അഹമദബാദ്: പ്രമുഖ സാമൂഹ്യ പ്രവര്ത്തകയും നര്ത്തകിയുമായ മല്ലിക സാരാഭായിയേയും മുകുള് സിന്ഹയേയും ഗുജറാത്ത് പോലീസ് അറസ്റ്റു ചെയ്തു. 2002-ലെ ഗുജറാത്ത് കലാപത്തിന്റെ ഇരകളെ അണി നിരത്തി മുഖ്യമന്ത്രി നരേന്ദ്ര മോഡിയുടെ നിരാഹാര പന്തലിലേക്ക് മാര്ച്ചു നടത്തുവാനുള്ള ശ്രമത്തിനിടെയായിരുന്നു അറസ്റ്റ്. താന് അറസ്റ്റിലായത് എന്തിനാണെന്ന് അറിയില്ലെന്നും, മുഖ്യമന്ത്രിക്ക് ഒരു കത്തു നല്കുവാന് പുറപ്പെട്ടതെന്നാണ് തങ്ങളെന്നുമായിരുന്നു മല്ലിക അറസ്റ്റിനു ശേഷം പ്രതികരിച്ചത്. എന്നാല് അനുമതിയില്ലാതെ പ്രകടനം നയിച്ചതിനാണ് അറസ്റ്റെന്നാണ് പോലീസ് ഭാഷ്യം. ഗുജറാത്ത് കലാപവുമായി ബന്ധപ്പെട്ട് മോഡിക്കെതിരായി നല്കിയ കേസില് തന്റെ അഭിഭാഷകരെ കൈക്കൂലി നല്കി സ്വാധീനിക്കുവാന് മോഡി ചില ഉദ്യോഗസ്ഥര് വഴി ശ്രമിച്ചതായി നേരത്തെ മല്ലിക ആരോപണമുന്നയിച്ചിരുന്നു.
മുംബൈ : മോഡലും മറാഠി നടിയുമായ യോഗിത ദാണ്ഡേക്കര് അഴിമതിക്കെതിരെ ശക്തമായ ലോക്പാല് ബില്ലിനായി രാംലീലാ മൈതാനിയില് നിരാഹാര സമരം നടത്തുന്ന അണ്ണാ ഹസാരയ്ക്ക് പിന്തുണ പ്രഖ്യാപിക്കുന്നു എന്ന പേരില് നഗ്നയായി പോസ് ചെയ്തു. തന്റെ ശരീരത്തിന്റെ മുന് ഭാഗത്ത് ഇന്ത്യന് ദേശീയ പതാകയിലെ മൂന്ന് നിറങ്ങളും പുറകില് ഹസാരയുടെ ചിത്രവും താഴെ ഐ ലൌ ഇന്ത്യ എന്നും പെയ്ന്റു ചെയ്തായിരുന്നു നടി പോസ് ചെയ്തത്. ജന പാല് ബില് പാര്ളിമെന്റില് പാസാക്കിയാല് താന് നഗ്നയായി ഓടുമെന്നും അവര് പ്രഖ്യാപിച്ചു. നടിയുടെ ചിത്രങ്ങള് ഇന്റര്നെറ്റില് വ്യാപകമായി പ്രചരിപ്പിക്കപ്പെടുന്നുണ്ട്. എന്നാല് നടിയുടെ നടപടിയില് ചിലര് ശക്തമായ പ്രതിഷേധം രേഖപ്പെടുത്തി. ഇത്തരം വിലകുറഞ്ഞ പ്രചാര വേലകള് മഹത്തരമായ ഒരു ആവശ്യത്തിനായി നിരാഹാര സമരം നടത്തുന്ന അണ്ണ ഹസാരെയേയും അദ്ദേഹത്തെ പിന്തുണയ്ക്കുന്ന സാധാരണ ജനങ്ങളേയും വേദനിപ്പിക്കുമെന്നും സഭ്യമായതും അഹിംസയെ മുറുകെ പിടിക്കുന്നതുമായ രീതിയില് ആയിരിക്കണം പിന്തുണ പ്രഖ്യാപിക്കുന്നതെന്നും അവര് പറയുന്നു.
