അബുദാബി : മലയാളി സമാജം വേനല്‍കൂടാരം സമ്മര്‍ ക്യാമ്പില്‍ വര്‍ക്കല കഹാര്‍ എം. എല്‍. എ. എത്തി കുട്ടികളുമായി സംവദിച്ചു. സക്‌സസ് എന്ന പദത്തിലെ മൂന്ന് ‘എസു’കള്‍ ജീവിത ത്തില്‍ പ്രാവര്‍ത്തികം ആക്കണമെന്നും ആ മൂന്ന് എസ്സുകള്‍ സൂചിപ്പിക്കുന്നത് സിസ്റ്റമാറ്റിക്, സിന്‍സിയര്‍, സീരിയസ് എന്നീ പദങ്ങള്‍ ആണെന്നും ഇവയിലൂടെ മാത്രമേ വിജയം നേടാന്‍ കഴിയൂ എന്നും അദ്ദേഹം കുട്ടികളെ ഉപദേശിച്ചു.
മലയാളി സമാജം പ്രസിഡന്‍റ് മനോജ് പുഷകര്‍, വൈസ് പ്രസിഡന്‍റ് ബി. യേശുശീലന്‍, ക്യാംപ് ഡയറക്ടര്‍ ചിക്കൂസ് ശിവന്‍, ഇടവാ സെയ്ഫ്, അമര്‍സിംഗ് വലപ്പാട്, സതീശന്‍ എന്നിവര്‍ സംസാരിച്ചു.
