 |
 |
 |
 |
 |
 |
 |
 |
 |
 |
 |
 |
 |
 |
ചെന്നൈ : തമിഴ് സൂപ്പര് താരം വിജയ് യുടെ രാഷ്ട്രീയ പാര്ട്ടി തമിഴക വെട്രി കഴകത്തിനു (ടി. വി. കെ.) തെരഞ്ഞെടുപ്പ് കമ്മീഷന് അംഗീകാരം നല്കി. ഇനി തെരഞ്ഞെടുപ്പ് രാഷ്ട്രീയത്തിലേക്ക് ഇറങ്ങുകയാണ് എന്നും എല്ലാവരും സമന്മാർ എന്ന തത്വം മുൻ നിറുത്തി ടി. വി. കെ. മുന്നോട്ട് പോകും എന്നും വിജയ് വാര്ത്താ ക്കുറിപ്പില് അറിയിച്ചു. പാര്ട്ടിയുടെ ആദ്യ സമ്മേളനം ഉടന് പ്രഖ്യാപിക്കും. * Insta & Twitter
- pma
വായിക്കുക: ഇന്ത്യ, ഇന്ത്യന് രാഷ്ട്രീയം, തമിഴ്നാട്, തിരഞ്ഞെടുപ്പ്, സാങ്കേതികം, സിനിമ
ന്യൂഡല്ഹി : വിവാഹ മോചിതയായ മുസ്ലിം സ്ത്രീക്ക് ജീവനാംശം ലഭിക്കുവാൻ ക്രിമിനല് നിയമ ത്തിലെ 125-ാം വകുപ്പ് പ്രകാരം നൽകാം എന്ന് സുപ്രീം കോടതി. ജീവനാംശം ദാനം അല്ല എന്നും സ്ത്രീകളുടെ അവകാശം ആണെന്നും വിധി പ്രസ്താവിച്ച ബെഞ്ചിന് നേതൃത്വം നല്കിയ ജസ്റ്റിസ് ബി. വി. നാഗ രത്ന പറഞ്ഞു.
മുസ്ലിം സ്ത്രീകളുടെ വിവാഹ മോചനത്തിനുള്ള 1986-ലെ നിയമത്തിൻ്റെ അടിസ്ഥാനത്തിൽ ആയിരിക്കണം ജീവനാംശം തീരുമാനിക്കേണ്ടത് എന്നുള്ള വാദം സുപ്രീം കോടതി തള്ളി.
തെലങ്കാന ഹൈക്കോടതി ഉത്തരവിനു എതിരെ മുഹമ്മദ് അബ്ദുള് സമദ് എന്ന വ്യക്തി നല്കിയ ഹര്ജിയിലാണ് സുപ്രീം കോടതിയുടെ ഉത്തരവ്. അയാളുടെ മുന് ഭാര്യക്ക് ജീവനാംശമായി പ്രതിമാസം 10,000 രൂപ നൽകണം എന്ന് തെലങ്കാന ഹൈക്കോടതി ഉത്തരവ് ഇറക്കിയിരുന്നു.
അബ്ദുള് സമദും ഭാര്യയും തമ്മില് 2017-ലാണ് മുസ്ലിം വ്യക്തി നിയമ പ്രകാരം വിവാഹ മോചിതരായത്. വ്യക്തി നിയമത്തിൻ്റെ അടിസ്ഥാനത്തില് വിവാഹ മോചിതർ ആയതിനാല് 1986-ലെ നിയമത്തിൻ്റെ അടിസ്ഥാനത്തില് ആകണം വിവാഹ മോചനം നല്കേണ്ടത് എന്നായിരുന്നു ഹര്ജിക്കാരൻ്റെ വാദം. എന്നാല്, ഈ വാദം സുപ്രീം കോടതി തള്ളി.
പ്രസിദ്ധമായ ഷബാനു കേസ് വിധിയില് ക്രിമിനല് നടപടി ചട്ടത്തിലെ 125-ാം വകുപ്പ് പ്രകാരം മുസ്ലിം വനിതകള്ക്കും കേസ് രജിസ്റ്റര് ചെയ്യാവുന്നതാണ് എന്നും വ്യക്തി നിയമത്തിനേക്കാള് ഈ മതേതര നിയമാണ് നില നില്ക്കുക എന്നും സുപ്രീം കോടതി ചൂണ്ടിക്കാട്ടി.
വിവാഹിതയായ വനിതകള്ക്ക് മാത്രമല്ല, എല്ലാ വനിതകള്ക്കും ക്രിമിനല് നടപടി ചട്ടത്തിലെ 125-ാം വകുപ്പ് പ്രകാരം കേസ് രജിസ്റ്റര് ചെയ്യുന്നതിന് അധികാരം ഉണ്ട് എന്നും സുപ്രീം കോടതി വ്യക്തമാക്കി.
- pma
വായിക്കുക: ഇന്ത്യ, മനുഷ്യാവകാശം, സുപ്രീംകോടതി, സ്ത്രീ, സ്ത്രീ വിമോചനം
ന്യൂഡൽഹി : ജമ്മു കശ്മീരിലെ കത്വയില് സൈനിക വാഹന വ്യൂഹത്തിന് നേരെയുണ്ടായ ഭീകര ആക്രമണ ത്തില് വീരമൃത്യു വരിച്ച അഞ്ച് സൈനികരുടെ വിവരങ്ങള് പുറത്തു വിട്ടു.
നയബ് സുബേദാര് ആനന്ദ് സിംഗ്, ഹവല്ദാര് കമല് സിംഗ്, നായിക് വിനോദ് സിംഗ്, അനുജ് നേഗി, ആദര്ശ് നേഗി എന്നിവരാണ് ആക്രമണത്തില് വീരമൃത്യു വരിച്ചത്. കരസേനയുടെ 22 ഗര്വാള് റൈഫിള്സിലെ ജവാന്മാരാണ് അഞ്ച് പേരും. സംസ്കാരം ബുധനാഴ്ച നടക്കും.
കത്വയില് നിന്ന് നൂറ്റി അമ്പതോളം കിലോ മീറ്റര് അകലെ മച്ചേഡി കിണ്ട്ലി മല്ഹാര് റോഡില് പട്രോളിംഗ് നടത്തുന്നതിനിടെ നടന്ന ഭീകര ആക്രമണ ത്തിലാണ് 5 സൈനികർ വീരമൃത്യു വരിച്ചത്. ആറ് സൈനികര്ക്ക് പരുക്കേറ്റു. സൈനിക വാഹന വ്യൂഹത്തിന് നേരെ ഗ്രനേഡ് എറിഞ്ഞ ശേഷം ഭീകരര് വെടി ഉതിര്ക്കുകയായിരുന്നു.
സൈന്യം തിരിച്ചടിച്ചതോടെ ഭീകരര് വനത്തിനുള്ളില് മറഞ്ഞു. പ്രദേശത്ത് ഭീകരര്ക്കായി തെരച്ചില് തുടരുകയാണ്.
ഇന്നലെ ജമ്മു കാശ്മീരിലെ ദോഡയിലും സുരക്ഷാ സേനയും ഭീകരരും തമ്മില് ഏറ്റുമുട്ടലുണ്ടായി. വനമേഖലയിലാണ് ഏറ്റു മുട്ടല് തുടരുന്നത് എന്നാണു റിപ്പോർട്ടുകൾ.
Image Credit : Twitter X & adgpi – indian army
- pma
വായിക്കുക: army, jammu-kashmeer, jammu-kashmir-, തീവ്രവാദം, യുദ്ധം, രാജ്യരക്ഷ
ന്യൂഡൽഹി : രാജ്യത്ത് മുലപ്പാല് അധിഷ്ഠിതമായ ഉത്പന്നങ്ങൾ വിൽക്കാൻ നിയമം അനുവദിക്കുന്നില്ല എന്ന മുന്നറിയിപ്പുമായി ഭക്ഷ്യ സുരക്ഷാ അഥോറിറ്റി. കേന്ദ്ര- സംസ്ഥാന അധികൃതർ ഇതിന് ലൈസൻസ് നൽകരുത് എന്നും എഫ്. എസ്. എസ്. എ. ഐ. മുന്നറിയിപ്പ് നൽകി. മുലപ്പാൽ വിൽക്കുന്നതിനും സംസ്കരിച്ച് മറ്റു ഉൽപ്പന്നങ്ങൾ ആക്കി മാറ്റുന്നതിനും ആർക്കും ലൈസൻസ് നൽകിയിട്ടില്ല എന്ന് ഉറപ്പാക്കാൻ കേന്ദ്ര – സംസ്ഥാന ലൈസൻസിംഗ് അധികൃതരോടും ആവശ്യപ്പെട്ടു.
മുലപ്പാൽ സ്വമേധയാ ദാനം ചെയ്യാവുന്നതാണ്. എന്നാൽ, ദാതാവിന് പണമോ മറ്റ് ആനുകൂല്യങ്ങളോ സ്വീകരിക്കാൻ കഴിയില്ല. 2006 ലെ എഫ്. എസ്. എസ്. എ. ഐ. ആക്ട് പ്രകാരം മുലപ്പാൽ സംസ്കരിക്കുന്നതും വിൽക്കുന്നതും അനുവദിച്ചിട്ടില്ല.
രജിസ്റ്റർ ചെയ്ത സൊസൈറ്റികളിൽ നിന്നും മുലപ്പാൽ വാണിജ്യ വത്കരിക്കാൻ നിരവധി അഭ്യർത്ഥനകൾ ലഭിക്കുന്നതായി ഭക്ഷ്യ സുരക്ഷാ അഥോറിറ്റി ചൂണ്ടിക്കാട്ടി. ആരോഗ്യ കേന്ദ്രങ്ങളിലെ നവ ജാത ശിശുക്കൾക്കും ശിശുക്കൾക്കും നൽകാൻ മാത്രമേ ഉപയോഗിക്കാവൂ എന്നും ഭക്ഷ്യ സുരക്ഷാ അഥോറിറ്റി വ്യക്തമാക്കി.
മുലയൂട്ടുന്ന മാതാക്കളിൽ നിന്ന് പാൽ ശേഖരിച്ച് വിൽക്കുന്ന മുലപ്പാൽ ബാങ്കുകൾ സ്ഥാപിച്ചതോടെ മുലപ്പാലിന്റെ ഓൺ ലൈൻ വിൽപ്പന അധികരിച്ചു. മുലപ്പാല് അധിഷ്ഠിതമായ ഉത്പന്നങ്ങളുടെ പരസ്യങ്ങൾ സോഷ്യൽ മീഡിയകളിൽ വരുന്നതും മുലപ്പാൽ ഉത്പന്നങ്ങളെ കുറിച്ച് ഓൺ ലൈനിൽ സെർച്ച് ചെയ്യുന്നവരുടെ എണ്ണവും വർദ്ധിച്ചു.
ഈ സാഹചര്യത്തിലാണ് മുന്നറിയിപ്പുമായി ഭക്ഷ്യ സുരക്ഷാ അഥോറിറ്റി രംഗത്ത് വന്നത്.
- pma
വായിക്കുക: ആരോഗ്യം, നിയമം, പ്രതിഷേധം, മനുഷ്യാവകാശം, വിവാദം, വ്യവസായം, സാങ്കേതികം, സാമ്പത്തികം, സ്ത്രീ, സ്ത്രീ വിമോചനം
ന്യൂഡല്ഹി : 2024 ലെ ലോക് സഭാ തെരഞ്ഞെടുപ്പില് കേരളത്തിലും തമിഴ് നാട്ടിലും ബി. ജെ. പി. എക്കൗണ്ട് തുറക്കും എന്ന് കേന്ദ്ര ആഭ്യന്തര വകുപ്പു മന്ത്രി അമിത് ഷാ. പഞ്ചിമ ബംഗാളില് ബി. ജെ. പി. 30 സീറ്റ് നേടും. ബിഹാറില് 2019ലെ സ്ഥിതി ആവര്ത്തിക്കും. ഒഡിഷ യില് പതിനാറിൽ കൂടുതൽ സീറ്റുകള് നേടും. എന്. ഡി. എ. ക്ക് 400 സീറ്റ് എങ്ങനെ ലഭിക്കും എന്നുള്ള മാധ്യമ പ്രവർത്തകൻ്റെ ചോദ്യത്തോട് പ്രതികരിക്കുക യായിരുന്നു അമിത് ഷാ.
വടക്കു കിഴക്കന് സംസ്ഥാനങ്ങളില് ബി. ജെ. പി. മികച്ച പ്രകടനം കാഴ്ച വെക്കും. തെലങ്കാനയില് 10 മുതല് 12 വരെ എം. പി. മാര് ബി. ജെ. പി. ക്ക് ഉണ്ടാകും. ആന്ധ്രാ പ്രദേശില് 18 സീറ്റു വരെ നേടും. ഭരണ ഘടന മാറ്റി എഴുതുവാനാണ് ബി. ജെ. പി. 400 സീറ്റില് കൂടുതല് ആവശ്യപ്പെടുന്നത് എന്ന പ്രതിപക്ഷ ആരോപണങ്ങളെ അമിത് ഷാ തള്ളി. ഭരണ ഘടന ഭേദഗതി ചെയ്യാനുള്ള ഭൂരിപക്ഷം 2014 മുതല് എന്. ഡി. എ. ക്ക് ഉണ്ടായിരുന്നു എങ്കിലും അത് ചെയ്തില്ല.
പത്തു വര്ഷത്തിനിടെ സംവരണത്തില് തങ്ങള് തൊട്ടിട്ടു പോലുമില്ല. രാമ ക്ഷേത്രം വിശ്വാസ വുമായി ബന്ധപ്പെട്ട കാര്യമാണ് അത് തെര ഞ്ഞെടുപ്പ് വിഷയം അല്ല എന്നും അമിത് ഷാ അവകാശപ്പെട്ടു. ഏക സിവില് കോഡ് എന്നത് വലിയ പരിഷ്കരണമാണ്. ഉത്തരാ ഖണ്ഡ് അത് നടപ്പാക്കി. മുസ്ലിം പ്രതിനിധികള് അടക്കം അതിനെ എതിര്ത്തു. രാജ്യത്ത് ഉടനീളം അത് നടപ്പാക്കണം എന്ന് തന്നെയാണ് ബി. ജെ. പി. തീരുമാനം. ഒരു പ്രമുഖ ദേശീയ മാധ്യമത്തിന് നല്കിയ അഭിമുഖത്തില് അമിത് ഷാ പറഞ്ഞു.
- pma
വായിക്കുക: bjp, election-2024, ഇന്ത്യ, ഇന്ത്യന് രാഷ്ട്രീയം, കേരളം, കേരള രാഷ്ട്രീയം, തമിഴ്നാട്, തിരഞ്ഞെടുപ്പ്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
