കാ കാ പുസ്തക ചര്‍ച്ച നടത്തി

July 5th, 2011

naseer-kadikkad-book-kaka-revision-ePathram

അബുദാബി :  ‘കാക്ക’ വരച്ചു  കാണിക്കുന്നത് നാടിന്‍റെ ഓര്‍മ്മകള്‍  ആണെന്ന്‍   നസീര്‍ കടിക്കാടിന്‍റെ ‘കാ കാ’ എന്ന പുസ്തകത്തെ കുറിച്ച് യുവകലാ സാഹിതി അബുദാബി ഘടകം സംഘടിപ്പിച്ച സംവാദ ത്തില്‍  പറഞ്ഞു.   കാക്ക മനുഷ്യ   ജീവിത ത്തില്‍ ചെലുത്തുന്ന സ്വാധീനത്തെ കുറിച്ചും ഏറെ ചര്‍ച്ച ചെയ്യപ്പെട്ടു.
 
യുവ കലാ സാഹിതി വൈസ് പ്രസിഡന്‍റ് ഇ. ആര്‍. ജോഷി അദ്ധ്യക്ഷത വഹിച്ചു. പുതുകവിത യുടെ വര്‍ത്തമാനം, കാക്ക മലയാളത്തിന്‍റെ പ്രിയപ്പെട്ട പക്ഷി,  പറന്നു മതിയാകാത്ത വാക്ക്‌ എന്നീ വിഷയങ്ങളെ  ആസ്പദമാക്കി  സര്‍ജു ചാത്തന്നൂരും, ദേവിക സുധീന്ദ്രനും സജു കുമാറും മുഖ്യ പ്രഭാഷണങ്ങള്‍ നിര്‍വഹിച്ചു.
 

കെ.  എം.  എ. ഷരീഫ്, അഷറഫ് ചമ്പാട്, അബൂബക്കര്‍, പ്രീത നാരായണന്‍, ചന്ദ്രശേഖര്‍, തമ്പി, യൂനുസ് ബാവ, രാജി ജോഷി എന്നിവര്‍ കവിതകള്‍ അവതരിപ്പിച്ചു.

യുവ കലാ സാഹിതി സാഹിത്യ വിഭാഗം സെക്രട്ടറി ജോഷി ഒഡേസ സ്വാഗതവും വനിതാ വിഭാഗം കണ്‍വീനര്‍ ഷക്കീല സുബൈര്‍ നന്ദിയും പറഞ്ഞു.

- ഫൈസല്‍ ബാവ

വായിക്കുക: ,

അഭിപ്രായം എഴുതുക »

കാക്ക : അവലോകനം

June 27th, 2011

kaka-naseer-kadikkad-epathram
അബുദാബി : യുവ കവികളില്‍ ശ്രദ്ധേയനായ നസീര്‍ കടിക്കാട് കാക്കകളെ മുഖ്യ പ്രമേയമാക്കി എഴുതിയ ‘ കാ കാ ‘ എന്ന കൃതിയെ കുറിച്ച് ചര്‍ച്ച യും അവലോകനവും അബുദാബി കേരളാ സോഷ്യല്‍ സെന്‍ററില്‍ ജൂണ്‍ 30 വ്യാഴാഴ്ച രാത്രി 8 മണിക്ക്.

യുവ കലാ സാഹിതി ഒരുക്കുന്ന ഈ പരിപാടിയില്‍ കാക്ക കളെ കുറിച്ച് വര്‍ത്തമാനം പറയാന്‍, കാക്ക കവിതകളുടെ നാട്ടിടവഴി കളിലൂടെ നടക്കാന്‍, നസീറിന്‍റെ കവിത യിലെ കാക്കകള്‍ കഥ പറയുന്നത് കേള്‍ക്കാന്‍ ഓരോ സാഹിത്യ പ്രേമികളെയും ക്ഷണിക്കുന്നു.
വിവരങ്ങള്‍ക്ക് വിളിക്കുക : 050 31 60 452

-

വായിക്കുക: ,

അഭിപ്രായം എഴുതുക »

യുവ കലാ സാഹിതി കാന്‍സര്‍ സുരക്ഷാ പദ്ധതിക്ക് തുടക്കമായി

June 21st, 2011

yuva-kala-sahithy-logo-epathramഅബുദാബി : തിരുവനന്തപുരം റീജ്യണല്‍ കാന്‍സര്‍ സെന്‍ററു മായി സഹകരിച്ചു കൊണ്ട് യുവ കലാ സാഹിതി അബുദാബി യില്‍ തുടക്കമിട്ട കാന്‍സര്‍ സുരക്ഷാ പദ്ധതിക്ക് പൊതു ജനങ്ങളില്‍ നിന്ന് നല്ല പ്രതികരണം ലഭിക്കുന്നതായി സംഘാടകര്‍ അറിയിച്ചു.

അബുദാബി കേരള സോഷ്യല്‍ സെന്‍ററിന്‍റെ കേരളോത്സവം 2011 നോടനു ബന്ധിച്ച് നടന്ന ചടങ്ങില്‍ ഒരു മാസം നീണ്ടു നില്‍ക്കുന്ന യുവകലാസാഹിതി – ആര്‍. സി. സി. കാന്‍സര്‍ സുരക്ഷാ പദ്ധതി യുടെ ഔപചാരിക ഉദ്ഘാടനം കേരള സോഷ്യല്‍ സെന്‍റര്‍ വൈസ് പ്രസിഡന്‍റ് ബാബു വടകര നിര്‍വ്വഹിച്ചു.

മാരക വിപത്തായ അര്‍ബുദ ത്തെക്കുറിച്ചുള്ള ബോധവത്കരണ ത്തോടൊപ്പം ഭാരിച്ച സാമ്പത്തിക ബാധ്യത വരുത്തി വെക്കുന്ന അര്‍ബുദ ചികിത്സ യ്ക്ക് സാധാരണക്കാരും അല്ലാത്തവരു മായ പ്രവാസി കള്‍ക്ക് സാമ്പത്തിക സുരക്ഷ നല്‍കുന്നതാണ് പദ്ധതി യെന്ന് ജനറല്‍ കണ്‍വീനര്‍ സലീമും കോ ഓര്‍ഡിനേറ്റര്‍ സുബൈര്‍ പാലത്തിങ്കലും അറിയിച്ചു.

50 ദിര്‍ഹം കൊടുത്ത് പ്രാഥമിക അംഗത്വം എടുത്താല്‍ 50,000 ഇന്ത്യന്‍ രൂപയ്ക്ക് തുല്യമായ ചികിത്സ നാട്ടില്‍ സൗജന്യമായി ലഭിക്കും. 100 ദിര്‍ഹം നല്‍കിയാല്‍ ഒരു ലക്ഷം രൂപ വരെയുള്ള ചികിത്സാ ചെലവും, 1000 ദിര്‍ഹം അടച്ചാല്‍ പരമാവധി 10 ലക്ഷം ഇന്ത്യന്‍ രൂപ വരെയുള്ള അര്‍ബുദ ചികിത്സാ പരിരക്ഷയും ഈ കാന്‍സര്‍ സുരക്ഷാ പദ്ധതി യിലൂടെ അംഗങ്ങള്‍ക്ക് ലഭ്യമാകും.

പണത്തിന്‍റെ കുറവ് മൂലം മതിയായ ചികിത്സ ലഭിക്കാതെ യാതന അനുഭവിക്കാന്‍ വിധിക്കപ്പെട്ട വര്‍ക്ക് ഇത്തരം കാന്‍സര്‍ സുരക്ഷാ പദ്ധതി കള്‍ വലിയ ആശ്വാസം ആകുമെന്നും ഒരു സാമൂഹിക സേവനം എന്ന നിലയില്‍ കൂടി ഇതിനെ കണ്ടു കൊണ്ട് കൂടുതല്‍ ആളുകള്‍ ഇതില്‍ അംഗങ്ങള്‍ ആകണമെന്നും സംഘാടകര്‍ അഭ്യര്‍ഥിച്ചു. വിശദ വിവരങ്ങള്‍ക്ക് : സലിം 050 32 74 572

-

വായിക്കുക: , ,

അഭിപ്രായം എഴുതുക »

നവോത്ഥാന നായകരുടെ പാത പിന്‍പറ്റുക : വി. ടി. മുരളി

May 25th, 2011

yuva-kala-sahithy-vt-murali-epathram
അബുദാബി : ജാതി വ്യവസ്ഥകള്‍ക്ക്‌ എതിരെ പോരാടി മനുഷ്യനെ മനുഷ്യനായി കാണാന്‍ പഠിപ്പിച്ച നവോത്ഥാന നായകരുടെ പാത പിന്‍പറ്റി പ്രവര്‍ത്തിക്കണം എന്ന് പ്രശസ്ത ഗായകന്‍ വി. ടി. മുരളി.

അബുദാബി യുവകലാ സാഹിതി യുടെ യുവകലാസന്ധ്യ 2011 ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം. കേരളാ സോഷ്യല്‍ സെന്‍ററില്‍ നടന്ന സാംസ്കാരിക സമ്മേളന ത്തില്‍ വൈസ്‌ പ്രസിഡന്‍റ് ഇ. ആര്‍. ജോഷി അദ്ധ്യക്ഷത വഹിച്ചു. പ്രമുഖ നാടക പ്രവര്‍ത്തകന്‍ സുവീരന്‍ മുഖ്യ പ്രഭാഷണം നടത്തി. വിവിധ സംഘടനാ പ്രതിനിധികളും, സാംസ്കാരിക പ്രവര്‍ത്തകരും പങ്കെടുത്ത് ആശംസകള്‍ നേര്‍ന്നു.

audiance-yuva-kala-sandhya-2011-epathram

ഇന്ത്യന്‍ പത്രപ്രവര്‍ത്തന രംഗത്തെ നവോത്ഥാന ശില്‍പ്പിയും രാഷ്ട്രീയ ചിന്തകനുമായ കാമ്പിശ്ശേരി കരുണാകരന്‍റെ പേരില്‍ യുവകലാ സാഹിതി ഏര്‍പ്പെടുത്തിയ ‘കാമ്പിശ്ശേരി അവാര്‍ഡ്‌’ ജേതാവിനെ സെക്രട്ടറി കുഞ്ഞില്ലത്ത് ലക്ഷ്മണന്‍ പ്രഖ്യാപിച്ചു.

ജനറല്‍ സിക്രട്ടറി സുനീര്‍ സ്വാഗതവും ജോയിന്‍റ് സിക്രട്ടറി അബൂബക്കര്‍ നന്ദിയും പറഞ്ഞു. വി. ടി. മുരളി, റംലാ ബീഗം എന്നിവരുടെ നേതൃത്വത്തില്‍ ഗാനമേളയും വിവിധ കലാ പരിപാടികളും നടന്നു.

-അയച്ചു തന്നത്: സഫറുള്ള പാലപ്പെട്ടി

-

വായിക്കുക: , ,

അഭിപ്രായം എഴുതുക »

യുവകലാ സന്ധ്യ 2011

May 9th, 2011

yuvakala-sandhya2011-epathram
അബുദാബി : യുവകലാ സാഹിതി യുടെ വാര്‍ഷികാഘോഷം ‘യുവകലാ സന്ധ്യ2011’ മെയ് 20 വെള്ളിയാഴ്ച അബുദാബി കേരളാ സോഷ്യല്‍ സെന്‍ററില്‍ പ്രശസ്ത തിരക്കഥാ കൃത്തും സംവിധായക നുമായ രഘുനാഥ് പലേരി ഉദ്ഘാടനം ചെയ്യും.

ഗൃഹാതുര സ്മരണകളില്‍ ജീവിക്കുന്ന പ്രവാസി കളുടെ ഇഷ്ടഗായകന്‍, ‘ഓത്തു പള്ളിയിലന്നു നമ്മള്‍’ എന്ന ഗാന ത്തിലൂടെ മലയാള ചലച്ചിത്ര ഗാന ശാഖയില്‍ സ്വന്തം ഇരിപ്പിടം കണ്ടെത്തിയ വി.ടി. മുരളി യോടൊപ്പം മാപ്പിളപ്പാട്ട് ഗാനശാഖ യ്ക്കും കഥാപ്രസംഗ കലയ്ക്കും അതുല്യ സംഭാവന കള്‍ നല്‍കിയ റംലാ ബീഗം, യുവഗായക നിരയിലെ ശ്രദ്ധേയ ഗായിക നീത എന്നിവരും പ്രവാസ ലോകത്തെ ഗായകര്‍ ക്കിടയില്‍ ശ്രദ്ധേയരായ യു. എ. ഇ. യിലെ സംഗീത പ്രതിഭകള്‍ യൂനുസ് ബാവ, നൈസി സമീര്‍, അഫ്‌സല്‍ ബാപ്പു, അപര്‍ണ സുരേഷ്, ലിഥിന്‍ എന്നിവരും പങ്കെടുക്കും.

ഗാനങ്ങളും നൃത്ത രൂപങ്ങളും കോര്‍ത്തിണക്കുന്ന ‘യുവകലാ സന്ധ്യ2011’ വ്യത്യസ്ത അനുഭവം ആയിരിക്കും പ്രേക്ഷകര്‍ക്ക് സമ്മാനിക്കുക എന്ന് സംഘാടകര്‍ അറിയിച്ചു.

യുവകലാ സാഹിതി യുടെ നാലാമത് കാമ്പിശ്ശേരി പുരസ്‌കാര ജേതാവിനെ പ്രസ്തുത വേദി യില്‍ പ്രഖ്യാപിക്കും. യുവകലാസന്ധ്യ യുടെ വിജയത്തിനായി മുഗള്‍ ഗഫൂര്‍ (ചെയര്‍മാന്‍), ഇ. ആര്‍. ജോഷി (ജനറല്‍ കണ്‍വീനര്‍), കെ. പി. അനില്‍ (ട്രഷറര്‍) എന്നിവര്‍ ഭാരവാഹി കളായി സ്വാഗത സംഘം രൂപീകരിച്ചു.

-

വായിക്കുക: ,

അഭിപ്രായം എഴുതുക »

Page 5 of 7« First...34567

« Previous Page« Previous « കഷ്ടത ജീവിതത്തെ പൂര്‍ത്തീകരിക്കുന്നത് : സഖറിയാസ്‌ മാര്‍ തേയോഫിലോസ്‌
Next »Next Page » കേര യുവ ശാസ്ത്ര പ്രതിഭാ പുരസ്കാരം »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine