 |
 |
 |
 |
 |
 |
 |
 |
 |
 |
 |
 |
 |
 |
കുന്ദമംഗലം : കോഴിക്കോട് കുന്ദമംഗലത്ത് അനാഥാലയത്തിൽ 13 കാരിക്ക് പീഡനം. അനാഥാലയത്തിന്റെ ഡയറക്ടറുടെ മകൻ ഓസ്റ്റിനെ പോലീസ് അറസ്റ്റ് ചെയ്തു. കുട്ടി പരാതി നൽകിയതിനെ തുടർന്നാണ് അറസ്റ്റ്. പോക്സോ ആക്ട് പ്രകാരമാണ് ഇയാൾക്കെതിരെ കേസ് രജിസ്റ്റർ ചെയ്തിട്ടുള്ളത്. പ്രതിയെ ശനിയാഴ്ച കസ്റ്റഡിയിലെടുത്തു. ഞായറാഴ്ച കേസ് രജിസ്റ്റർ ചെയ്തു.
കുട്ടിയുടെ മൊഴി മജിസ്ട്രേറ്റിനു മുമ്പിൽ രേഖപ്പെടുത്തിയതിനു ശേഷം സുരക്ഷിത സ്ഥാനത്തേക്ക് മാറ്റി. കുറച്ചു നാളായി പ്രതി കുട്ടിയെ ഉപദ്രവിച്ചിരുന്നു എന്നാണ് കുട്ടിയുടെ മൊഴി.
- അവ്നി
വായിക്കുക: കുട്ടികള്, കുറ്റകൃത്യം, പീഡനം, പോലീസ്, മനുഷ്യാവകാശം, മാധ്യമങ്ങള്
തിരുവനന്തപുരം : പത്മനാഭ സ്വാമി ക്ഷേത്രത്തിലെ കാണാതായ വജ്ര മുത്തുകൾ കണ്ടെത്തി. മുത്തുകൾ മോഷ്ടിക്കപ്പെട്ടതല്ലെന്നും അടർന്നു പോയതാണെന്നുമാണ് ക്രൈംബ്രാഞ്ച് അന്വേഷണ റിപ്പോർട്ട്. വിഗ്രഹത്തിൽ ചാർത്തുന്ന മാലയിലെയും ചൂടുന്ന മുത്തു കുടയിലെയും മുത്തുകൾ കാണാതായെന്നായിരുന്നു പരാതി.
കണ്ടെടുത്ത വജ്രങ്ങളും ആഭരണങ്ങളിലെ വജ്രങ്ങളും ഒത്തു നോക്കിയാണ് ഇവ നഷ്ടപ്പെട്ടവ തന്നെയെന്ന് ക്രൈംബ്രാഞ്ച് ഉറപ്പിച്ചത്. അന്വേഷണ റിപ്പോർട്ട് ഡി ജി പി ക്ക് കൈമാറിയിട്ടുണ്ടെന്ന് ഐ ജി എസ് ശ്രീജിത്ത് പറഞ്ഞു. മുത്തുകൾ ചെറുതെങ്കിലും കോടികൾ വിലമതിക്കുന്നതാണ്.
- അവ്നി
വായിക്കുക: പത്മനാഭ സ്വാമി ക്ഷേത്രം, പോലീസ്, മാധ്യമങ്ങള്
എറണാകുളം : റിമാന്ഡ് കാലാവധി കഴിഞ്ഞ സാഹചര്യത്തില് നടിയെ ആക്രമിച്ച കേസിലെ പ്രതി പള്സര് സുനിയെ ഇന്നു അങ്കമാലി കോടതിയില് ഹാജരാക്കി. മാധ്യമങ്ങളെ പൂര്ണ്ണമായും അകറ്റി നിര്ത്തിക്കൊണ്ടാണ് സുനിയെ പോലീസ് കോടതിയിലെത്തിച്ചത്. ഇനിയും വന് സ്രാവുകള് കുടുങ്ങുമെന്ന് മാത്രമാണ് സുനി മാധ്യമങ്ങളോട് പറഞ്ഞത്.
പ്രമുഖ അഭിഭാഷകന് ആളൂരാണ് കേസില് സുനിക്കു വേണ്ടി പുതിയതായി ഹാജരായിരിക്കുന്നത്. പുറത്തിറങ്ങിയാല് സുനിയുടെ ജീവനു ഭീഷണിയുള്ളതിനാല് ജാമ്യത്തിനു ഇന്നു അപേക്ഷിക്കില്ലെന്ന് അദ്ദേഹം മാധ്യമങ്ങളോട് പറഞ്ഞു.
- അവ്നി
വായിക്കുക: കുറ്റകൃത്യം, കോടതി, പീഡനം, പോലീസ്, മാധ്യമങ്ങള്
ഡിജിപി സെന് കുമാറിനെ പ്രകോപിപ്പിക്കാന് വീണ്ടും സര്ക്കാര് നടപടി. പത്തു വര്ഷമായി കൂടെയുള്ള പേഴ്സണല് സ്റ്റാഫിലെ എസ് ഐ അനില് കുമാറിനെ സ്ഥലം മാറ്റിക്കൊണ്ടാണ് ആഭ്യന്തര സെക്രട്ടറി ഉത്തരവിറക്കിയത്. സെന് കുമാറിന്റെ അറിവു കൂടാതെയാണ് സ്ഥലം മാറ്റം.
സര്ക്കാര്-സെന് കുമാര് തര്ക്കത്തിന്റെ അവസാനത്തെ ഉദാഹരമാണ് അനില് കുമാറിന്റെ സ്ഥലം മാറ്റം. ഇതേ സ്ഥാനത്ത് സര്ക്കാര് അനുഭാവിയായ ആരെയെങ്കിലും നിയമിച്ച് സെന് കുമാറിന്റെ നീക്കങ്ങള് നിരീക്ഷിക്കുകയാണ് സര്ക്കാറിന്റെ ലക്ഷ്യമെന്ന് കരുതപ്പെടുന്നു.
- അവ്നി
വായിക്കുക: കേരള രാഷ്ട്രീയം, പോലീസ്, മാധ്യമങ്ങള്, വിവാദം
തിരുവനന്തപുരം : മുന്മന്ത്രി എ.കെ ശശീന്ദ്രനെ ഫോണ് വിളിച്ച് കുടുക്കിയ കേസില് ചാനല് മേധാവിയടക്കം എട്ടുപേര് കീഴടങ്ങി. എന്നാല് ഫോണ് വിളിച്ച മാധ്യമപ്രവര്ത്തകയും ചാനലിന്റെ ചെയര്മാനും കീഴടങ്ങിയിട്ടില്ല. അറസ്റ്റ് തടയണമെന്നാവശ്യപ്പെട്ട് ഇവര് കോടതിയില് സമര്പ്പിച്ച ഹര്ജി തള്ളിയതോടെയാണ് കേസന്വേഷിക്കുന്ന പ്രത്യേക സംഘത്തിന്റെ മുമ്പില് കീഴടങ്ങിയത്.
പ്രതികള്ക്കെതിരെ ക്രിമിനല് ഗൂഡാലോചന, ഐടി ആക്ട് തുടങ്ങിയ വകുപ്പുകളിലാണ് കേസെടുത്തിരിക്കുന്നത്. എന്നാല് തന്റെ മൊബൈല് ഫോണും ലാപ്ടോപ്പും കാണാനില്ലെന്ന് കാണിച്ച് ചാനല് മേധാവി പോലീസിന് പരാതി നല്കിയിട്ടുണ്ട്.
- അവ്നി
വായിക്കുക: കേരള രാഷ്ട്രീയ നേതാക്കള്, കേരള ഹൈക്കോടതി, മാധ്യമങ്ങള്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
