 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി : ഗുജറാത്ത് കോണ്ഗ്രസ്സ് വര്ക്കിംഗ് പ്രസിഡണ്ട് ഹര്ദിക് പട്ടേല് പാര്ട്ടി വിട്ടു. ഗുജറാത്ത് നിയമ സഭാ തെരഞ്ഞെടുപ്പിന് മാസങ്ങൾ മാത്രം ബാക്കി നില്ക്കുമ്പോഴാണ് പാര്ട്ടിയെ പ്രതിരോധത്തിലാക്കി ഹര്ദിക് കോണ്ഗ്രസ്സ് വിട്ടത്. ട്വിറ്ററിലൂടെയാണ് രാജി പ്രഖ്യാപനം അറിയിച്ചത്.
പാട്ടീദാർ പ്രവർത്തകന് ആയിരുന്ന ഹര്ദിക് 2019 ലോക് സഭാ തെരഞ്ഞെടുപ്പിന് തൊട്ടു മുമ്പാണ് കോണ്ഗ്രസ്സില് ചേര്ന്നത്. ഗുജറാത്ത് കോണ്ഗ്രസ്സില് ഉൾപ്പോര് രൂക്ഷമായ സാഹചര്യത്തിലാണ് ഇദ്ദേഹം പാര്ട്ടി വിട്ടത് എന്നറിയുന്നു.
- pma
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, സാങ്കേതികം
ന്യൂഡല്ഹി : ബി. ജെ. പി. ദേശീയ ഉപാദ്ധ്യക്ഷന് എ. പി. അബ്ദുള്ളക്കുട്ടി ഹജ്ജ് കമ്മറ്റി ചെയര്മാന് സ്ഥാനത്തേക്ക്. കേന്ദ്ര ഹജ്ജ് കമ്മിറ്റിയുടെ ചെയർ മാനായി നിയോഗിക്കപ്പെടുന്ന ആദ്യത്തെ മലയാളി എന്ന പ്രത്യേകതയും ഉണ്ട്.
സംസ്ഥാന ഹജ്ജ് കമ്മിറ്റി ചെയര്മാന് സി. മുഹമ്മദ് ഫൈസിയെ കേന്ദ്ര ഹജ്ജ് കമ്മിറ്റി അംഗമായി തെരഞ്ഞെടുത്തു. 2025 മാർച്ച് 31 വരെ കാലാവധിയുള്ള കമ്മിറ്റിയിലേക്കാണ് കേരളത്തിൽ നിന്നുള്ള പ്രതി നിധി യായി മുഹമ്മദ് ഫൈസിയെ ഉൾപ്പെടുത്തിയത്.
മുനവരി ബീഗം, മഫൂജ ഖാതൂണ് എന്നിവരെ വൈസ് ചെയര് പേഴ്സണ്മാരായി തെരഞ്ഞെടുത്തിട്ടുണ്ട്. ആദ്യമായാണ് രണ്ട് വനിതകള് ഹജ്ജ് കമ്മറ്റിയില് വൈസ് ചെയര് പേഴ്സണ്മാര് ആകുന്നത്.
- pma
വായിക്കുക: bjp, ഇന്ത്യന് രാഷ്ട്രീയ നേതാക്കള്, കേരളം, ബഹുമതി, മതം
ന്യൂഡല്ഹി : മുതിര്ന്ന കോണ്ഗ്രസ്സ് നേതാവും മുന് കേന്ദ്ര മന്ത്രിയുമായ ഗുലാം നബി ആസാദ് സജീവ രാഷ്ട്രീയ ത്തില് നിന്നും വിരമിക്കുവാൻ ഒരുങ്ങുന്നു. നീതി പുലര്ത്താന് സാധിക്കാത്ത അന്തരീക്ഷം രാഷ്ട്രീയത്തില് നില നില്ക്കുന്നു. സമൂഹത്തിലെ ജാതി, മത ഭിന്നതകള് ഇല്ലാതാക്കുവാന് ഇന്നത്തെ രാഷ്ട്രീയത്തിന് സാധിക്കുന്നില്ല. സജീവ രാഷ്ട്രീയ ത്തില് നിന്ന് വിരമിച്ച ശേഷം സാമുഹിക സേവന മേഖലയില് ശ്രദ്ധ കേന്ദ്രീകരിക്കുകയാണ് ലക്ഷ്യം. ഒരു പൊതു പരിപാടിപൊതുയെ അഭിസംബോധന ചെയ്യുക യായിരുന്നു ഗുലാം നബി ആസാദ്.
- pma
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, പ്രതിഷേധം, വിവാദം
ഉത്തര് പ്രദേശ് നിയമ സഭാ തെരഞ്ഞെടുപ്പ് നടക്കുവാന് ഇരിക്കെ യോഗി ആദിത്യനാഥ് സര്ക്കാരിലെ മൂന്നു മന്ത്രിമാര് അടക്കം 9 എം. എല്. എ. മാര് ബി. ജെ. പി. യില് നിന്നും രാജി വെച്ചു.
ദളിത് – പിന്നോക്ക വിഭാഗങ്ങളോടുള്ള അവഗണനയില് പ്രതിഷേധിച്ചു കൊണ്ടാണ് രാജി. മൂന്നു ദിവസത്തിനിടെ മൂന്നു മന്ത്രിമാർ പാർട്ടി വിട്ടത് ഉത്തര് പ്രദേശ് ബി. ജെ. പി. യില് അങ്കലാപ്പ് ഉണ്ടാക്കി എന്ന് റിപ്പോർട്ടുകൾ പറയുന്നു.
ബി. ജെ. പി. മന്ത്രി സഭയില് സ്വതന്ത്ര ചുമതലയുള്ള സഹ മന്ത്രിയായിരുന്ന ധരം സിംഗ് സെയ്നി യാണ് ഇപ്പോള് രാജി വെച്ചത്. പ്രമുഖ പിന്നാക്ക വിഭാഗ നേതാവ് കൂടി യായ സ്വാമി പ്രസാദ് മൗര്യയാണ് കഴിഞ്ഞ ദിവസം ബി. ജെ. പി. വിട്ടത്. അദ്ദേഹത്തിന്റെ അടുത്ത സഹായി ആയിരുന്നു ധരം സിംഗ് സെയ്നി.
അതേ സമയം, സമാജ് വാദി പാര്ട്ടിയിലേക്ക് ധരം സിംഗ് സെയ്നിയെ സ്വാഗതം ചെയ്തു കൊണ്ട് അഖിലേഷ് യാദവ് ട്വിറ്ററില് രണ്ടു പേരും ചേര്ന്നുള്ള ചിത്രം പങ്കു വെച്ചിട്ടുണ്ട്. നിയമ സഭാ തെരഞ്ഞെടുപ്പോടു കൂടെ യു. പി. യിലെ രാഷ്ട്രീയ സമവാക്യങ്ങളും സാഹചര്യങ്ങളും മാറിയേക്കാം എന്ന് രാഷ്ട്രീയ നിരീക്ഷകര് കരുതുന്നു.
- pma
വായിക്കുക: bjp, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്, വിവാദം
ചെന്നൈ : മഴക്കെടുതിമൂലം ദുരിതം അനുഭവിക്കുന്ന കേരള ത്തിനു സഹായവുമായി ദ്രാവിഡ മുന്നേറ്റ കഴകം (ഡി. എം. കെ.) രംഗത്ത്. കേരളാ മുഖ്യ മന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ നല്കും എന്ന് തമിഴ്നാട് മുഖ്യ മന്ത്രിയും ഡി. എം. കെ. നേതാവുമായ എം. കെ. സ്റ്റാലിന് അറിയിച്ചു.
മുന് കാലങ്ങളിലെ പ്രളയ സമയത്തും ദ്രാവിഡ മുന്നേറ്റ കഴകം കേരളത്തിലേക്ക് ദുരിതാശ്വാസ സാധന സാമഗ്രി കള് അയച്ചിരുന്നു.
- pma
വായിക്കുക: ഇന്ത്യന് രാഷ്ട്രീയ നേതാക്കള്, കാലാവസ്ഥ, കേരളം, തമിഴ്നാട്, ദുരന്തം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
