അബുദാബി : അബുദാബി ശക്തി തിയേറ്റേഴ്‌സിന്‍റെ ആഭിമുഖ്യ ത്തില്‍ സംഘടിപ്പിക്കുന്ന വൈലോപ്പിള്ളി ജന്മശതാബ്ദി ആഘോഷ ങ്ങളുടെ ഉദ്ഘാടനം ജൂലായ്‌ 16 ശനിയാഴ്ച രാത്രി 8 മണിക്ക് കേരള സോഷ്യല്‍ സെന്‍റര്‍ ഓഡിറ്റോറിയ ത്തില്‍ നടക്കും.
കവിയും അബുദാബി ശക്തി അവാര്‍ഡ് ജേതാവു മായ എന്‍. പ്രഭാവര്‍മ്മ ഉദ്ഘാടകന്‍ ആയിരിക്കും. പ്രശസ്ത കവിയും അബുദാബി ശക്തി യുടെ മറ്റൊരു അവാര്‍ഡ് ജേതാവു മായ ഏറ്റുമാനൂര്‍ സോമദാസന്‍ മുഖ്യാതിഥി ആയിരിക്കും.
ആഘോഷ പരിപാടികളോട് അനുബന്ധിച്ച് അരങ്ങേറുന്ന സാംസ്‌കാരിക സമ്മേളന ത്തില്‍ വിവിധ അംഗീകൃത സംഘടന കളുടെ പ്രതിനിധികള്‍ സംബന്ധിക്കും.
തുടര്‍ന്ന് വൈലോപ്പിള്ളി കവിത കളുടെ ചൊല്‍ക്കാഴ്ച, ദൃശ്യാവിഷ്‌കാരം, ചിത്രീകരണം, നൃത്ത നൃത്യങ്ങള്‍ എന്നിവ അരങ്ങേറും. ഒരാഴ്ച നീണ്ടു നില്ക്കുന്ന ജന്മശതാബ്ദി ആഘോഷം 21 വ്യാഴാഴ്ച സമാപിക്കും.
- ഫൈസല്‍ ബാവ
അനുബന്ധ വാര്‍ത്തകള്‍
വായിക്കുക: ശക്തി തിയേറ്റഴ്സ്, സാഹിത്യം
