ഇന്ത്യയില് നിലവില് ഉള്ള ബാങ്കിങ്ങ് നിയമം അനുസരിച്ച് ഇസ്ലാമിക ബാങ്ക് അനുവദിക്കാന് ആകില്ലെന്ന് റിസര്വ്വ് ബാങ്ക് ഗവര്ണ്ണര് ഡി. സുബ്ബറാവു അറിയിച്ചു. ശരീയത്ത് തത്വങ്ങളെ അടിസ്ഥാനമാക്കി പലിശ രഹിത പണമിടപാടാണ് ഇസ്ലാമിക ബാങ്കിങ്ങ് മുന്നോട്ട് വെക്കുന്ന ആശയം. എന്നാല് രാജ്യത്ത് നിലവില് ഉള്ള സംവിധാനം പലിശ വ്യവസ്ഥ അടിസ്ഥാനമാക്കി ഉള്ളതാണ്. അതു കൊണ്ടു തന്നെ ഇസ്ലാമിക ബാങ്കിങ്ങ് ആരംഭിക്കണമെങ്കില് അതിനായി പ്രത്യേകം നിയമ നിര്മ്മാണം വേണ്ടി വരും എന്നും അദ്ദേഹം പറഞ്ഞു.
റിസര്വ്വ് ബാങ്ക് ഓഫ് ഇന്ത്യയുടെ കേന്ദ്ര ബോര്ഡ് യോഗത്തില് പങ്കെടുക്കുവാന് തിരുവനന്തപുരത്ത് എത്തിയതായിരുന്നു അദ്ദേഹം.
