ചെന്നൈ: പ്രശസ്ത തമിഴ് സിനിമാനടി മനോരമയെ വീണ് പരിക്കേറ്റതിനെ തുടര്ന്ന് ചെന്നൈയിലെ അപ്പോളൊ സ്പെഷാലിറ്റി ആശുപത്രിയില് പ്രവേശിപ്പിച്ചു. നില അതീവ ഗുരുതരമായി തുടരുന്നു. ഇവര് ഇപ്പോള് വെന്റിലേറ്ററിലാണ്. ക്ഷതമേറ്റതിനെ തുടര്ന്ന് തലച്ചോറില് രക്തസ്രാവമുണ്ടായിട്ടുണ്ടെന്ന് ആശുപത്രി അധികൃതര് പറഞ്ഞു. സ്ഥിതി വഷളായതിനെ തുടര്ന്ന് വെന്റുലേറ്ററിലേക്ക് മാറ്റിയതായാണ് ആശുപത്രി വൃത്തങ്ങളില് നിന്ന് ലഭിക്കുന്ന വിവരം. മുട്ടുവേദനയെ തുടര്ന്ന് മാസങ്ങള്ക്കു മുമ്പ് മനോരമ ശസ്ത്രക്രിയക്ക് വിധേയയായിരുന്നു. തമിഴര് സ്നേഹത്തോടെ ആച്ചിയെന്നു വിളിക്കുന്ന മനോരമ 1500ലധികം സിനിമകളില് ഇവര് വിവിധ വേഷത്തില് അഭിനയിച്ചിട്ടുണ്ട്. ആയിരം ജന്മങ്ങള്, മില്ളേനിയം സ്റ്റാര്സ്, സീതാകല്യണം എന്നീ മലയാളം സിനിമകളിലും അഭിനയിച്ചിട്ടുണ്ട്.
