തൃശൂര് : ടി. എന്. പ്രതാപന് ധീവരസഭ യുടെ കാര്യങ്ങള് നോക്കിയാല് മതി എന്ന പി. സി. ജോര്ജ് നടത്തിയ അധിക്ഷേപ കരമായ പ്രസ്താവനയ്ക്കെതിരെ പ്രതാപന്റെ തുറന്ന കത്ത്.
നെല്ലിയാമ്പതി ഭൂമി പ്രശ്നത്തില് പരസ്പരം ഇരുവരും വിമര്ശനം ഉന്നയിച്ചിരുന്നിരുന്നു. ഇതിനിടെയാണ് പ്രതാപനെതിരെ പി. സി. ജോര്ജ് ജാതീയ പരാമര്ശങ്ങള് നടത്തിയത്. ജോര്ജിനെ പോലുള്ള കൊതിയന്മാരുടെ കണ്ണും കയ്യും പതിയുന്നിടത്ത് താന് ഇടപെടാന് ഉണ്ടാകുമെന്നും മണ്ണും മനുഷ്യനുമാണ് തന്റെ സമുദായമെന്നും പൊതുമുതല് വെട്ടിപ്പിടിക്കാന് ഒരുത്തനേയും അനുവദിക്കില്ലെന്നും പ്രതാപന് കത്തില് പറയുന്നു.
തല്ക്കാലം നിങ്ങളുടെ കൂടെനിന്ന് ആടുവാന് ചിലരെ കിട്ടിയേക്കുമെന്നും എന്നാല് എപ്പോഴും എല്ലാവരേയും കബളിപ്പിക്കാന് കഴിയില്ലെന്നും വ്യക്തമാക്കിയ പ്രതാപന് താന് ജീവിതത്തില് പിന്നിട്ട ദുരിത കാലത്തെക്കുറിച്ചും വിവരിച്ചിട്ടുണ്ട്. ജോര്ജിന്റെ പ്രസ്താവനയെ തുടര്ന്ന് ചെന്നിത്തലയും ഉമ്മന്ചാണ്ടിയും നടത്തിയ അഭിപ്രായ പ്രകടനങ്ങള് തന്നെ വേദനിപ്പിച്ചെന്ന് പിന്നീട് പ്രതാപന് മാധ്യമ പ്രവര്ത്തകരോട് പറഞ്ഞു.
ചെന്നിത്തലയേക്കാള് വിഷമിപ്പിച്ചത് ഉമ്മന് ചാണ്ടിയുടെ അഭിപ്രായമാണ്. തന്നേയും ജോര്ജിനേയും ഒരുപോലെയാണ് അദ്ദേഹം കാണുന്നത് എങ്കില് കടുത്ത തീരുമാനങ്ങള് തന്റെ ഭാഗത്തു നിന്ന് ഉണ്ടാകുമെന്നും പ്രതാപന് പറഞ്ഞു. പി. സി. ജോര്ജിനെതിരെ പാലക്കാട് ഡി. സി. സി.യും രംഗത്തുവന്നു.
- pma
അനുബന്ധ വാര്ത്തകള്
വായിക്കുക: അഴിമതി, കേരള രാഷ്ട്രീയം, കേരള രാഷ്ട്രീയ നേതാക്കള്, വിവാദം
