗൂര്‍ഖ ജന്‍മുക്‌തിമോര്‍ച്ചയുടെ യോഗത്തില്‍ സംബന്ധിക്കാന്‍ രണ്‍ഗീത്‌ നദിക്കുകുറുകേയുള്ള പഴയ തടിപ്പാലത്തില്‍ തടിച്ചുകൂടിയ ജനങ്ങളാണ്‌ അപകടത്തില്‍പ്പെട്ടത്‌. അമിത ഭാരവും കാലപ്പഴക്കവും കാരണം പാലം തകര്‍ന്നു വീഴുകയായിരുന്നു. സെപ്‌റ്റംബര്‍ 18 നുണ്ടായ ഭൂമികുലുക്കത്തില്‍ ഈ പാലം ദുര്‍ബലമായിരുന്നു. പത്ത് പേര്‍ സംഭവ സ്ഥലത്തുവെച്ച് തന്നെ മരിച്ചു. രാത്രി മുഴുവന്‍ രക്ഷാപ്രവര്‍ത്തനം തുടര്‍ന്നു.
പരുക്കേറ്റവരെ സിലിഗുരി മെഡിക്കല്‍ കോളജിലും ഡാര്‍ജലിംഗിലെ സര്‍ക്കാര്‍ ആശുപത്രിയിലും പ്രവേശിപ്പിച്ചിരിക്കുകയാണ്. ഇവരില്‍ പലരുടെയും നില ഗുരുതരമായതിനാല്‍ മരണസംഖ്യ ഇനിയും ഉയര്‍ന്നേക്കുമെന്നാണ് സൂചന. പരിക്കേറ്റവരുടെ ചികിത്സാചെലവുകള്‍ വഹിക്കുമെന്ന് സര്‍ക്കാര്‍ അറിയിച്ചു. മരിച്ചവരുടെ കുടുംബങ്ങള്‍ക്ക് രണ്ട് ലക്ഷം രൂപ വീതം നഷ്ടപരിഹാരവും പ്രഖ്യാപിച്ചിട്ടുണ്ട്
- ലിജി അരുണ്‍
ഡല്‍ഹിയില്‍ കെട്ടിടം തകര്ന്ന് മരിച്ചവരുടെ എണ്ണം ഏഴായി. ഡല്‍ഹി ജുമാ മസ്ജിദിനു സമീപം ചാന്ദ്‌നി മഹലിലാണ് മൂന്നുനില കെട്ടിടം തകര്ന്നുവീണത്. മരിച്ചവരില്‍ നാലു സ്‌ത്രീകളും ഉള്‍പ്പെടുന്നു. മുപ്പത്തിലേറെ പേര്‍ക്ക് പരുക്കേറ്റു. ഇതില്‍ അഞ്ചുപേരുടെ നില ഗുരുതരമാണ്. കെട്ടിടാവശിഷ്‌ടങ്ങള്‍ക്കടിയില്‍ കൂടുതല്‍പേര്‍ കുടുങ്ങി കിടക്കുന്നുണ്ട്. ഇന്നലെ രാത്രി എട്ടുമണിയോടെ ചാന്ദിനി മഹല്‍ മേഖലയിലാണ് 70 വര്‍ഷം പഴക്കമുള്ള കെട്ടിടം തകര്ന്നുവീണത്. കെട്ടിടത്തിന് സമീപത്തെ വഴിയോര കച്ചവടക്കാരും അപകടത്തില്‍പ്പെട്ടു.
നാട്ടുകാരും അഗ്നിശമനസേനയും രക്ഷാപ്രവര്‍ത്തനത്തിന് നേതൃത്വം നല്‍കി. ഡല്‍ഹി മുനിസിപ്പല്‍ കോര്‍പറേഷന്‍ സംഭവത്തില്‍ അന്വേഷണം പ്രഖ്യാപിച്ചു.
- ലിജി അരുണ്‍
ഹൈദരാബാദ് : ബൈക്ക്‌ അപകടത്തെ തുടര്‍ന്ന് ഗുരുതരാവസ്ഥയില്‍ അപ്പോളോ ആശുപത്രിയില്‍ ചികില്‍സയില്‍ കഴിയുകയായിരുന്ന മുന്‍ ക്രിക്കറ്റ് താരവും മൊറാദാബാദ് എം. പി. യുമായ മൊഹമ്മദ്‌ അസറുദ്ദീന്റെ മകന്‍ അയസുദ്ദീന്‍ മരിച്ചു. 19 വയസായിരുന്നു. സെപ്റ്റെംബര്‍ 11 നാണ് അയസുദ്ദീനും പതിനാറുകാരനായ ബന്ധു അജ്മല്‍ ഉര്‍ റഹ്മാനും ഓടിച്ചിരുന്ന സ്പോര്‍ട്ട്സ് ബൈക്ക്‌ ഹൈദരാബാദില്‍ റോഡില്‍ നിന്നും തെറിച്ചു പോയി അപകടത്തില്‍ പെട്ടത്. അജ്മല്‍ അപകടത്തില്‍ തല്‍ക്ഷണം കൊല്ലപ്പെട്ടിരുന്നു.
- ജെ.എസ്.
ന്യൂഡല്‍ഹി : കനത്ത മഴയില്‍ കുളിച്ച ഡല്‍ഹിയില്‍ വെള്ളം പൊങ്ങിയത് മൂലം ഗതാഗതം തടസ്സപ്പെട്ടു. ഇന്ന് പുലര്‍ച്ചെ മുതല്‍ അനുഭവപ്പെട്ട ശക്തമായ മഴയെ തുടര്‍ന്ന് ഓവുചാലുകള്‍ തടസ്സപ്പെട്ടതാണ് വെള്ളം പൊങ്ങാന്‍ കാരണമായത്‌. നെരാലയിലെ ഒരു ആശുപത്രിയുടെ തകര്‍ന്നു വീണ മതിലിനകത്ത് സ്ക്കൂള്‍ വിദ്യാര്‍ഥികള്‍ കുടുങ്ങി. ഇതില്‍ ഒരു ബാലിക മരണപ്പെട്ടു.
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
