തൃശൂര്‍ : ബസ് യാത്രക്കാരിയെ മാനഭംഗ പ്പെടുത്താന്‍ ശ്രമിച്ച സര്‍ക്കിള്‍ ഇന്‍സ്‌പെക്ടറെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു. മലപ്പുറം പാണ്ടിക്കാട് റാപിഡ് ആക്ഷന്‍ ഫോഴ്‌സ് സി. ഐ. ദേശമംഗലം പള്ളം സ്വദേശി തിയ്യാടിപ്പടിയില്‍ 38 കാരനായ സുബ്രഹ്മണ്യ നെതിരെയാണ് വടക്കാഞ്ചേരി പൊലീസ് കേസെടുത്തത്.
ചെറുതുരുത്തി യില്‍ ബലിതര്‍പ്പണം നടത്തിയ ശേഷം തിരികെ തൃശൂരി ലേക്ക് പ്രൈവറ്റ് ബസില്‍ പോവുക യായിരുന്ന 48 കാരിയുടെ പരാതി പ്രകാരമാണ് കേസെടുത്തിട്ടുള്ളത്. സഹായ ത്തിനായുള്ള ഇവരുടെ അഭ്യര്‍ത്ഥനയെ ത്തുടര്‍ന്ന് യാത്രക്കാര്‍ സുബ്ര ഹ്മണ്യനെ ബസിനുള്ളില്‍ തടഞ്ഞു വെച്ച് വടക്കാഞ്ചേരി പോലീസിന് കൈമാറുക യായിരുന്നു.
മാനഭംഗശ്രമം, പ്രകൃതി വിരുദ്ധ പീഡനം തുടങ്ങിയ വകുപ്പുകള്‍ പ്രകാരമാണ് കേസ് എടുത്തിരിക്കുന്നത്. ഇവര്‍ ധരിച്ചിരുന്ന വസ്ത്രങ്ങള്‍ ഫോറന്‍സിക് പരിശോധയ്ക്കയച്ചു. ഡി. ജി. പി. ജേക്കബ് പുന്നൂസ് ഐ. പി. എസിന്റെ നിര്‍ദ്ദേശ പ്രകാരം തൃശൂര്‍ റെയിഞ്ച് ഐ. ജി. എസ്. ഗോപിനാഥ് ഐ പി എസ്. സുബ്രഹ്മണ്യനെ സസ്‌പെന്റ് ചെയ്തു.
-തയാറാക്കിയത് : ബിജു കരുനാഗപ്പള്ളി
- pma
അനുബന്ധ വാര്‍ത്തകള്‍
വായിക്കുക: കുറ്റകൃത്യം, പീഡനം
അടുത്ത പോലീസ് മെഡൽ ഇതിയാനു തന്നെ