 |
 |
 |
 |
 |
 |
 |
 |
 |
 |
 |
 |
 |
 |
ചെന്നൈ: മുഖ്യമന്ത്രി ജയലളിതയും ഡി. എം. ഡി. കെ നേതാവ് വിജയകാന്തും തമ്മില് നിയമസഭയില് രൂക്ഷമായ തര്ക്കത്തില് ഏര്പ്പെട്ടു. ഇതിനെ തുടര്ന്ന് വിജയകാന്തും മറ്റ് ഡിഎംഡികെ അംഗങ്ങളും സഭയില് നിന്ന് ഇറങ്ങിപ്പോയി. ബുധനാഴ്ചയാണ് നാടകീയ സംഭവങ്ങള് നടന്നത്. ഡി. എം. ഡി. കെ ഇല്ലെങ്കിലും എ. ഐ. എ. ഡി. എം. കെ വിജയിക്കുമായിരുന്നെന്നും കഴിഞ്ഞ നിയമസഭാ തെരഞ്ഞെടുപ്പില് വിജയകാന്തുമായി കൂട്ടുകൂടേണ്ടിവന്നതില് ഖേദമുണ്ടെന്നും ജയലളിത പറഞ്ഞു.
- ഫൈസല് ബാവ
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
അഹമ്മദാബാദ്: 2002-ലെ ഗുജറാത്ത് കലാപത്തെ പറ്റി അന്വേഷിക്കുന്ന നാനാവതി കമ്മീഷനു മുമ്പാകെ മുഖ്യമന്ത്രി നരേന്ദ്ര മോഡി ഹാജരാകേണ്ടതില്ലെന്ന് ഹൈക്കോടതി. മോഡിയെ കമ്മീഷനു മുമ്പില് വിളിച്ചു വരുത്തി വിസ്തരിക്കണമെന്ന് ആവശ്യപ്പെട്ട് സമര്പ്പിച്ച ഹര്ജി തള്ളിക്കൊണ്ടാണ് കോടതി ഉത്തരവിട്ടത്. മോഡിയടക്കം ആറു പേരെ നേരിട്ട് വിളിപ്പിച്ച് വിസ്തരിക്കണമെന്നായിരുന്നു ഹൈക്കോടതിയില് ഹര്ജി സമര്പ്പിച്ച ജനസംഘര്ഷ് മഞ്ച് എന്ന എന്.ജി.ഓ സംഘടന ആവശ്യപ്പെട്ടത്. ഹൈക്കോടതി വിധിക്കെതിരെ സുപ്രീം കോടതിയെ സമീപിക്കുവാനാണ് ഉദ്ദേശിക്കുന്നതെന്ന് സംഘടനയുടെ ഭാരവാഹികള് വ്യക്തമാക്കി. ഈ സംഘടനയുടെ ആവശ്യം തള്ളിയ ഹൈക്കോടതി വിധിയെ ബി.ജെ.പി സ്വാഗതം ചെയ്തു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയ നേതാക്കള്, കുറ്റകൃത്യം, കോടതി, തീവ്രവാദം
കൊല്ക്കത്ത: ബംഗാളില് സര്ക്കാര് ജീവനക്കാരുടെ സംഘടനാ സ്വാതന്ത്ര്യത്തിനു വിലക്കേര്പ്പെടുത്തി. സമരം ചെയ്യുവാന് ഉള്ള അവകാശവും എടുത്തു കളയും. രാഷ്ടീയാടിസ്ഥാനത്തില് തൊഴിലാളി യൂണിയന് പ്രവര്ത്തനങ്ങള്ക്ക് കടിഞ്ഞാണിടാനാണ് ബംഗാള് സര്ക്കാര് നീക്കം. സര്ക്കാരിന്റെ നടപടിക്കെതിരെ ജീവനക്കാര്ക്കിടയില് നിന്നും വിവിധ രാഷ്ടീയ കക്ഷികളില് നിന്നും ശക്തമായ എതിര്പ്പ് ഇതിനോടകം വന്നു കഴിഞ്ഞു. സര്ക്കാര് നടപടി ഏകാധിപത്യപരമെന്നാണ് സി. പി. ഐ ജനറല് സെക്രട്ടറി എ. ബി. ബര്ദന് പറഞ്ഞത്. തീരുമാനത്തെ ജനാധിപത്യ വിരുദ്ധമെന്നാണ് ഐന്. എന്. ടി. യു. സി ബംഗാള് പ്രസിഡണ്ട് ആര്. ചന്ദ്രശേഖരന് വിശേഷിപ്പിച്ചത്. ഫോര്വേഡ് ബ്ലോക്ക്, ആര്. എസ്. പി തുടങ്ങി പല സംഘടനകളും ശക്തമായ വിയോജിപ്പ് പ്രകടിപ്പിച്ചു കഴിഞ്ഞു. ഇടതു പക്ഷ സംഘടനകള്ക്കാണ് ബംഗാളിലെ സര്ക്കാര് ജീവനക്കാര്ക്കിടയില് മുന്തൂക്കം.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, വിവാദം
സിഡ്നി: ഇന്ത്യന് ക്രിക്കറ്റ് നായക സ്ഥാനത്ത് നിന്നും മാറാന് തനിക്ക് ഒരു മടിയും ഇല്ലെന്ന് ക്യാപ്റ്റന് മഹീന്ദ്ര സിംഗ് ധോണി അറിയിച്ചു. തന്നെക്കാള് മികച്ച ഒരാള് ഉയര്ന്നു വന്നാല് അതാരായാലും അവര്ക്ക് ഇന്ത്യന് ടീമിന്റെ നായകസ്ഥാനം ഏല്പ്പിക്കാമെന്ന് ധോണി പറഞ്ഞു. ടെസ്റ്റ് ക്രിക്കറ്റ് തന്നെയാണ് യഥാര്ഥ ക്രിക്കറ്റ്. എന്നാല് അതുകൊണ്ടു മറ്റു ഫോര്മാറ്റുകളെ തള്ളിക്കളയാനാകരുത്. ഓരോ ഫോര്മാറ്റിനും അതിന്റേതായ വെല്ലുവിളികള് ഉണ്ട്. എല്ലാറ്റിനും അതിന്റേതായ രസവുമുണ്ട്. അതുകൊണ്ട് മൂന്ന് ഫോര്മാറ്റിലും ഞാന് തുടര്ന്നും കളിക്കും-ധോനി പറഞ്ഞു. അടുത്ത ലോകകപ്പില് ഇന്ത്യയെ നയിക്കുകയാണെങ്കില് ടെസ്റ്റ് ക്രിക്കറ്റില് നിന്ന് ഒഴിഞ്ഞേക്കുമെന്ന തന്റെ പ്രസ്താവനയെ കുറിച്ചുള്ള ചോദ്യത്തിന് മറുപടിയായാണ് ധോണി ഇക്കാര്യം പറഞ്ഞത്.
- ന്യൂസ് ഡെസ്ക്
വായിക്കുക: ഇന്ത്യ, കായികം, ക്രിക്കറ്റ്
ന്യൂഡല്ഹി: വിവാദമായ നീര റാഡിയ ടേപ്പുകളില് കൃത്രിമം നടന്നുവെന്ന് കേന്ദ്രസര്ക്കാര്. ടേപ്പുകള് മാധ്യമങ്ങള്ക്ക് ചോര്ന്ന് കിട്ടിയതില് സര്ക്കാരിന് പങ്കില്ലെന്നും, എന്നാല് മാധ്യമങ്ങള് പുറത്തുവിട്ട നീര റാഡിയയുടെ സംഭാഷണം അടങ്ങിയ ടേപ്പുകളില് കൃത്രിമം നടന്നതെന്ന് കേന്ദ്രസര്ക്കാര് മുദ്രവച്ച കവറില് സമര്പ്പിച്ച റിപ്പോര്ട്ടില് സുപ്രീം കോടതിയെ അറിയിച്ചു. ജസ്റ്റിസ് ജി. എസ്. സിംഗ് അധ്യക്ഷനായ ബഞ്ചിലാണ് കേന്ദ്രസര്ക്കാര് റിപ്പോര്ട്ട് സമര്പ്പിച്ചത്.
- ന്യൂസ് ഡെസ്ക്
വായിക്കുക: ഇന്ത്യ, തട്ടിപ്പ്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
