ന്യൂഡല്‍ഹി: വിവാദ പ്രസ്താവന നടത്തിയ പാര്‍ട്ടി ഇടുക്കി ജില്ലാ സെക്രട്ടറി എം. എം.  മണിക്കെതിരെ പ്രഖ്യാപിച്ച അന്വേഷണത്തില്‍ പൂര്‍ണ്ണമായും സഹകരിക്കുമെന്ന് സി. പി. എം. പോളിറ്റ്ബ്യൂറോ അംഗം സീതാറാം യെച്ചൂരി പറഞ്ഞു. കൊലപാതകം സി. പി. എമ്മിന്റെ നിലപാടല്ലെന്നും കേസിനെ നിയമപരമായും രാഷ്ട്രീയമായും നേരിടാനാണ് പാര്‍ട്ടി ഉദ്ദേശിക്കുന്നത് എന്നും യെച്ചൂരി പറഞ്ഞു. മണിക്കെതിരായ അച്ചടക്ക നടപടി ഉണ്ടാകുമോ എന്നാ ചോദ്യത്തിന് ഇതു സംബന്ധിച്ച് സംസ്ഥാന നേതൃത്വവുമായി കൂടിയാലോചന നടത്തി പാര്‍ട്ടി ജനറല്‍ സെക്രട്ടറി പ്രകാശ് കാരാട്ട് തിരിച്ചെത്തിയശേഷം തീരുമാനം കൈക്കൊള്ളുമെന്നും അദ്ദേഹം പറഞ്ഞു

‍

ന്യൂഡല്‍ഹി: ബി. ജെ. പി.  ദേശീയ നിര്‍വാഹക സമിതി അംഗത്വം മുതിര്‍ന്ന ബി. ജെ. പി.  നേതാവ് സഞ്ജയ് ജോഷി രാജിവച്ചു. നിര്‍വാഹക സമിതി യോഗം മുംബൈയില്‍ ചേരാനിരിക്കേയാണ്  നാടകീയ രംഗങ്ങള് അരങ്ങേറിയത്‍. ഗുജറാത്ത് മുഖ്യമന്ത്രി നരേന്ദ്ര മോഡിയുമായുള്ള അഭിപ്രായ ഭിന്നതകളെത്തുടര്‍ന്നാണ് രാജി. സഞ്ജയ് ജോഷിയുണ്ടെങ്കില്‍ നിര്‍ണായക നിര്‍വാഹകസമിതി യോഗത്തില്‍ നിന്നു വിട്ടുനില്‍ക്കുമെന്ന് മോഡി നേരത്തെ അറിയിച്ചിരുന്നു. ഉത്തര്‍പ്രദേശ് തെരഞ്ഞെടുപ്പ് പ്രചാരണത്തോടനുബന്ധിച്ചാണ് സഞ്ജയ്- മോഡി അഭിപ്രായ ഭിന്നത മറനീക്കിയത് പുറത്ത് വന്നത്. രാജി കത്ത് ബി. ജെ. പി. പ്രസിഡന്റ് നിതിന്‍ ഗഡ്കരിയ്ക്കു അയച്ചതായി ജോഷി അറിയിച്ചു.