മുംബൈ : മുംബൈ ക്രിക്കറ്റ് അസോസിയേഷൻ അധികൃതരുടെ ബന്ധുക്കൾക്കും സുഹൃത്തുക്കൾക്കും ഓട്ടോഗ്രാഫ് നൽകാൻ തയ്യാറാകാഞ്ഞതും അവരോടൊപ്പം ഫോട്ടോ എടുക്കാഞ്ഞതുമാണ് ഷാറൂഖ് ഖാന് എതിരെ അസോസിയേഷൻ അധികൃതർ തിരിയാൻ കാരണമായത് എന്ന് മുംബൈയിലെ പ്രാദേശിക മാദ്ധ്യമങ്ങൾ റിപ്പോർട്ട് ചെയ്തു.
അസോസിയേഷൻ അധികൃതരുടെ ആവശ്യത്തിന് വില കൽപ്പിക്കാതെ കളിക്കാരോടൊപ്പം വിജയാഹ്ളാദം പങ്കിടാൻ കളിക്കളത്തിലേക്ക് നീങ്ങിയ ഷാറൂഖ് ഖാനെ അധികൃതർ വിലക്കി. ഷാറൂഖ് ഖാന് ചുറ്റും മകൾ സുഹാനയുടെ സുഹൃത്തുക്കളുമുണ്ടായിരുന്നു. കളിക്കളത്തിൽ നിന്നു ഇവരോട് പുറത്തു പോകാൻ ആവശ്യപ്പെട്ടതിനെ തുടർന്നാണ് കശപിശ നടന്നത്. കുപിതനായ ഷാറൂഖ് നിയന്ത്രണാതീതനാകുകയും പ്രശ്നങ്ങൾ വഷളാകുകയും ചെയ്തു.
