ജൊഹാനസ്ബര്ഗ് : ദക്ഷിണാഫ്രിക്ക യില് തുടക്കമിട്ട ലോക കപ്പ് ഫുട്ബോള് മല്സരങ്ങളില് നടന്ന രണ്ടു കളികളിലും സമനില. ആതിഥേയ രായ ദക്ഷിണാഫ്രിക്ക യും മെക്സിക്കോ യും തമ്മില് നടന്ന ഉദ്ഘാടന മല്സരം 1 – 1 എന്ന സ്കോറില് സമനില ആവുക യായിരുന്നു. കളിയുടെ അമ്പത്തി അഞ്ചാം മിനുട്ടില് ദക്ഷിണാഫ്രിക്ക യുടെ ഷബാലാല നേടിയ ആദ്യ ഗോള്, 2010 ലോക കപ്പ് ഫുട്ബോളിലെ ആദ്യ ഗോള് ആയി ചരിത്രത്തില് സ്ഥാനം പിടിച്ചു.
കളിയുടെ ഗതിക്ക് വിപരീത മായി ആതിഥേയര് നേടിയ ഈ ഗോളില് പിടിച്ചു വിജയത്തില് എത്താം എന്ന പ്രതീക്ഷ ക്ക് തിരിച്ചടി നല്കി ക്കൊണ്ട് റാഫേല് മാര്ക്കേസ് അറുപത്തി ആറാം മിനുട്ടില് മെക്സിക്കോ യുടെ സമനില ഗോള് നേടി. തുടര്ന്ന് ഇരു ടീമുകളും വന് മുന്നേറ്റ ങ്ങള് പലതും നടത്തി എങ്കിലും ഗോള് മാത്രം ഒഴിഞ്ഞു നിന്നു. അവസരങ്ങള് നഷ്ടപ്പെടുത്തുന്ന കാര്യത്തില് ഇരു ടീമുകളും ഒന്നിനൊന്നു മെച്ചമായിരുന്നു.
വീണ്ടും ബലാബലം
ഗ്രൂപ്പ് എ യില് രണ്ടാമത് നടന്ന ഫ്രാന്സ് – ഉറുഗ്വെ മല്സരം ഗോള് രഹിത സമനില യില് പിരിഞ്ഞു. വന് താര നിരയുമായി കളിക്കള ത്തില് എത്തിയ ഫ്രാന്സിന് പേരിന് ഒത്ത മികവ് പുലര്ത്താ നായില്ല. ഫ്രാങ്ക് റിബറി എന്ന പ്ലേ മേക്കറുടെ ശ്രമങ്ങള് എല്ലാം തന്നെ ഫ്രഞ്ച് മുന്നേറ്റ നിരക്കാര് അലക്ഷ്യമായ ഷോട്ടുകള് ഉതിര്ത്തു കളഞ്ഞു കുളിക്കുക യായിരുന്നു. അദ്ധ്വാനിച്ചു കളിച്ച ഉറുഗ്വന് പ്രതിരോധ മതിലില് തട്ടി, കഴിഞ്ഞ ലോക കപ്പിലെ രണ്ടാം സ്ഥാനക്കാരുടെ ഗോള് നീക്കങ്ങള് പലതും പരാജയപ്പെട്ടു.
ചില ഒറ്റപ്പെട്ട നീക്കങ്ങളിലൂടെ ഫ്രഞ്ച് പ്രതിരോധ നിര യേയും ഗോള് കീപ്പ റെയും ഉറുഗ്വന് സ്ട്രൈക്കര്മാര് പല തവണ പരീക്ഷിച്ചു എങ്കിലും ഗോളിലേക്ക് എത്തുന്ന മുന്നേറ്റം ഒന്നും കാണാന് കഴിഞ്ഞില്ല. കളിയുടെ എണ്പതാം മിനുട്ടില് ഉറുഗ്വന് ഡിഫന്ഡര് ചുവപ്പ് കാര്ഡ് കണ്ടു പുറത്താവുകയും ചെയ്തു.
തയ്യാറാക്കിയത്: – ഹുസ്സൈന് ഞാങ്ങാട്ടിരി
ജൊഹാനസ്ബര്ഗ് : ഫിഫ ലോക കപ്പ് മാമാങ്കത്തിന് ഇന്ന് ദക്ഷിണാഫ്രിക്ക യിലെ ജൊഹാനസ്ബര്ഗില് തുടക്കമാവുക യാണ്. ആദ്യ മത്സരത്തിനായി വിസില് മുഴങ്ങുമ്പോള് ആതിഥേയരായ ദക്ഷിണാഫ്രിക്ക ലാറ്റിന് അമേരിക്കന് ഫുട്ബോള് ശക്തിയായ മെക്സിക്കോ യുമായി കൊമ്പു കോര്ക്കും. കായിക പ്രേമികള് കാത്തു കാത്തിരുന്ന, ലോകത്തിലെ ഏറ്റവും ജനകീയമായ കായിക മാമാങ്കത്തിന് അങ്ങിനെ തുടക്ക മാവുകയാണ്. ദക്ഷിണാഫ്രിക്കന് സമയം വൈകീട്ട് നാല് മണിക്കാണ് (ഇന്ത്യന് സമയം ഏഴു മണി) ആദ്യ മല്സരം അരങ്ങേറുക. 
ന്യൂയോര്ക്ക് : ഇറാനെതിരെ ഐക്യ രാഷ്ട്ര സഭയുടെ സുരക്ഷാ സമിതി പുതിയ ഉപരോധങ്ങള് ഏര്പ്പെടുത്തി. ഇറാന്റെ ആണവ പരിപാടികള്ക്ക് തടയിടാന് ഉദ്ദേശിച്ചുള്ളതാണ് ഇത് എന്നാണു സുരക്ഷാ സമിതി പറയുന്നത്. എന്നാല് ഇത്തരം സാമ്പത്തിക ഉപരോധങ്ങള് കൊണ്ട് ഇറാന്റെ ആണവ പദ്ധതികളുടെ വികസനത്തെ തടയാന് ആവില്ല എന്നാണു വിദഗ്ദ്ധരുടെ അഭിപ്രായം. എന്നാല് സാധാരണ ജനത്തിന്റെ ജീവിതം ഇത്തരം ഉപരോധങ്ങള് കൊണ്ട് നരക തുല്യമാവുകയും ചെയ്യും. കൂടുതല് കനത്ത നിയന്ത്രണങ്ങള് ഉപരോധ പ്രമേയത്തില് ഉണ്ടായിരുന്നെങ്കിലും ചൈനയുടെയും റഷ്യയുടെയും എതിര്പ്പ് മൂലം ഇവ ഒഴിവാക്കുകയായിരുന്നു. ബ്രസീലും തുര്ക്കിയും ഉപരോധത്തെ എതിര്ത്തപ്പോള് ലെബനോന് വോട്ടെടുപ്പില് നിന്നും വിട്ടുനിന്നു.
ടോക്യോ : ജനസമ്മതി കുറഞ്ഞതിനെ തുടര്ന്ന് ജപ്പാന് പ്രധാന മന്ത്രി യുകിയോ ഹടോയാമ രാജി വെച്ചു. 2009 ല് അര നൂറ്റാണ്ടിലേറെ അധികാരത്തില് ഇരുന്ന ലിബറല് ഡമോക്രാറ്റുകളെ പുറത്താക്കിയാണ് ഡമോക്രാറ്റിക് പാര്ട്ടി ഓഫ് ജപ്പാന്റെ നേതാവായ ഹടോയാമ അധികാരത്തില് എത്തിയത്. ഒക്കിനോവയിലെ യു. എസ്. സൈനിക താവളം മാറ്റുമെന്ന തിരഞ്ഞെടുപ്പ് വാഗ്ദാനം പാലിക്കാന് കഴിയാത്ത സാഹചര്യത്തില് ഉയര്ന്ന വിമര്ശനങ്ങള് ഹടോയാമയെ വല്ലാതെ സമ്മര്ദ്ദത്തില് ആക്കിയിരുന്നു.
ഗാസയിലേക്ക് സഹായവുമായെത്തിയ “ഫ്ലോട്ടില്ല” യെ ഇസ്രയേലി കമാന്ഡോകള് ആക്രമിച്ചു. ഇരുപതോളം പേര് മരിച്ചതായാണ് വിവരം ലഭിച്ചിട്ടുള്ളത്. ആഗോള തലത്തില് വന് പ്രതിഷേധത്തിന് ഇത് ഇടയാക്കിയിട്ടുണ്ട്. ബ്രിട്ടന്, അയര്ലാന്ഡ്, അള്ജീരിയ, കുവൈറ്റ്, ഗ്രീസ്, ടര്ക്കി എന്നിവിടങ്ങളില് നിന്നും എത്തിയ ആറു കപ്പലുകളുടെ ഒരു സംഘമാണ് ഫ്ലോട്ടില്ല എന്ന സഹായ സംരംഭത്തില് ഉണ്ടായിരുന്നത്.
ന്യൂയോര്ക്ക് : ആണവ നിര്വ്യാപന ഉടമ്പടിയില് ഒപ്പ് വെയ്ക്കാന് ഇന്ത്യയ്ക്കു മേല് ഐക്യരാഷ്ട്ര സഭ സമ്മര്ദ്ദം ചെലുത്തുന്നു. കീഴ് വഴക്കങ്ങള്ക്കു വിരുദ്ധമായി ഇതാദ്യമായാണ് ഒരു രാജ്യത്തെ പേരെടുത്തു പറഞ്ഞു കൊണ്ട് ഐക്യ രാഷ്ട്ര സഭ ഇത്തരമൊരു ആവശ്യം ഉന്നയിക്കുന്നത്. ഇന്ത്യയ്ക്കു പുറമേ പാക്കിസ്ഥാനോടും ഇസ്രയേലിനോടും ഐക്യ രാഷ്ട്ര സഭ ഇനിയും വൈകിക്കാതെയും, മറ്റ് ഉപാധികളൊന്നും മുന്പോട്ടു വെയ്ക്കാതെയും ആണവ നിര്വ്യാപന ഉടമ്പടിയിലും (Non- Proliferation Treaty – NPT) സമഗ്ര പരീക്ഷണ നിരോധന ഉടമ്പടിയിലും (Comprehensive Test Ban Treaty – CTBT) ഒപ്പ് വെയ്ക്കാന് ആവശ്യപ്പെട്ടിട്ടുണ്ട്.
