ഹൈദരാബാദ്‌: ആന്ധ്ര പ്രദേശില്‍ നടന്ന ഉപതെരഞ്ഞെടുപ്പില്‍ കോണ്‍ഗ്രസിനു കനത്ത ആഘാതം ഏല്‍പ്പിച്ചു കൊണ്ട് വൈ. എസ്‌. ആര്‍ കോണ്‍ഗ്രസിനു തിളക്കമാര്‍ന്ന വിജയം നേടി.  ആന്ധ്രയിലെ 18 സീറ്റുകളില്‍ നടന്ന തെരഞ്ഞെടുപ്പില്‍ കോണ്‍ഗ്രസിന്‌ 15 സീറ്റുകളിലാണ്‌ തിരിച്ചടിയേറ്റു‌. വൈ. എസ്‌. ആര്‍ കോണ്‍ഗ്രസ്‌ 15 സീറ്റുകളിലും വിജയം നേടി. രണ്ടെണ്ണം കോണ്‍ഗ്രസും ഒരു സീറ്റ്‌ തെലങ്കാന രാഷ്ര്‌ടീയ സമിതിയും പിടിച്ചെടുത്തു. ഇതില്‍ 16 സിറ്റിംഗ്‌ സീറ്റുകളാണ്‌  വൈ. എസ്‌. ആര്‍ കോണ്‍ഗ്രസ്‌ പിടിച്ചെടുത്തത്‌. നെല്ലൂര്‍ ലോക്‌സഭാ സീറ്റില്‍ വൈ. എസ്‌. ആര്‍ കോണ്‍ഗ്രസിലെ മേഘാപതി രാജ്‌മോഹന്‍ റെഡ്‌ഡി 52,000 ത്തിന്റെ വന്‍ ഭൂരിപക്ഷം നേടി‌. ഇതോടെ 294 അംഗ നിയമസഭയില്‍ കോണ്‍ഗ്രസിന്റെ അംഗബലം 154 ആയി കുറഞ്ഞു.

കൊല്‍ക്കത്ത: പശ്‌ചിമബംഗാള്‍ നിയമസഭയിലെ ദസ്‌പൂര്‍, ബംഗൂര എന്നീ രണ്ട് നിയമസഭാ സീറ്റുകളിലേക്ക്‌ നടന്ന ഉപതെരഞ്ഞെടുപ്പില്‍ ഭരണകക്ഷിയായ തൃണമൂല്‍ കോണ്‍ഗ്രസ്‌ സിറ്റിംഗ്‌ സീറ്റുകള്‍ നില നിര്‍ത്തി. ഈ മണ്ഡലങ്ങളില്‍ എംഎല്‍എമാരുടെ മരണത്തെ തുടര്‍ന്നാണ്‌ ഉപതെരഞ്ഞെടുപ്പ്‌ വേണ്ടി വന്നത്‌. ബംഗൂരയില്‍ നിന്നും മിനാതി മിശ്രയും ദസ്‌പൂരില്‍ നിന്നും മമത ബുനിയയുമാണ്‌ വിജയിച്ചത്‌.