ഷൂട്ടിങ്ങിനിടെ നടന്‍ ആസിഫലിക്ക് പരിക്ക്

August 30th, 2011

asif-ali-epathram

കൊച്ചി: യുവ നടന്‍ ആസിഫലിക്ക് ഷൂട്ടിങ്ങിനിടയില്‍ റോപ്പില്‍ നിന്നും വീണ് പരിക്കു പറ്റി. അസുരവിത്ത് എന്ന സിനിമയുടെ ഷൂട്ടിങ്ങിനിടെ ഡ്യൂപ്പില്ലാതെ ഒരു സാഹസിക രംഗത്തില്‍ അഭിനയിക്കുമ്പോളായിരുന്നു ആസിഫലിക്ക് പരിക്കു പറ്റിയത്.   ഈ രംഗത്തില്‍ ഡ്യൂപ്പിനെ ഉപയോഗിക്കാമെന്ന് അണിയറ പ്രവര്‍ത്തകര്‍ പറഞ്ഞെങ്കിലും ആസിഫലി അത് വേണ്ടെന്ന് പറയുകയായിരുന്നു. കൈക്ക് ചതവു പറ്റിയ നടനെ ലേക്‍ഷോര്‍ ഹോസ്പിറ്റലില്‍ പ്രവേശിപ്പിച്ചു. വില്ലിംഗ്ടണ്‍ ഐലന്റില്‍ വച്ചായിരുന്നു ഷൂട്ടിങ്ങ്. എ.കെ.സാജനാണ് അസുരവിത്തിന്റെ സംവിധായകന്‍. യുവനിരയില്‍ ശ്രദ്ധേയനായ ആസിഫലി അഭിനയിച്ച സാള്‍ട്ട് ആന്റ് പെപ്പര്‍ എന്ന സിനിമ ഈ വര്‍ഷത്തെ സൂപ്പര്‍ ഹിറ്റുകളില്‍ ഒന്നായിരുന്നു. ജോഷി സംവിധാനം ചെയ്ത സെവന്‍സ് ആണ് ആസിഫലിയുടെ ഉടന്‍ റിലീസ് ചെയ്യാനുള്ള ചിത്രം.

- എസ്. കുമാര്‍

വായിക്കുക:

അഭിപ്രായം എഴുതുക »

ഷൂട്ടിങ്ങിനിടയില്‍ നടി ഭാമയ്ക്ക് പരിക്ക്

August 1st, 2011

bhama-epathram

മൂന്നാര്‍: സിനിമാ ഷൂട്ടിങ്ങിനിടയില്‍  യുവ നടി ഭാമയ്ക്ക് പരിക്ക് പറ്റി. മൂന്നാറില്‍ മൈന എന്ന കന്നട ചിത്രത്തിന്റെ ഷൂട്ടിങ്ങിനിടയിലാണ് ഭാമയ്ക്ക് പരിക്കേറ്റത്. ഒരു ബസ്സപകടം ചിത്രീകരിക്കുന്നതിനിടയിലാണ് ചില്ലു പൊട്ടി നടിയുടെ കാലിലും മുഖത്തുമെല്ലാം പരിക്ക് പറ്റിയത്.  മൂന്നാറിലെ ടാറ്റ ആശുപത്രിയില്‍ ചികിത്സ നടത്തി, പരിക്ക് ഗുരുതരമല്ല . തമിഴില്‍ വന്‍ വിജയമായ മൈന എന്ന ചിത്രമാണ് കന്നടയിലേക്ക് റീമേക്ക് ചെയ്യുന്നത്. നേരത്തെ മറ്റൊരു നടിയെ ആയിരുന്നു ഈ റോള്‍ ചെയ്യുവാന്‍ പരിഗണിച്ചിരുന്നത്, അവര്‍ ഒഴിഞ്ഞതിനെ തുടര്‍ന്ന് ഭാമയെ കാ‍സ്റ്റ് ചെയ്യുകയായിരുന്നു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

ഷൂട്ടിങ്ങിനിടെ ശ്വേതാ മേനോനു പരിക്ക്

May 21st, 2010

swetha-menonനടി ശ്വേതാ മേനോനു ഷൂട്ടിങ്ങിനിടെ പരിക്കേറ്റു. വി. എം. വിനു സംവിധാനം ചെയ്യുന്ന “പെണ്‍ പട്ടണം” എന്ന ചിത്രത്തില്‍ സംഘട്ടന രംഗം ചിത്രീകരി ക്കുന്നതിനിടയിലാണ് കൊടുവാള്‍ കൊണ്ട് വെട്ടേറ്റത്. പരിക്കേറ്റ നടിയെ ഉടന്‍ ആശുപത്രിയില്‍ പ്രവേശിപ്പിച്ചു. ശസ്ത്രക്രിയയ്ക്ക് വിധേയയായ നടിക്ക് ഡോക്ടര്‍മാര്‍ വിശ്രമം നിര്‍ദ്ദേശി ച്ചിരിക്കയാണ്.

- എസ്. കുമാര്‍

വായിക്കുക: , ,

1 അഭിപ്രായം »

ഷൂട്ടിങ്ങിന് ഇടയില്‍ നടി ഭാവനയ്ക്ക് പരിക്ക്

May 15th, 2010

bhavanaപ്രശസ്ത നടി ഭാവനയ്ക്ക് ഒരു കന്നട ചിത്രത്തിന്റെ  ഷൂട്ടിങ്ങിന് ഇടയില്‍ ബൈക്കില്‍ നിന്നും വീണ് പരിക്ക് പറ്റി. ഭാവനയും പുനീത് രാജ് കുമാറും അഭിനയിക്കുന്ന “ജാക്കി” എന്ന കന്നഡ ചിത്രത്തിന്റെ ഷൂട്ടിങ്ങ് നടക്കുന്നതിന്റെ ഇടയില്‍ ആണ് സംഭവം. ഇവര്‍ ഒരു ബൈക്കില്‍ സഞ്ചരിക്കുന്നതിന്റെ രംഗം ചിത്രീകരി ക്കുന്നതിനിടെ ബൈക്കിന്റെ നിയന്ത്രണം വിടുകയും, ഭാവന റോഡില്‍ വീഴുകയും ആണ് ഉണ്ടായത്. കൈ കാലുകള്‍ക്ക് പരിക്കേറ്റ ഭാവനയക്ക് ഡോക്ടര്‍മാര്‍ വിശ്രമം നിര്‍ദ്ദേശി ച്ചിരിക്കുകയാണ്.

- എസ്. കുമാര്‍

വായിക്കുക: , ,

2 അഭിപ്രായങ്ങള്‍ »

സി. ശരത്‌ ചന്ദ്രന്‍ ട്രെയിനില്‍ നിന്നും വീണു മരിച്ചു

April 2nd, 2010

c-sarathchandranപ്രശസ്ത ഡോക്യുമെന്ററി സംവിധായകന്‍ ശരത്‌ ചന്ദ്രന്‍ (52) ഇന്നലെ രാത്രി തൃശ്ശൂരില്‍ നിന്നും എറണാകുള ത്തേക്കുള്ള യാത്രക്കിടയില്‍ കൊടകരയില്‍ വെച്ച് ട്രെയിനില്‍ നിന്നും വീണു മരിച്ചു. പരിസ്ഥിതി സംബന്ധിയായ വിഷയങ്ങളെ ആധാരമാക്കി നിരവധി ഡോക്യുമെന്ററികള്‍ ഇദ്ദേഹം സംവിധാനം ചെയ്തിട്ടൂണ്ട്‌. കൊക്കക്കോള വിരുദ്ധ സമരം പ്രമേയമാക്കി ബാബു രാജുമായി ചേര്‍ന്ന് സംവിധാനം ചെയ്ത “തൗസന്റ്‌ ഡെയ്സ്‌ ആന്റ്‌ എ ഡ്രീം”, കയ്പുനീര്‌ എന്നീ ഡോക്യുമെന്ററികള്‍ നിരവധി മേളകളില്‍ ഏറെ ശ്രദ്ധ പിടിച്ചു പറ്റിയിരുന്നു. ദേശീയ പുരസ്കരത്തിന് പരിഗണിക്കപ്പെട്ട “തൗസന്റ്‌ ഡെയ്സ്‌ ആന്റ്‌ എ ഡ്രീം” എന്ന ഡോക്യുമെന്റ്ററിക്ക് 2008ലെ മുംബൈ അന്താരാഷ്‌ട്ര ചലച്ചിത്ര മേളയില്‍ ഇന്ത്യന്‍ ജൂറി പുരസ്കാരം ലഭിക്കുകയുണ്ടായി.
 
ഒരു കൂട്ടം ഗ്രാമീണരുടെ നില നില്‍പ്പിനായുള്ള സമരം അമേരിക്കന്‍ ദേശീയതയുടെ പ്രതീകമായി പോലും അറിയപ്പെടുന്ന വ്യവസായ ഭീമന്‍ കൊക്കക്കോള യ്ക്കെതിരെയുള്ള മുതലാളിത്ത വിരുദ്ധ ജനകീയ മുന്നേറ്റമായി രൂപപ്പെട്ട കഥ പറയുന്ന “തൌസന്റ് ഡെയ്സ് ആന്‍റ് എ ഡ്രീം”, വര്‍ഷങ്ങള്‍ നീണ്ടു നിന്ന ചെറുത്തു നില്‍പ്പിന്റെ നിര്‍ണ്ണായക മുഹൂര്‍ത്തങ്ങള്‍ ചിത്രീകരിക്കു ന്നതിനോടൊപ്പം ഈ മനുഷ്യരുടെ സ്വകാര്യ ദുഖങ്ങളുടെയും, സ്വപ്നങ്ങളുടെയും കഥ കൂടി പറയുന്നു.
 
ലോക ക്ലാസിക്ക്‌ സിനിമകളുടെ വലിയ ഒരു ശേഖരത്തിന്റെ ഉടമ കൂടിയായിരുന്ന ശരത്ചന്ദ്രന്‍ ഈ സിനിമകളുടെ പൊതു പ്രദര്‍ശനം സൌജന്യമായി സംഘടിപ്പിക്കുകയും ചെയ്തു പോന്നു.
 
തിരുവനന്തപുരം സ്വദേശിയായ ഇദ്ദേഹം പ്രശസ്ത ഗാന്ധിയന്‍ എന്‍. വി മന്മഥന്റെ പൗത്രനും, റിട്ടയേഡ്‌ പ്രോഫസ്സര്‍ ചന്ദ്രശേഖരന്‍ നായരുടെ മകനുമാണ്‌.
 
മൃതദേഹം തൃപ്പൂണിത്തുറ നോര്‍ത്ത് ഫോര്‍ട്ട് ഗാര്‍ഡനില്‍ പൊതു ദര്‍ശനത്തിനു വെച്ച ശേഷം തിരുവനന്തപുരത്തേക്കു കൊണ്ടു പോകും.

- ജെ.എസ്.

വായിക്കുക: ,

അഭിപ്രായം എഴുതുക »

4 of 4« First...234

« Previous Page « മോഹന്‍ലാലിനും ഡി. ലിറ്റ്.
Next » തിലകന്‍ അച്ചടക്ക സമിതിക്കു മുമ്പില്‍ ഹാജരാകണം – ഇടവേള ബാബു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine