 |
 |
 |
 |
 |
 |
 |
 |
 |
 |
 |
 |
 |
 |
പെയ്തുതോരാത്ത ഗസല് മഴയുടെ പെരുമഴയില് ആസ്വാദകരെ നിര്ത്തി മെഹ്ദി ഹസ്സന് വിടവാങ്ങി ആരാധകഹൃദയങ്ങളില് പെരുമഴയായി പെയ്തിറങ്ങുന്നതാണു മെഹ്ദി ഹസന്റെ ഗസലുകള്. മെഹ്ദി ഹസന്റെ രഫ്താ രഫ്താ ഓ മേരി സാമാ ഹോ ഗയാ എന്ന ഗസല് ഓരോ മനസുകളിലും ഇന്നും മായാതെ കിടക്കുന്നു. കവിതയുടെ ഭംഗിയും രാഗാലാപനത്തിന്റെ പ്രൗഢിയുമാണു മെഹ്ദി ഹസനെ മറ്റു ഗസല് ഗായകരില് നിന്നു വ്യത്യസ്തനാക്കുന്നത്. ഈ മഹാനായ കലാകാരന്റെ ഓര്മ്മക്ക് മുന്നില് ഇപത്രത്തിന്റെ ആദരാഞ്ജലികള്
- ഫൈസല് ബാവ
വായിക്കുക: ഇന്ത്യ, സാംസ്കാരികം
ഡല്ഹി: രാഷ്ട്രപതി സ്ഥാനാര്ത്ഥിയുടെ കാര്യത്തില് തൃണമൂല് കോണ്ഗ്രസ് നേതാവ് മമതാ ബാനര്ജി മലക്കം മറിഞ്ഞു. പ്രണബ് മുഖര്ജിയെ പിന്തുണയ്ക്കണമെന്ന സോണിയാ ഗാന്ധിയുടെ നിര്ദേശം മമതാ ബാനര്ജിയും സമാജ്വാദി പാര്ട്ടി നേതാവ് മുലായം സിംഗ് യാദവും തള്ളി. പകരം പ്രധാനമന്ത്രി മന്മോഹന് സിംഗിനെ പരിഗണിച്ചാല് പിന്തുണക്കാമെന്ന് സോണിയ ഗാന്ധിക്ക് ഉറപ്പു കൊടുത്തു. അബ്ദുല് കലാം, സോമനാഥ് ചാറ്റര്ജി എന്നിവരുടെ പേരുകളും സ്വീകാര്യമാണെന്ന് ഇരുവരും സോണിയയെ അറിയിച്ചു. കോണ്ഗ്രസ് സ്ഥാനാര്ത്ഥിയെ പിന്തുണക്കേണ്ടതില്ല എന്ന് മമതയും മൂലായവവും തീരുമാനിച്ചതോടെ പ്രണബ് മുഖര്ജി ഹമീദ് അന്സാരി എന്നിവരുടെ സാധ്യത മങ്ങിയിരിക്കുകയാണ്. സി. പി. ഐ. ആണെങ്കില് കോണ്ഗ്രസ് സ്ഥാനാര്ത്ഥിയെ പിന്തുണക്കേണ്ടതില്ല എന്ന് നേരത്തെ തന്നെ തീരുമാനിച്ചിരുന്നു. സി. പി. എമ്മും കോണ്ഗ്രസ് സ്ഥാനാര്ത്ഥിയെ പിന്തുണക്കാന് സാധ്യത കുറവാണ്. അവസാന അടവെന്ന നിലയില് മന്മോഹന് സിംഗിനെ തന്നെ രംഗത്ത് ഇറക്കാന് സാധ്യത ഉണ്ടെന്നാണ് രാഷ്ട്രീയ നിരീക്ഷകര് പറയുന്നത്. അങ്ങിനെ വന്നാല് പ്രസിഡന്റാകുന്ന ആദ്യ പ്രധാനമന്ത്രിയാകും മന്മോഹന്സിംഗ്. പ്രണബിനെയോ എ. കെ. ആന്റണിയെയോ പ്രധാനമന്ത്രി സ്ഥാനത്തേക്ക് പരിഗണിച്ചേക്കും.
- ഫൈസല് ബാവ
വായിക്കുക: ഇന്ത്യ, ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ഹൈദരാബാദ് : ആന്ധ്രപ്രദേശില്18ലേക്ക് നടന്ന നിയമസഭാ മണ്ഡലങ്ങളിലേക്കും ചിറ്റൂര് ലോക്സഭാ മണ്ഡലത്തിലേക്കും നടന്ന ഉപതെരഞ്ഞെടുപ്പില് കനത്ത പോളിംഗ്. നിലവില് 80% പോളിംഗ് ഉണ്ടായതായാണ് റിപ്പോര്ട്ട് അവസാന വിലയിരുത്തലില് പോളിങ് ശതമാനം ഉയര്ന്നേക്കുമെന്നു തെരഞ്ഞെടുപ്പു കമ്മിഷന് വൃത്തങ്ങള് അറിയിച്ചു. 2009 നിയമസഭാ തെരഞ്ഞെടുപ്പില് 72.6 ശതമാനമായിരുന്നു ആന്ധ്രയില് പോളിങ്. അനധികൃത സ്വത്തു സമ്പാദനക്കേസ് നേരിടുന്ന വൈ.എസ്. ജഗന് മോഹന് റെഡ്ഡിക്കും, തെലുങ്കാനയിലെ എട്ടു നിയമസഭാ മണ്ഡലങ്ങളില് നടന്ന ഉപതെരഞ്ഞെടുപ്പില് സമ്പൂര്ണമായി പരാജയപ്പെട്ട കോണ്ഗ്രസിനും ഈ ഉപതെരഞ്ഞെടുപ്പ് നിര്ണായകമാണ്.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം
ലണ്ടന് :ഇംഗ്ലണ്ടിലെ ഗാന്ധി ഫൗണ്ടേഷന് നല്കുന്ന അന്താരാഷ്ട്ര സമാധാന പുരസ്കാരങ്ങള്ക്ക് ഇന്ത്യന് മനുഷ്യാവകാശ പ്രവര്ത്തകരായ ഡോ. ബിനായക് സെന്നും ഝാര്ഖണ്ഡില് മനുഷ്യാവകാശ പ്രവര്ത്തകനായ ബുലു ഇമാമും അര്ഹരായി. മഹാത്മാ ഗാന്ധിയുടെ അക്രമരഹിത ആശയം പ്രചരിപ്പിക്കുകയും നടപ്പാക്കുകയും ചെയ്യുന്നവര്ക്കാണ് ഇംഗ്ളണ്ടിലെ ഗാന്ധി ഫൗണ്ടേഷന് അവാര്ഡ് നല്കുന്നത്.
പൊതുജനാരോഗ്യ രംഗത്ത് ശ്രദ്ധേയ പ്രവര്ത്തനങ്ങള് നടത്തിയതിനൊപ്പം സര്ക്കാറിന്റെ നക്സലൈറ്റ് വിരുദ്ധ നടപടികള്ക്കെതിരെ അക്രമരഹിത മാര്ഗത്തില് ബിനായക് സെന് പ്രവര്ത്തിച്ചതായും ഫൗണ്ടേഷന് വിലയിരുത്തി. എന്നാല് നക്സലൈറ്റ് എന്നാരോപിച്ച് ഛത്തിസ്ഗഢ് സര്ക്കാര് ബിനായക് സെന്നിനെ ജയിലിലടച്ചിരുന്നു. മനുഷ്യാവകാശ പ്രവര്ത്തകരുടെ ശക്തമായ പ്രതിഷേധത്തെ തുടര്ന്നാണ് അദ്ദേഹത്തെ ജയില് മോചിതനാക്കിയത്.
മനുഷ്യാവകാശ സംഘടനയായ പി.യു.സി.എല്ലിന്റെ ദേശീയ വൈസ് പ്രസിഡന്റുകൂടിയാണ് ബിനായാക് സെന്. ഝാര്ഖണ്ഡില് മനുഷ്യാവകാശ പ്രവര്ത്തകനായ ബുലു ഇമാം ഇന്റാക് എന്ന സംഘടനയുടെ ഹസാരിബാഗ് ചാപ്റ്റര് കണ്വീനറാണ്. ലോര്ഡ് ആറ്റംബറോ പ്രസിഡന്റായി രൂപവത്കരിച്ച സംഘടന 1998ലാണ് സമാധാനത്തിനുള്ള അന്താരാഷ്ട്ര അവാര്ഡ് ഏര്പ്പെടുത്തിയത്.
- ന്യൂസ് ഡെസ്ക്
വായിക്കുക: ഇന്ത്യ, ബഹുമതി, മനുഷ്യാവകാശം
ന്യൂഡല്ഹി: വിവാദമായ ടട്ര ട്രക്ക് ഇടപാടുമായി ബന്ധപ്പെട്ട് ഭാരത് എര്ത്ത് മൂവേഴ്സ് ലിമിറ്റഡ് (ബി. ഇ. എം. എല്) മേധാവി വി. ആര്. എസ്. നടരാജനു സസ്പെന്ഷന്. ട്രക്ക് ഇടപാടില് അഴിമതി നടന്നുവെന്ന് ആരോപിച്ച കരസേനാ മുന് മേധാവി ജനറല് വി.കെ. സിങ്ങിനെതിരേ നടരാജന് അപകീര്ത്തിക്കേസിനു നോട്ടീസ് നല്കിയതിനു പിന്നാലെയാണു സസ്പെന്ഷന്. ട്രക്ക് ഇടപാടില് സ്വതന്ത്ര അന്വേഷണം സാധ്യമാകാന് നടരാജനെ മാറ്റി നിര്ത്തണമെന്നു സി.ബി. ഐ. ആവശ്യപ്പെട്ടിരുന്നു. ഇതു പരിഗണിച്ചാണു നടപടിയെന്നു പ്രതിരോധ മന്ത്രാലയം വക്താവ് സുധാംശു കൗര്. സി. എം. ഡി പി. ദ്വാരകനാഥിനു ബി. ഇ. എം.എല്ലിന്റെ ചുമതല നല്കാനും സര്ക്കാര് തീരുമാനിച്ചു .
- ന്യൂസ് ഡെസ്ക്
വായിക്കുക: അഴിമതി, ഇന്ത്യ, കുറ്റകൃത്യം, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
