ജൊഹാനസ്ബര്ഗ് : ആരാധകരുടെ പ്രതീക്ഷക്ക് ഒത്ത പ്രകടനം ആയില്ലെങ്കിലും ബ്രസീല് ജയിച്ചു. ആവേശ ഭരിതമായ ബ്രസീല് – ഉത്തര കൊറിയ മല്സരത്തില് ആദ്യ പകുതിയില് ഇരു ടീമുകളും ഗോളുകള് ഒന്നും സ്കോര് ചെയ്തില്ല. പരമ്പരാഗത ശൈലിയില് കളിക്കാന് കഴിയാതെ പോയ ബ്രസീലിനെ പിടിച്ചു കെട്ടുന്നതില് ഉത്തര കൊറിയന് ഡിഫന്ഡര്മാര് വിജയം നേടുന്നത് കാണാമായിരുന്നു.
പേരിന് ഒത്ത പ്രകടനം കക്കാ, റൊബീന്യോ തുടങ്ങിയ ലോകോത്തര കളിക്കാരില് നിന്നും കാണാനായില്ല. അമ്പത്തി അഞ്ചാം മിനുട്ടില് ബ്രസീലിയന് ഡിഫെന്ഡര് മൈക്കാന്, കൊറിയന് ഡിഫെന്സിനെ ഭേദിച്ച് കൊണ്ട് ആദ്യത്തെ ഗോള് സ്കോര് ചെയ്തു . തുടര്ന്ന് എഴുപത്തി രണ്ടാം മിനുട്ടില് മിഡ്ഫീല്ഡര് എലാനോ യിലൂടെ ബ്രസീല് പട്ടിക പൂര്ത്തിയാക്കി.
എന്നാല് വിട്ടു കൊടുക്കാന് കൊറിയന് ചുവപ്പന് പട തയ്യാറാ യിരുന്നില്ല. കളിയുടെ എണ്പത്തി എട്ടാം മിനുട്ടില് ഏവരെയും ഞെട്ടിച്ചു കൊണ്ട് കൊറിയ യുടെ ജീയൂം, ബ്രസീലിയന് വല പിടിച്ചു കുലുക്കി. മുഴുവന് സമയ കളിക്ക് ശേഷം ലോകം കീഴടക്കിയ വിജയികളെ പ്പോലെ കാണികളെ അഭിവാദ്യം ചെയ്തു കൊണ്ടാണ് കൊറിയ ഗ്രൌണ്ട് വിട്ടകന്നത്.
ന്യൂസിലാന്ഡ് സമനില പിടിച്ചു
കളി അവസാനിക്കാന് കേവലം ഇരുപത് സെക്കന്ഡുകള് മാത്രം ബാക്കി നില്ക്കെ , കരുത്തരായ സ്ലോവാക്യ ക്കെതിരെ ന്യൂസിലാന്ഡ് സമനില ഗോള് നേടിക്കൊണ്ട് വിലപ്പെട്ട ഒരു പോയിന്റ് സ്വന്തമാക്കി. കിവീസ് പ്രതിരോധ നിര യിലെ വിന്സ്റ്റണ് റീഡ് ആയിരുന്നു ആ ഗോള് സ്കോര് ചെയ്തത്. കളിയുടെ അന്പതാം മിനുട്ടില് സ്ലോവാക്യ യുടെ റോബര്ട്ട് നേടിയ ഗോളിലൂടെ അവര് വിജയ പ്രതീക്ഷ പുലര്ത്തിയ സമയത്താണ് ന്യൂസിലാന്ഡ് കളിക്കാരന് വിന്സ്റ്റണ് റീഡ് അവസാന സെക്കണ്ടില് ഹെഡ്ഡര് ഗോളിലൂടെ സമനില പുലര്ത്തിയത്.
പോര്ച്ചുഗലിനെ ഐവറികോസ്റ്റ് തടഞ്ഞിട്ടു
ഗ്രൂപ്പ് ജി – യില് ലോകത്തിലെ ഏറ്റവും വില പിടിച്ച താരം ക്രിസ്ത്യാനോ റൊണാള്ഡോ നയിച്ച പോര്ച്ചുഗീസിനെ ആഫ്രിക്കന് ഫുട്ബോളര് ദ്രോഗ്ബ നയിച്ച ഐവറികോസ്റ്റ് സമനില യില് തളച്ചു. ആവേശം അതിര് കടക്കാതിരുന്ന മല്സരത്തില് ഓര്ത്തു വെക്കാന് റൊണാള്ഡോ ക്ക് ലഭിച്ച മഞ്ഞക്കാര്ഡ് മാത്രം.
തയ്യാറാക്കിയത്: – ഹുസ്സൈന് ഞാങ്ങാട്ടിരി
ന്യൂഡല്ഹി : ഇന്ത്യ അമേരിക്കയുമായി ഉണ്ടാക്കിയ ആണവ കരാറു പോലൊരു കരാര് തങ്ങള്ക്കും വേണമെന്ന പാക്കിസ്ഥാന്റെ ആവശ്യം അമേരിക്ക തള്ളിയതിനെ തുടര്ന്ന് പാക്കിസ്ഥാന് ചൈനയുമായ് സമാനമായ ഒരു ആണവ കരാര് ഉണ്ടാക്കാന് ഒരുങ്ങുന്നതായി സൂചന. ഇന്ത്യ അമേരിക്കയുമായി ഉണ്ടാക്കിയ ഉടമ്പടി നടപ്പിലാക്കാന് ആണവ വിതരണ സംഘം (NSG – Nuclear Suppliers Group) ഇന്ത്യയെ ചില നിബന്ധനകളില് നിന്നും ഒഴിവാക്കിയിരുന്നു. ഇതിനു സമാനമായി ആണവ വിതരണ സംഘത്തിന്റെ പരിധിയ്ക്ക് പുറത്തുള്ള ഒരു ഉടമ്പടിയാണ് പാക്കിസ്ഥാന് ചൈനയുമായി ഉണ്ടാക്കാന് ഒരുങ്ങുന്നത്. പാക്കിസ്ഥാന്റെ ഔദ്യോഗികമായ തീവ്രവാദ ബന്ധവും, മുന്കാല ഭീകരവാദ അനുകൂല നിലപാടുകളുടെ ചരിത്രവും കണക്കിലെടുക്കാതെയുള്ള ഈ ചൈനീസ് നടപടി ലോകത്തോടുള്ള വെല്ലുവിളിയായാണ് കണക്കാക്കപ്പെടുന്നത്.
ന്യൂഡല്ഹി : കിര്ഗിസ്ഥാനില് നടന്ന വംശീയ കലാപത്തില് നൂറിലേറെ പേര് മരിച്ചു. ഒട്ടേറെ ഇന്ത്യന് വിദ്യാര്ത്ഥികള് ഉള്ള ഓഷ്, ജലാലാബാദ് പ്രദേശത്താണ് കലാപം. ഇവിടത്തെ കിര്ഗിസ് ഉസ്ബെക് വംശങ്ങള് തമ്മിലാണ് പോരാട്ടം നടക്കുന്നത്. ഒരു ചൂതാട്ട കേന്ദ്രത്തില് തുടങ്ങിയ കശപിശയാണ് വന് കലാപമായി മാറിയത് എന്ന് സ്ഥിരീകരിക്കാത്ത റിപ്പോര്ട്ടുകളുണ്ട്. ഇരു വിഭാഗങ്ങളിലെയും മുതിര്ന്നവര് തമ്മില് ചര്ച്ചകള് നടക്കുന്നുണ്ട്.
ജൊഹാനസ്ബര്ഗ് : ലോക കപ്പില് ചാമ്പ്യന്മാര് ആകാന് ഏറ്റവും അധികം സാദ്ധ്യത കല്പ്പിക്ക പ്പെടുന്ന ടീമും, ഫിഫാ വേള്ഡ് റാങ്കില് ഒന്നാം സ്ഥാന ക്കാരു മായ ബ്രസീല്, ഏഷ്യന് ഫുട്ബോളില് അധികം പാരമ്പര്യം അവകാശ പ്പെടാനില്ലാത്ത ഉത്തര കൊറിയ യുമായി ഇന്ന് രാത്രി ഇന്ത്യന് സമയം 12 മണിക്ക് ഏറ്റു മുട്ടുന്നു. കക്കാ, റൊബീന്യോ തുടങ്ങിയ ലോകോത്തര കളിക്കാര് അടങ്ങുന്ന ബ്രസീല് നിരയെ, തുടക്ക ക്കാരായ ഉത്തര കൊറിയ എങ്ങിനെ പിടിച്ചു നിര്ത്തും എന്നുള്ളത് കളി പ്രേമികള് ആകാംക്ഷ യോടെ യാണ് കാത്തിരിക്കുന്നത്. 
ജൊഹാനസ്ബര്ഗ് : 2010 ലോക കപ്പ് ഫുട്ബോളില് ഇന്നലെ നടന്ന ആസ്ത്രേലിയ – ജര്മ്മനി മല്സര ത്തില് ജര്മ്മനിക്ക് തകര്പ്പന് വിജയം. കളിയുടെ എല്ലാ മേഖല കളിലും വ്യക്തമായ ആധിപത്യം ഉറപ്പിച്ചു കൊണ്ടാണ് ജര്മ്മന്കാര് തങ്ങളുടെ ആദ്യ മല്സരം അവിസ്മരണീയം ആക്കിയത്. എതിരില്ലാത്ത നാല് ഗോളു കളാണ് ജര്മ്മന് പട ആസ്ത്രേലിയന് ഗോള് പോസ്റ്റില് അടിച്ചു കയറ്റിയത്. പെസ്കി, മുള്ളര്, ക്ലാസേ, കാക്കൂവ് എന്നിവരാണ് ജര്മ്മനിക്ക് വേണ്ടി ഗോളുകള് ഉതിര്ത്തത്. കളി മികവിന്റെ മുന്നില് മുട്ടിടിച്ച ആസ്ത്രേലിയ, പിടിച്ചു നില്ക്കാന് പരുക്കന് അടവു കളാണ് പുറത്തെടുത്തത്. കുപ്രസിദ്ധമായ ‘ഫിസിക്കല് പ്ലേ’ എടുത്ത് കളിച്ച ആസ്ത്രേലിയന് ടീം, നാല് മഞ്ഞ കാര്ഡു കളും ഒരു ചുവപ്പ് കാര്ഡും ഇരന്നു വാങ്ങി. ലോക കപ്പ് പോലുള്ള വലിയ ടൂര്ണ്ണമെന്റ് കളിക്കുവാന്, ആസ്ത്രേലിയ ഇനിയും കാര്യങ്ങള് ഒത്തിരി അധികം പഠിക്കേണ്ട തായിട്ടുണ്ട് എന്ന് ഈ കളി വ്യക്തമാക്കുന്നു.
ജൊഹാനസ്ബര്ഗ് : ഫുട്ബാള് മാന്ത്രികന് ഡീഗോ മറഡോണയുടെ പിന്ഗാമി കള്ക്ക് 2010 ലോക കപ്പ് ഫുട്ബാള് മാമാങ്കത്തില് നൈജീരിയക്ക് എതിരെ ഏകപക്ഷീയ മായ ഒരു ഗോളിന്റെ വിജയം. കളിയുടെ ആറാം മിനുട്ടില് തന്നെ അര്ജന്റീനിയന് സ്ട്രൈക്കര് ഹെയിന്സ് നേടിയ ഗോളില് മുന്നിലെത്തിയ മുന് ചാമ്പ്യന്മാര് കളി അവസാനിക്കുന്നത് വരെയും തങ്ങളുടെ ലീഡ് കാത്തു സൂക്ഷിക്കുക യായിരുന്നു. മെസ്സിയും ടെവസ്സും വെറോണും അടങ്ങിയ അര്ജന്റീനിയന് മുന്നേറ്റ നിര, ഗോളിലേക്ക് എത്താവുന്ന പല നീക്കങ്ങളും നടത്തി എങ്കിലും ലീഡ് ഉയര്ത്താന് ആയില്ല. ആഫ്രിക്കന് കരുത്തുമായി ഇറങ്ങിയ നൈജീരിയന് ടീമിന് പ്രതീക്ഷക്ക് ഒത്ത പ്രകടനം കാഴ്ച വെക്കാന് കഴിയാതിരുന്നതും അര്ജന്റീന ക്ക് തുണയായി. ഗ്രൂപ്പ് ബി യില് വിജയവും, മൂന്നു പോയിന്റും സ്വന്തമാക്കാന് മറഡോണ യുടെ കുട്ടികള്ക്ക് അങ്ങിനെ കഴിഞ്ഞു.
ജൊഹാനസ്ബര്ഗ് : ഫുട്ബോള് ഒരു വികാരവും മതവുമായ അര്ജന്റീന ലോക കപ്പ് ഫൈനല് റൌണ്ടില് ഇന്ന് കളിക്കാന് ഇറങ്ങുന്നു. ഫുട്ബോള് ഇതിഹാസം മറഡോണ യുടെ തന്ത്രങ്ങളില് മെസ്സി എന്ന ലോക ഫുട്ബോള റുടെ നേതൃത്വ ത്തില് ഒരു വലിയ തുടക്കം പ്രതീക്ഷിച്ചു കൊണ്ട് ആഫ്രിക്കന് ശക്തി കളായ നൈജീരിയ യോട് ഏറ്റു മുട്ടുക യാണ് അര്ജന്റീന. ലോകത്ത് ഏറ്റവും അധികം ആരാധകര് ഉള്ള അര്ജന്റീനിയന് ടീമില് പ്രതിഭാധനരായ ഒത്തിരി കളിക്കാരുണ്ട്. അവരെ എല്ലാം മറഡോണ എങ്ങിനെ ഉപയോഗ പ്പെടുത്തുന്നു എന്നതിനെ ആശ്രയിച്ച് ആയിരിക്കും അവരുടെ മുന്നോട്ടുള്ള പ്രയാണം.
