നടിയെ തട്ടിക്കൊണ്ടുപോയി അപമാനിക്കാൻ ശ്രമം

February 18th, 2017

bhavana-epathram

കൊച്ചി : പ്രശസ്ത സിനിമ താരം ഭാവനയെ തട്ടിക്കൊണ്ടുപോയി അപമാനിക്കാൻ ശ്രമം . ഷൂട്ടിങ്ങിനു ശേഷം കൊച്ചിയിൽ നിന്ന് തൃശ്ശൂരിലേക്ക് കാറിൽ സഞ്ചരിക്കവെയാണ് ആക്രമണം നടന്നത് . കാർ അത്താണിയിൽ എത്തിയപ്പോൾ തൊട്ടുപിന്നിലുള്ള കാർ വന്നിടിക്കുകയും തുടർന്ന് നടന്ന വാക്കു തർക്കത്തിനിടയിൽ അക്രമികൾ കാറിനുള്ളിലേക്ക് അതിക്രമിച്ച് കയറുകയും ചെയ്തു . ബലം പ്രയോഗിച്ച് നടിയുടെ അർധനഗ്ന ചിത്രങ്ങൾ എടുത്ത സംഘം രണ്ടു മണിക്കൂറോളം നടിയെ ഉപദ്രവിച്ചു എന്നാണ് പരാതി .

അക്രമികൾ സ്ഥലം വിട്ടതിനു ശേഷം ഡ്രൈവർ കാർ ചലച്ചിത്ര സംവിധായകനായ ലാലിന്റെ വീട്ടിൽ നടിയെ എത്തിച്ചു. മുൻ ഡ്രൈവറായ സുനിലിനെ ഒഴിവാക്കിയതിന്റെ പകപോക്കലാണു ആക്രമണത്തിന് പ്രേരണ എന്ന് കരുതപ്പെടുന്നു . പിടിച്ചുപറി , മോഷണം , കൊട്ടേഷൻ പ്രവർത്തനം എന്നിങ്ങനെ ഒട്ടേറെ ക്രിമിനൽ കേസുകളിൽ പ്രതിയായിരുന്ന മുൻ ഡ്രൈവർ സുനിലിനെ പിടികൂടാൻ പോലീസ് ഊർജിതമായ അന്വേഷണം തുടങ്ങിയിട്ടുണ്ട് .

- അവ്നി

വായിക്കുക: ,

അഭിപ്രായം എഴുതുക »

കന്നടയില്‍ ഭാവന തകര്‍ക്കുന്നു

July 18th, 2011

bhavana-epathram

ബാംഗ്ലൂര്‍: ഭാവനയുടെ സമയം തെളിഞ്ഞിരിക്കുകയാണ്. ഒരു വര്‍ഷത്തിനുള്ളില്‍ മൂന്നാമത്തെ കന്നട സിനിമയില്‍ നായികയാകുവാന്‍ ഭാവന ഒരുങ്ങുന്നു. ഹിറ്റ് സിനിമയായ ജാക്കിയില്‍ സൂപ്പര്‍ സ്റ്റാര്‍ പുനീത് രാജ് കുമാറിന്റെ നായികയായാണ് കന്നഡയില്‍ ഭാവനയുടെ അരങ്ങേറ്റം. പിന്നീട് വിഷ്ണുവര്‍ധന്‍ എന്ന സിനിമയില്‍ കന്നടയിലെ മറ്റൊരു സൂപ്പര്‍ താരം സുദീപിന്റെ നായികയായി.

സപ്തംബറില്‍ ചിത്രീകരണം ആരംഭിക്കുന്ന റോമിയോ എന്ന ചിത്രത്തില്‍ കന്നടയിലെ ഗോള്‍ഡന്‍ സ്റ്റാര്‍ ഗണേഷിന്റെ ചിത്രത്തിലും ഭാവന തന്നെയാണ് നായിക. കന്നടയില്‍ ലഭിച്ച മൂന്നു സിനിമകളും സൂപ്പര്‍ നായകന്മാര്‍ക്കൊ പ്പമായതില്‍ ഭാവന ഇരട്ടി സന്തോഷത്തിലാണ്. ഏതൊരു അന്യ ഭാഷാ നടിയെ സംബന്ധിച്ചിടത്തോളവും അഭിമാന മര്‍ഹിക്കുന്ന നേട്ടമാണിതെന്നു ഭാവന പ്രതികരിച്ചു. ”കന്നടയിലെ ആദ്യ രണ്ടു ചിത്രങ്ങളെക്കാള്‍ വിഭിന്നമാണ് റോമിയോയുടെ കഥ. സംവിധായകന്‍ ചിത്രത്തെപ്പറ്റി ആദ്യ വിവരണം തന്നപ്പോള്‍ തന്നെ സന്തോഷത്തോടെ സമ്മതം മൂളുകയായിരുന്നു” – ഭാവന പറയുന്നു. കുഞ്ചാക്കോ ബോബനൊപ്പം ‘ഡോക്ടര്‍ ലവ്’, പ്രിയദര്‍ശന്റെ ‘അറബിയും ഒട്ടകവും പി. മാധവന്‍നായരും’ എന്നിവയാണ് മലയാളത്തില്‍ പുറത്തിറങ്ങാനുള്ള ഭാവനയുടെ ചിത്രങ്ങള്‍.

-

വായിക്കുക: ,

അഭിപ്രായം എഴുതുക »

എന്‍ഡോസള്‍ഫാന്‍ : താരങ്ങള്‍ ഭൂമിയില്‍

May 1st, 2011

rima-kallingal-epathram

എന്‍ഡോസള്‍ഫാന്‍ നിരോധിക്കുന്നതിനായി മുഖ്യ മന്ത്രി വി. എസ്. അച്യുതാനന്ദന്‍ നടത്തിയ നിരാഹാര സമരത്തോട് ഐക്യദാര്‍ഢ്യം പ്രഖ്യാപിച്ച് മലയാള സിനിമാ താരങ്ങളും പ്രവര്‍ത്തകരും രംഗത്തെത്തിയത് കൌതുകകരമായി.

അടുത്ത കാലത്ത്‌ കേരളം കണ്ട ഏറ്റവും കടുത്ത പാരിസ്ഥിതിക സാമൂഹ്യ ദുരന്തത്തിന് എതിരെ പ്രതികരിക്കാന്‍ ഏറ്റവും ശക്തമായ മാധ്യമമായ സിനിമാ ലോകം തയ്യാറാവാഞ്ഞതിനെതിരെ വിമര്‍ശനങ്ങള്‍ ഉയര്‍ന്നിരുന്നു.

സംഗീത സംവിധായകന്‍ ബിജിപാല്‍ സംവിധായകന്‍ ആഷിഖ്‌ അബുവിന് അയച്ച ഒരു എസ്. എം. എസ്. സന്ദേശത്തോടെ ആണ് സംഭവങ്ങളുടെ തുടക്കം.  നമുക്കും മുഖ്യമന്ത്രിയുടെ നിരാഹാരത്തില്‍ പങ്കെടുത്താലോ എന്ന ഈ സന്ദേശം പെട്ടെന്നാണ് ഫോര്‍വേഡ് ചെയ്യപ്പെട്ട് സിനിമാക്കാരുടെ മുഴുവനും മൊബൈല്‍ ഫോണുകളില്‍ തെളിഞ്ഞത്.

സിനിമാ നടി റീമ കല്ലിങ്കല്‍ ആണ് ആദ്യം മറൈന്‍ ഡ്രൈവില്‍ എത്തി സിനിമാക്കാരുടെ എന്‍ഡോസള്‍ഫാന്‍ വിരുദ്ധ ഐക്യദാര്‍ഢ്യം ഉറപ്പാക്കിയത്.  ഒരു ദിവസം നിരാഹാരം ഇരിക്കുക എന്ന ചെറിയ കാര്യമെങ്കിലും ചെയ്യണം എന്ന് ആഷിഖ്‌ ഭായ്‌ വിളിച്ചു പറഞ്ഞപ്പോള്‍ തനിക്ക് തോന്നി എന്ന് റീമ പറഞ്ഞു.

ഫെഫ്ക യുടെ നേതൃത്വത്തില്‍ എന്‍ഡോസള്‍ഫാന്‍ വിരുദ്ധ സമരത്തിന്‌ നേരത്തെ പിന്തുണ പ്രഖ്യാപിച്ചിരുന്നു. എന്നാല്‍ പലരും തങ്ങളുടേതായ നിലയില്‍ ഐക്യദാര്‍ഢ്യം പ്രകടിപ്പിക്കുകയാണ് ചെയ്തത്. സംവിധായകരായ ലാല്‍ ജോസ്‌, ബി. ഉണ്ണികൃഷ്ണന്‍, അമല്‍ നീരദ്‌, കമല്‍, അന്‍വര്‍ റഷീദ്‌ എന്നിവരും അഭിനേതാക്കളായ കാവ്യാ മാധവന്‍, ഭാവന, അര്‍ച്ചന കവി, ആസിഫ്‌ അലി എന്നിവരുമൊക്കെ ആഷിഖ്‌ അബു പറഞ്ഞതനുസരിച്ച് നിരാഹാര സമരത്തില്‍ പങ്കു ചേര്‍ന്നു. പെട്ടെന്നുള്ള പരിപാടി ആയതിനാല്‍ പലര്‍ക്കും സംഭവ സ്ഥലത്ത് എത്തിച്ചേരാന്‍ കഴിഞ്ഞില്ല. എന്നാലും തങ്ങളുടെ ജോലി സ്ഥലത്തും ഷൂട്ടിംഗ് ലൊക്കേഷനുകളിലും പ്രവര്‍ത്തന നിരതരായി തന്നെ പലരും നിരാഹാരത്തില്‍ പങ്കെടുത്തു.

മോഹന്‍ലാല്‍ തന്റെ ബ്ലോഗിലെ ഏറ്റവും പുതിയ പോസ്റ്റില്‍ എന്‍ഡോസള്‍ഫാന്‍ വിഷയത്തെ കുറിച്ച് പ്രതിപാദിച്ചത് ഈ പ്രശ്നത്തില്‍ കൂടുതല്‍ ജന ശ്രദ്ധ ആകര്‍ഷിക്കുവാന്‍ സഹായകരമായി.

സുരേഷ് ഗോപി മുഖ്യമന്ത്രി യുടെ സമര പന്തലില്‍ എത്തി അദ്ദേഹത്തിന് അഭിവാദ്യങ്ങള്‍ അര്‍പ്പിച്ചിരുന്നു.

- ജെ.എസ്.

വായിക്കുക: , , , , , ,

അഭിപ്രായം എഴുതുക »

ഷൂട്ടിങ്ങിന് ഇടയില്‍ നടി ഭാവനയ്ക്ക് പരിക്ക്

May 15th, 2010

bhavanaപ്രശസ്ത നടി ഭാവനയ്ക്ക് ഒരു കന്നട ചിത്രത്തിന്റെ  ഷൂട്ടിങ്ങിന് ഇടയില്‍ ബൈക്കില്‍ നിന്നും വീണ് പരിക്ക് പറ്റി. ഭാവനയും പുനീത് രാജ് കുമാറും അഭിനയിക്കുന്ന “ജാക്കി” എന്ന കന്നഡ ചിത്രത്തിന്റെ ഷൂട്ടിങ്ങ് നടക്കുന്നതിന്റെ ഇടയില്‍ ആണ് സംഭവം. ഇവര്‍ ഒരു ബൈക്കില്‍ സഞ്ചരിക്കുന്നതിന്റെ രംഗം ചിത്രീകരി ക്കുന്നതിനിടെ ബൈക്കിന്റെ നിയന്ത്രണം വിടുകയും, ഭാവന റോഡില്‍ വീഴുകയും ആണ് ഉണ്ടായത്. കൈ കാലുകള്‍ക്ക് പരിക്കേറ്റ ഭാവനയക്ക് ഡോക്ടര്‍മാര്‍ വിശ്രമം നിര്‍ദ്ദേശി ച്ചിരിക്കുകയാണ്.

- എസ്. കുമാര്‍

വായിക്കുക: , ,

2 അഭിപ്രായങ്ങള്‍ »


« സിനിമാ താരങ്ങള്‍ പ്രതിഫലം കുറയ്ക്കും
നടി ഖുശ്ബു ഡി. എം. കെ. യില്‍ ചേര്‍ന്നു »



എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...
എന്തിരന്റെ കഥ മോഷ്ടിച്ചതെ...
സലീം കുമാര്‍ മികച്ച നടന്‍...
ഗദ്ദാമ യ്ക്ക് ഗള്‍ഫില്‍ ...
എന്‍ഡോസള്‍ഫാന്‍ : താരങ്ങള...
നടി ശ്വേതയുടെ പരാതിയില്‍ ...
മമ്മുട്ടിയും മോഹന്‍ലാലും ...
ലീലയില്‍ നിന്നും ലാല്‍ പു...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine