 |
 |
 |
 |
 |
 |
 |
 |
 |
 |
 |
 |
 |
 |
ഗാന്ധി വധത്തിൽ ആർ.എസ്.എസ്സിന് എതിരായ പ്രസ്താവനയിൽ ഉറച്ചു നിൽക്കുന്നതായി രാഹുൽ ഗാന്ധി. ഗാന്ധിയുടെ ഘാതകനായ നാഥുറാം ഗോഡ്സെയുടെ സഹോദരൻ ഗോപാൽ ഗോഡ്സെയുടെ പ്രസ്താവനക്ക് അടിസ്ഥാനമായാണ് പരാമർശം നടത്തിയത്. പ്രസ്താവനയുടെ പേരിലെടുത്ത മാനനഷ്ട കേസിൽ കോടതിക്ക് മുമ്പിൽ വിചാരണക്ക് തയ്യാറാണെന്നും അദ്ദേഹം അറിയിച്ചു.
രാഹുലിന്റെ അഭിഭാഷകനാണ് അദ്ദേഹത്തിന്റെ നിലപാടുകൾ കോടതിയെ അറിയിച്ചത്. മഹാരാഷ്ട്രയിലെ തിരഞ്ഞെടുപ്പ് പ്രചാരണത്തിനിടയിലായിരുന്നു രാഹുൽ ഗാന്ധിയുടെ പ്രസ്താവന.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
സി.പി.എം ടാറ്റയുടെ നാനോ ഫാക്ടറിക്കായി നൽകിയ പശ്ചിമബംഗാളിലെ 100 ഏക്കർ വരുന്ന കൃഷിഭൂമി കർഷകർക്ക് തിരിച്ച് നൽകണമെന്ന് കോടതി ഉത്തരവിട്ടു. ഭൂമിക്ക് പകരമായി സർക്കാർ കർഷർക്ക് നൽകിയ പണം തിരിച്ച് വാങ്ങിക്കരുതെന്നും കോടതി ഉത്തരവിൽ പറയുന്നു.
ഒരു സ്വകാര്യ കമ്പനിയാണ് ഇടത് സർക്കാറിന് വേണ്ടി പണം ഇറക്കിയതെന്നും അവർക്ക് വേണ്ടി ഭൂമി കയ്യടക്കാൻ സർക്കാറിന് അധികാരമില്ലെന്നും കോടതി പറഞ്ഞു. കോടതിയുടെ നിരീക്ഷണങ്ങൾ സി.പി.എമ്മിന് കനത്ത തിരിച്ചടിയായി. കോടതി വിധിയിൽ അതീവ സന്തോഷമുണ്ടെന്നും അത് വലിയൊരു വിജയമാണെന്നും ബംഗാൾ മുഖ്യമന്ത്രി മമത ബാനർജി പറഞ്ഞു.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയം
ഫ്രഞ്ച് കമ്പനിയായ സി.സി.എൻ.എസിന്റെ നിർമ്മാണത്തിലിരിക്കുന്ന ഇന്ത്യൻ മുങ്ങിക്കപ്പൽ സ്കോർപ്പീന്റെ രഹസ്യങ്ങൾ ചോർന്നു. ഓസ്ട്രേലിയൻ ദിനപത്രമായ ‘ ദ ഓസ്ട്രേലിയൻ’ ആണ് വാർത്ത റിപ്പോർട്ട് ചെയ്തത്. നിർമ്മാണ രഹസ്യങ്ങൾ ചോർന്നതായും അത് ചൈന, പാക്കിസ്ഥാൻ മുതലായ രാജ്യങ്ങളുടെ പക്കൽ എത്തിയതായും റിപ്പോർട്ടിൽ പറയുന്നു.
രഹസ്യങ്ങൾ ഇന്ത്യയിൽ നിന്നാണ് ചോർന്നതെന്ന സി.സി.എൻ.എസ്സിന്റെ നിലപാട് ഇന്ത്യ നിഷേധിച്ചു. വെള്ളത്തിൽ മുങ്ങിക്കിടന്ന് ശത്രുവിനെതിരെ മാരക ആക്രമണം തൊടുത്തു വിടാനുള്ള കഴിവ് സ്കോർപ്പിനുണ്ട്. അന്തർവാഹിനിയിലെ സെൻസറുകൾ സംബന്ധിച്ച വിവരങ്ങൾ, ആശയവിനിമയവും ഗതിനിർണയവും സംബന്ധിച്ച വിവരങ്ങൾ തുടങ്ങിയവയാണ് ചോർന്നത്. എന്നാൽ വിവരങ്ങൾ ചോർന്നിട്ടില്ലെന്നും ഹാക്കിംഗ് മാത്രമാണ് നടന്നതെന്നും കേന്ദ്രമന്ത്രി പറഞ്ഞു.
- അവ്നി
പ്രധാനമന്ത്രിയുടെ പേരു സ്വർണലിപികളിൽ എഴുതിയ വിവാദ സ്യൂട്ട് ഗിന്നസ് ബുക്കിൽ. കഴിഞ്ഞ വർഷം അമേരിക്കൻ പ്രസിഡന്റ് ബരാക് ഒബാമ ഇന്ത്യ സന്ദർശിക്കാൻ വന്നപ്പോൾ നരേന്ദ്ര മോദി അണിഞ്ഞ സ്യൂട്ട് ആണ് 4.31 കോടി രൂപയ്ക്ക് ലേലത്തിൽ വിറ്റതോടെ ഗിന്നസ് ബുക്കിൽ കയറിയത്. സൂറത്ത് ആസ്ഥാനമായ ധർമാനന്ദ ഡയമണ്ട് കമ്പനി ഉടമ ലാൽജിഭായ് പട്ടേലാണ് സ്യൂട്ട് വാങ്ങിയത്.
പ്രധാനമന്ത്രി 10 ലക്ഷം രൂപ ചെലവാക്കി സ്യൂട്ട് ധരിച്ചത് അന്ന് കടുത്ത വിമർശനമായിരുന്നു. ലേലത്തുക ഗംഗാ ശുചീകരണ പദ്ധതിക്ക് വേണ്ടി ഉപയോഗിക്കും.
- അവ്നി
വായിക്കുക: ഇന്ത്യ, ഇന്ത്യന്‍ രാഷ്ട്രീയ നേതാക്കള്‍, ബഹുമതി
പ്രതീക്ഷകൾക്കും പ്രാർഥനകൾക്കും വിരാമമിട്ടു കൊണ്ട് റിയോ ഒളിമ്പിക്സിൽ ഇന്ത്യക്ക് ആദ്യത്തെ മെഡൽ. ഗോദയിൽ സാക്ഷി മാലിക്കാണ് വെങ്കല മെഡൽ ഇന്ത്യക്ക് സമ്മാനിച്ചത്. റപ്പഷാഗെ റൗണ്ടിലാണ് സാക്ഷി മെഡൽ സ്വന്തമാക്കിയത്. ക്വാർട്ടറിലും പ്രീ-ക്വാർട്ടറിലും തോറ്റവർ തമ്മിൽ വെങ്കല മെഡലിനായുള്ള പോരാട്ടമാണ് റപ്പഷാഗെ റൗണ്ട്. ഒളിമ്പിക്സ് ഗുസ്തിയിൽ ഇന്ത്യ ഇതുവരെ സ്വന്തമാക്കിയ 5 മെഡലുകളിൽ 3 എണ്ണം റപ്പഷാഗെ റൗണ്ടിലാണ്.
ഒളിമ്പിക്സ് അവസാനിക്കാൻ വെറും 4 ദിവസം ബാക്കി നിൽക്കെ സാക്ഷിയുടെ ഈ നേട്ടം ഇന്ത്യക്ക് അഭിമാനപ്രദമാണ്. ക്വാർട്ടറിൽ സാക്ഷിയെ തോൽപ്പിച്ച റഷ്യൻ താരം ഫൈനലിലേക്ക് മുന്നേറിയത് ഇന്ത്യക്ക് മെഡൽ നേടാൻ കാരണമായി.
- അവ്നി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
