 |
 |
 |
 |
 |
 |
 |
 |
 |
 |
 |
 |
 |
 |
മുംബൈ: നാഗ്പൂരിലെ ചിട്ണീസ് പാര്‍ക്കില്‍ പൊതുയോഗത്തിന് പങ്കെടുക്കാന്‍ എത്തിയ അണ്ണാ ഹസാരെയുടെ വാഹനത്തിന് നേരെ കല്ലേറ്. കല്ലേറില്‍ വാഹനത്തിന്റെ ചില്ലുകള്‍ തകര്‍ന്നു. ഹസാരെ സുരക്ഷിതനാണെന്ന് അദ്ദേഹത്തോട് അടുത്ത വൃത്തങ്ങള്‍ പറഞ്ഞു. ആരാണ് ആക്രമണം നടത്തിയതെന്ന് കണ്ടെത്താന്‍ കഴിഞ്ഞിട്ടില്ല. പോലിസ്‌ അന്വേഷണം ആരംഭിച്ചു.
- ന്യൂസ് ഡെസ്ക്
വായിക്കുക: അഴിമതി, ഇന്ത്യ, ഇന്ത്യന്‍ രാഷ്ട്രീയം, കുറ്റകൃത്യം
ദില്ലി: ബോളിവുഡ് നടി രേഖ രാജ്യസഭാംഗമായി സത്യ പ്രതിജ്ഞ ചെയ്തു. ഉപരാഷ്ട്രപതി ഹമീദ്‌ അന്‍സാരി മുന്‍പാകെയാണ്‌ രേഖ സത്യപ്രതിജ്ഞ ചെയ്തത്. എണ്‍പതുകളില്‍ ഹിന്ദി ചലച്ചിത്ര ലോകത്തെ പ്രമുഖ നായികാ നടിയായിരുന്നു രേഖ. രേഖയ്ക്ക് ഇപ്പോള്‍ 57 വയസ്സാണ്. കേന്ദ്ര സര്‍ക്കാരാണ് ബോളിവുഡ് നടി രേഖയേയും ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറെയും രാജ്യസഭാംഗമായി നാമനിര്‍ദ്ദേശം ചെയ്തത്. ബുധനാഴ്‌ച സച്ചിന്റെ സത്യപ്രതിജ്ഞ ചെയ്തു.
- ന്യൂസ് ഡെസ്ക്
വായിക്കുക: ഇന്ത്യന്‍ രാഷ്ട്രീയം, ബഹുമതി, സ്ത്രീ
ന്യൂഡല്‍ഹി: 2ജി സ്‌പെക്ട്രം ഇടപാടുമായി ബന്ധപ്പെട്ട അഴിമതി കേസില്‍ കുടുങ്ങി കഴിഞ്ഞ 15 മാസമായി ജയിലില്‍ കഴിയുന്ന മുന്‍ ടെലികോം മന്ത്രി എ. രാജയ്ക്ക് സി. ബി. ഐ. പ്രത്യേക കോടതി ജാമ്യം അനുവദിച്ചു. 20 ലക്ഷം രൂപയുടെ ബോണ്ടിനും തുല്യ തുകക്കുള്ള മറ്റ് രണ്ട് ജാമ്യത്തിലുമാണ് രാജയ്ക്ക് പുറത്തേക്ക് ഇറങ്ങാന്‍ സാധിച്ചത്. എന്നാല്‍ കോടതിയുടെ അനുമതിയില്ലാതെ തമിഴ്‌നാട് സന്ദര്‍ശിയ്ക്കരുതെന്ന കര്‍ശന വ്യവസ്ഥയും ജഡ്ജി ഒ. പി. സെയ്‌നി ജാമ്യവ്യവസ്ഥയില്‍ പറയുന്നു. ഇതോടൊപ്പം ടെലികോം ഡിപ്പാര്‍ട്ട്‌മെന്റിന്റെ ഓഫീസ് സന്ദര്‍ശിക്കുകയോ കേസിലെ സാക്ഷികളെ സ്വാധീനിക്കാന്‍ ശ്രമിക്കുകയോ ചെയ്യരുതെന്ന് കോടതി കര്‍ശനമായി പറഞ്ഞു. ടു. ജി. സ്‌പെക്ട്രം ലൈസന്‍സ് അനുവദിച്ചതില്‍ അഴിമതി നടന്നിട്ടുണ്ടെന്ന് ആരോപിച്ച്‌ 2011 ഫെബ്രുവരി 2 നാണ് രാജ അറസ്റ്റിലായത്.
- ന്യൂസ് ഡെസ്ക്
വായിക്കുക: അഴിമതി, ഇന്ത്യന്‍ രാഷ്ട്രീയം, കുറ്റകൃത്യം, കോടതി, പോലീസ്‌
ഹൈദരാബാദ്: നടനും രാജ്യസഭാംഗവുമായ ചിരഞ്ജീവിയുടെ മകള്‍ സുസ്മിതയുടെ ചെന്നൈയിലെ വസതിയില്‍ നിന്ന് കണക്കില്‍പ്പെടാത്ത 35 കോടി രൂപ ആദായനികുതി വകുപ്പ് പിടിച്ചെടുത്തു.റിയല്‍ എസ്റ്റേറ്റ് വ്യവസായി ശിവപ്രസാദിന്‍റെ മകനാണു സുസ്മിതയുടെ ഭര്‍ത്താവ് വിഷ്ണു പ്രസാദ്. വെള്ളി, ശനി ദിവസങ്ങളില്‍ നടന്ന റെയ്ഡിലാണ് വസതിയില്‍ നിന്ന് 500, 1000 നോട്ടുകളായി ഒരു കോടി രൂപ വീതമടങ്ങിയ 35 പെട്ടികള്‍ കണ്ടെടുത്തത്. അന്വേഷണ സംഘം പണം പിന്നീടു റിസര്‍വ് ബാങ്കിനു കൈമാറി. എന്നാല്‍, റെയ്ഡുമായി തന്നെ ബന്ധിപ്പിക്കുന്നതു രാഷ്ട്രീയ ലക്ഷ്യത്തോടെയെന്നു ചിരഞ്ജീവി. കൃത്യമായി നികുതി ഒടുക്കിയതിന് ആദായ നികുതി വകുപ്പിന്‍റെ പുരസ്കാരം ലഭിച്ചിട്ടുണ്ട് എനിക്ക്. മകളുടെ വസതിയില്‍ നടന്ന റെയ്ഡ് രാഷ്ട്രീയ പ്രേരിതമെന്നും പണം വിഷ്ണുവിന്‍റെ ബന്ധുക്കളുടേതെന്നും ചിരഞ്ജീവി.
- ന്യൂസ് ഡെസ്ക്
വായിക്കുക: കുറ്റകൃത്യം, സാമ്പത്തികം
ന്യൂഡല്‍ഹി: ഒരു വിഭാഗം എയര്‍ ഇന്ത്യ പൈലറ്റുമാര്‍ നടത്തുന്ന സമരം ഏഴാം ദിവസത്തിലേക്ക്‌ കടന്നതോടെ പ്രശ്നം കൂടുതല്‍ രൂക്ഷമായി. സമരം മൂലം ഇതുവരെ എയര്‍ ഇന്ത്യക്ക്‌ 96 കോടി രൂപയുടെ നഷ്‌ടമുണ്ടായതായി കണക്കുകള്‍ സൂചിപ്പിക്കുന്നു. എയര്‍ ഇന്ത്യ പൈലറ്റുമാരുടെ സമരത്തിനു പിന്തുണയേകി ജെറ്റ് എയര്‍വേസ് പൈലറ്റുമാരും സമരം നടത്താന്‍ തീരുമാനിച്ചു. കൂടതെ എയര്‍ ഇന്ത്യയുടെ എക്‌സിക്യൂട്ടീവ്‌ പൈലറ്റ്‌സ് അസോസിയേഷനും പണിമുടക്കിന്‌ പിന്തുണ പ്രഖ്യാപിച്ചു. ഇന്നും ഒമ്പത്‌ രാജ്യാന്തര സര്‍വീസുകളും മൂന്ന്‌ ആഭ്യന്തര സര്‍വീസുകളും എയര്‍ ഇന്ത്യ റദ്ദാക്കി. ഇതോടെ യാത്രാ പ്രശ്നം കൂടുതല്‍ രൂക്ഷമായി എന്നാല്‍ സമരം മതിയാക്കിയാലേ ചര്ച്ചയ്ക്കുള്ളൂ എന്ന വാശിയിലാണ് വ്യാമയാന മന്ത്രി. പണിമുടക്ക്‌ തുടങ്ങിയ ശേഷം ഇതാദ്യമായാണ്‌ ആഭ്യന്തര സര്‍വീസുകള്‍ റദ്ദാക്കുന്നത്‌
- ന്യൂസ് ഡെസ്ക്
വായിക്കുക: വിമാനം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
