കോല്ക്കത്ത : സന്തോഷ് ട്രോഫിയില് കേരളത്തിന്റ അടുത്ത മത്സരം ഇന്ന് ക്ലസ്റ്റര് 7ല് മുന്നിരയിലുള്ള ആസാമുമായി നടക്കും. ഈ മല്സരത്തില് വിജയിക്കാന് കഴിഞ്ഞാല് കേരളം പ്രീ ക്വാര്ട്ടറില് എത്തും എന്നതിനാല് ഇന്നത്തെ മല്സരം കേരളത്തിന് നിര്ണ്ണായകമാണ്.
ഇന്നലെ നടന്ന കേരളത്തിന്റെ രണ്ടാം മല്സരത്തില് കേരളം ഹിമാചല് പ്രദേശിനെ എതിരില്ലാത്ത 10 ഗോളുകള്ക്ക് തോല്പ്പിച്ചു. കേരളത്തിനു വേണ്ടി ഒ. കെ. ജാവേദ് മൂന്നു ഗോള് അടിച്ചു ഹാട്രിക് സ്വന്തമാക്കി. കെ. രാജേഷ്, സക്കീര് എന്നിവര് രണ്ടു വീതവും, മാര്ട്ടിന് ജോണ്, ബിജേഷ്, സുബൈര് എന്നിവര് ഓരോ ഗോള് വീതവും നേടി.
ഹിമാചല് പ്രദേശനെതിരെയുള്ള 10 ഗോള് വിജയത്തിന്റെ മനക്കരുത്ത് ഇന്നത്തെ നിര്ണ്ണായക മല്സരത്തിനു സഹായകരമാകും എന്നാണു കായിക കേരളം പ്രതീക്ഷിക്കുന്നത്.
- അനൂപ് പ്രതാപ്
