 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : മുസ്ലിം ലീഗ് സംസ്ഥാന കമ്മിറ്റി പ്രസിഡണ്ട് സയ്യിദ് സാദിഖലി ശിഹാബ് തങ്ങൾക്ക് യു. എ. ഇ. ഗോൾഡൻ വിസ അനുവദിച്ചു.
സാമൂഹിക, സാംസ്‌കാരിക, വൈജ്ഞാനിക രംഗങ്ങളിലെ സേവനങ്ങൾ മുൻ നിറുത്തിയാണ് യു. എ. ഇ. സര്‍ക്കാര്‍ ഗോൾഡൻ വിസ നല്‍കി സാദിഖലി തങ്ങളെ ആദരിച്ചിരിക്കുന്നത്. വിവിധ മേഖലകളിലെ സമഗ്ര സംഭാവനകൾ പരിഗണിച്ച് സംസ്‌കാരിക മന്ത്രാലയ ത്തിന്‍റെ ശുപാർശ പ്രകാരമാണ് ദുബായ് ഇമിഗ്രേഷൻ വകുപ്പ് ഗോൾഡൻ വിസ അനുവദിച്ചത്.
- pma
വായിക്കുക: golden-visa, visa-rules, കേരള രാഷ്ട്രീയ നേതാക്കള്‍, ദുബായ്, മതം, സാമൂഹികം
ദുബായ് : സകലകലാ വല്ലഭന്‍ കമൽ ഹാസന് യു. എ. ഇ. യുടെ ഗോൾഡൻ വിസ സമ്മാനിച്ചു. ദുബായ് ജി. ഡി. ആർ. എഫ്. എ. അധികൃതരിൽ നിന്നും പത്തു വര്‍ഷത്തേക്കുള്ള ഗോൾഡൻ വിസ കമല്‍ ഏറ്റു വാങ്ങി. ചലച്ചിത്ര രംഗത്തെ സംഭാവനകൾ വിലയിരുത്തിയാണ് ഗോള്‍ഡന്‍ വിസ സമ്മാനിച്ചത്.
ചലച്ചിത്ര രംഗത്തുനിന്നും മമ്മൂട്ടി, മോഹന്‍ ലാല്‍, സിദ്ധീഖ്, ദുല്‍ഖര്‍ സല്‍മാന്‍, പൃഥ്വി രാജ്, ടോവിനോ തോമസ്, ആസിഫ് അലി, മിഥുന്‍ രമേശ്, ആശാ ശരത്, നൈല ഉഷ, മീരാ ജാസ്മിന്‍, ലാല്‍ ജോസ്, സലീം അഹമ്മദ് തുടങ്ങി നിരവധി അഭിനേതാക്കള്‍ക്കും സംവിധായകര്‍ക്കും നേരത്തെ ഗോള്‍ഡന്‍ വിസ ലഭിച്ചിരുന്നു.
- pma
വായിക്കുക: golden-visa, സിനിമ
ദുബായ് : ചലച്ചിത്ര നടന്‍ സിദ്ധീഖ് യു. എ. ഇ. ഗോള്‍ഡന്‍ വിസ സ്വീകരിച്ചു. ദുബായ് ബിസിനസ്സ് സെറ്റപ്പ് സെന്‍റര്‍ സ്ഥാപനമായ എമിറേറ്റ്സ് ഫസ്റ്റ് സി. ഇ. ഒ. ജമാദ് ഉസ്മാന്‍, ഗോൾഡൻ വിസാ നടപടി കൾക്ക് നേതൃത്വം നൽകി.
വിവിധ രംഗങ്ങളിലെ പ്രതിഭകള്‍ ക്കും തൊഴില്‍ മേഖല കളില്‍ മികവ് തെളിയിച്ചവര്‍ക്കും മികച്ച പ്രകടനം കാഴ്‍ച വെച്ച വിദ്യാര്‍ത്ഥികള്‍ക്കും യു. എ. ഇ. സര്‍ക്കാര്‍ പത്ത് വര്‍ഷത്തെ ഗോള്‍ഡന്‍ വിസ നല്‍കി വരുന്നു.
അബുദാബി യില്‍ അഞ്ഞൂറില്‍ അധികം ഡോക്ടര്‍ മാര്‍ക്ക് ഗോള്‍ഡന്‍ വിസ നല്‍കി യിരുന്നു. മലയാള സിനിമാ രംഗത്തു നിന്നും അഭിനേതാക്കളായ മമ്മൂട്ടി, മോഹന്‍ ലാല്‍, പൃഥ്വിരാജ്, ദുല്‍ഖര്‍ സല്‍മാന്‍, ടൊവിനോ തോമസ്, ആസിഫ് അലി, മിഥുന്‍ രമേശ്, ആശാ ശരത്, നൈല ഉഷ, മീരാ ജാസ്മിന്‍, സംവിധായ കരായ ലാല്‍ ജോസ്, സലീം അഹമ്മദ് എന്നിവര്‍ക്ക് ഗോള്‍ഡന്‍ വിസ ലഭിച്ചിരുന്നു.
- pma
വായിക്കുക: golden-visa, സിനിമ
അബുദാബി : യു. എ. ഇ. യിൽ അഞ്ഞൂറില്‍ ഏറെ ഡോക്ടർമാർക്ക് ഗോൾഡൻ വിസ നല്‍കി. ആരോഗ്യ മേഖലക്ക് സർക്കാർ നൽകുന്ന പ്രാധാന്യത്തെയും ആരോഗ്യ മേഖല യിൽ കഴിവു തെളിയിച്ചവരെ രാജ്യത്ത് നില നിർത്തേണ്ട ആവശ്യകതയും പരിഗണിച്ചു കൊണ്ടാണ് ഇത്രയധികം പേർക്ക് ഗോൾഡന്‍ വിസ നല്‍കിയത്.
വിജയകരമായ അപേക്ഷകർക്ക് 10 വർഷം വരെ വിസ നൽകുന്നു, ഗോൾഡൻ ഉടമകൾക്ക് ഒരു സ്പോൺസറുടെ ആവശ്യം ഇല്ലാതെ എമിറേറ്റിൽ ജീവിക്കാനും ജോലി ചെയ്യു വാനും പഠിക്കുവാനും കഴിയും.
ആരോഗ്യ പരിപാലനം ഉൾപ്പെടെ എമിറേറ്റിന്റെ പ്രധാന മേഖലകളിൽ ജോലി ചെയ്യുന്നവര്‍ക്കും പഠിക്കുന്നവര്‍ക്കും മറ്റു വിവിധ മേഖലകളില്‍ മികവ് പുലർത്തുന്നവര്‍ക്കും എല്ലാ അപേക്ഷകർക്കും വിശാലമായ വിസ ഓപ്ഷനുകൾ ലഭ്യമാണ് എന്നും അധികൃതര്‍ പറഞ്ഞു. ആഗോള പ്രതിഭകൾക്കും നിക്ഷേപകർക്കും യു. എ. ഇ. യുടെ ഗോൾഡൻ വിസ അബുദാബിയിൽ ലഭ്യമാണ്.
ഡോക്ടർമാർക്കും അവരുടെ കുടുംബങ്ങൾക്കും 10 വർഷത്തെ ദീർഘകാല റസിഡൻസി പ്രയോജനപ്പെടു ത്തുന്നതിന് രാജ്യത്ത് താമസിക്കുന്ന ഡോക്ടർമാരോട് ഗോൾഡൻ വിസക്കു വേണ്ടി അപേക്ഷിക്കുവാൻ യു. എ. ഇ. സർക്കാർ ആവശ്യപ്പെട്ടു.
ഗോൾഡൻ വിസയിലൂടെ ഈ മേഖല യിലെ മികച്ച പ്രതിഭകളെ ആകർഷിക്കുവാനും രാജ്യത്തും ലോകത്തും ഉയർന്ന നിലവാരമുള്ള ആരോഗ്യ പരിരക്ഷാ സേവന ങ്ങൾ തുടർച്ചയായി എത്തിക്കുവാനും സാധിക്കും.
- pma
വായിക്കുക: expat, golden-visa, nri, visa-rules, ആരോഗ്യം, നിയമം, പ്രവാസി, ബഹുമതി, യു.എ.ഇ.
ദുബായ് : ജാമിഅ മർക്കസ് ചാൻസലറും ഗ്രാൻഡ് മുഫ്തിയുമായ കാന്തപുരം എ. പി. അബൂബക്കർ മുസ്ലിയാര്‍ക്ക് യു. എ. ഇ. ഗോള്‍ഡന്‍ വിസ.
ദുബായ് താമസ കുടിയേറ്റ വകുപ്പ് ആസ്ഥാനത്തു നടന്ന ചടങ്ങിൽ കാന്തപുരം എ. പി. അബൂബക്കർ മുസ്ലിയാർ ഗോൾഡൻ വിസ ഏറ്റു വാങ്ങി.
യു. എ. ഇ. യും ജാമിഅ മർക്കസും തമ്മിലുള്ള അന്താ രാഷ്ട്ര ബന്ധം, വിദ്യാഭ്യാസ വിനിമയം, ജീവ കാരുണ്യ പ്രവർത്തനങ്ങൾ എന്നിവയെ മുൻ നിർത്തി യാണ് ആദരം.
വിവിധ മേഖലകളിൽ കഴിവ് തെളിയിക്കുന്ന പ്രതിഭ കൾക്ക് യു. എ. ഇ. ഭരണകൂടം നൽകുന്നതാണ് പത്തു വർഷത്തെ ഗോൾഡൻ വിസ. വിദ്യാഭ്യാസ ജീവ കാരുണ്യ പ്രവർ ത്തനങ്ങൾക്ക് ഇന്ത്യയിൽ നിന്ന് ഗോൾഡൻ വിസ ലഭിക്കുന്ന ആദ്യ വ്യക്തിയാണ് കാന്തപുരം എ. പി. അബൂബക്കർ മുസ്ലിയാർ.
- pma
വായിക്കുക: golden-visa, rsc-icf, പ്രവാസി, മതം, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
