 |
 |
 |
 |
 |
 |
 |
 |
 |
 |
 |
 |
 |
 |
ന്യൂദല്ഹി: എന്തൊക്കെ എതിര്പ്പുകള് ഉണ്ടായാലും കൂടംകുളം ആണവനിലയത്തിന്്റെ പ്രവര്ത്തനം ഉടന് ആരംഭിക്കുമെന്ന് കേന്ദ്ര ആഭ്യന്ത മന്ത്രി ചിദംബരം പറഞ്ഞു. ആണവനിലയത്തിനെതിരായ സമരക്കാര്ക്ക് ഫണ്ട് ലഭിക്കുന്നതിനെ കുറിച്ച് അന്വേഷിക്കാന് കേന്ദ്രം തീരുമാനിച്ചതായും, പദ്ധതി ജനവിരുദ്ധമാണെന്ന പ്രചരണം തെറ്റാണെന്നും ചിദംബരം തിരുനെല്വേലിയില് പറഞ്ഞു. പദ്ധതിയെ കുറിച്ച് പ്രദേശവാസികളുടെ ആശങ്ക അകറ്റാന് പരിപാടികള് ആസൂത്രണം ചെയ്യുമെന്ന തമിഴ്നാട് മുഖ്യമന്ത്രി ജയലളിതയുടെ പ്രസ്താവനയെ ചിദംബരം സ്വാഗതം ചെയ്തു
- ന്യൂസ് ഡെസ്ക്
ന്യൂഡല്ഹി: ഇന്ത്യന് ക്രിക്കറ്റില് തിളങ്ങി നില്ക്കുന്ന സമയത്ത് അര്ബുദ ബാധ കണ്ടെത്തിയതിനെ തുടര്ന്ന് അമേരിക്ക ബോസ്റ്റണിലെ കാന്സര് റിസര്ച്ച് ഇന്സ്റ്റിറ്റിയൂട്ടില് ചികിത്സ തേടിയ യുവരാജ് സിങ്ങിനെ കീമോതെറാപ്പിക്ക് വിധേയനാക്കി. രോഗബാധ ആദ്യഘട്ടത്തില്തന്നെ കണ്ടെത്തിയതിനാല് പൂര്ണ്ണമായും ചികിത്സിച്ച് ഭേദമാക്കാന് കഴിയുമെന്നും മെയ് മുതല് അദ്ദേഹത്തിന് ക്രിക്കറ്റ് കളി തുടരാന് കഴിയുമെന്ന് വാര്ത്താ ഏജന്സി റിപ്പോര്ട്ടു ചെയ്തു. ജനുവരി 26 നാണ് യുവരാജ് ചികിത്സയ്ക്കായി അമേരിക്കയിലേക്ക് പോയത്. ഇപ്പോള് ഭയപ്പെടുവാന് ഒന്നുമില്ലെന്നും അദ്ദേഹം പൂര്ണ്ണ ആരോഗ്യവാനാണെന്നും ഡോക്ടര്മാര് അറിയിച്ചു.
- ന്യൂസ് ഡെസ്ക്
വായിക്കുക: ആരോഗ്യം, ക്രിക്കറ്റ്
ബാംഗ്ലൂര് : അതിര്ത്തിയില് കൂടുതല് കാര്യക്ഷമമായി നിരീക്ഷണം നടത്തുവാനായി ഇന്ത്യന് വ്യോമസേന കൂടുതല് പൈലറ്റ് രഹിത വിമാനങ്ങള് കൂടി വാങ്ങും. അതിര്ത്തിയില് ഇത്തരം വിമാനങ്ങള്ക്ക് ചില സവിശേഷമായ ലക്ഷ്യങ്ങള് കൈവരിക്കാന് കഴിയും എന്നും അതിനാല് ഇത്തരം വിമാനങ്ങള് കൂടുതലായു ഉപയോഗിക്കണം എന്നുമാണ് തങ്ങളുടെ തീരുമാനം എന്ന് എയര് മാര്ഷല് ധീരജ് കുക്രേജ അറിയിച്ചു.
പൈലറ്റ് ഇല്ലാതെയല്ല ഈ വിമാനങ്ങള് പറക്കുന്നത് എന്നും ദൂരെയുള്ള നിയന്ത്രണ കേന്ദ്രത്തില് നിന്നും ഒരു പൈലറ്റ് തന്നെയാണ് ഇത്തരം വിമാനങ്ങളെ നിയന്ത്രിക്കുന്നത് എന്നും അതിനാല് ഇത്തരം ഡ്രോണുകളെ പൈലറ്റ് രഹിത വിമാനങ്ങള് എന്ന് വിളിക്കുന്നത് ശരിയല്ല എന്നും അദ്ദേഹം കൂട്ടിച്ചേര്ത്തു.
- ജെ.എസ്.
ന്യൂഡല്ഹി : 2 ജി സ്പെക്ട്രം അഴിമതി കേസില് കേന്ദ്ര ആഭ്യന്തര മന്ത്രി പി. ചിദംബരത്തെ പ്രതിയാക്കണം എന്ന് ആവശ്യപ്പെട്ട് ജനതാ പാര്ട്ടി അദ്ധ്യക്ഷന് സുബ്രമണ്യന് സ്വാമി നല്കിയ ഹരജി സി. ബി. ഐ. പ്രത്യേക കോടതി തള്ളി. ചിദംബരത്തെ ഒഴിവാക്കി കൊണ്ട് മുന് ടെലികോം മന്ത്രി എ. രാജയ്ക്ക് എതിരെ സ്വാമി മുന്നോട്ട് വെച്ച ആരോപണങ്ങളില് മാര്ച്ച് 17 ന് വാദം കേള്ക്കല് തുടരും എന്ന് കോടതി അറിയിച്ചു.
സ്പെക്ട്രം വില നിര്ണ്ണയത്തില് രാജയോടൊപ്പം ചിദംബരത്തിനും പങ്കുണ്ടെന്നും അതിനാല് ചിദംബരത്തെ കേസില് പ്രതി ചേര്ക്കണം എന്നും സ്വാമി കോടതിയെ ബോധിപ്പിച്ചിരുന്നു.
തങ്ങള് കോടതിക്ക് മുന്പില് സമര്പ്പിച്ച തെളിവുകള് ചിദംബരത്തിനെതിരെ പ്രഥമ ദൃഷ്ട്യാ കേസെടുക്കാന് മതിയായതാണ് എന്നും ഇനി തങ്ങള് ഈ കാര്യത്തിന് ഹൈക്കോടതിയെ സമീപിക്കും എന്നും സ്വാമിയുടെ അഭിഭാഷകന് അറിയിച്ചു.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, കോടതി
ന്യൂദല്ഹി: വിവാദമായ ടുജി സ്പെക്ട്രം കേസില് കേന്ദ്ര ആഭ്യന്തര മന്ത്രി പി.ചിദംബരത്തിനെതിരെ സി.ബി.ഐ അന്വേഷണം വേണമെന്ന ഹരജിയില് സുപ്രീംകോടതി വ്യാഴാഴ്ച വിധി പറയും. ജനതാപാര്ട്ടി നേതാവ് സുബ്രഹ്മണ്യന് സ്വാമി, പ്രമുഖ അഭിഭാഷകനും ഹസാരെ സംഘാംഗവുമായ പ്രശാന്ത് ഭൂഷന് തുടങ്ങിവരാണ് ഹരജി നല്കിയത്. വിധി ചിദംബരത്തിന് എതിരായാല് മന്ത്രിസ്ഥാനം ഒഴിയേണ്ടിവരും. ചിദംബരത്തിന് കേസില് വ്യക്തമായ പങ്കുണ്ടെന്ന് തെളിയിക്കുന്ന രേഖകള് നേരത്തെ സുബ്രഹ്മണ്യന് സ്വാമി പുറത്തു വിട്ടിരുന്നു. മുന് ടെലികോം മന്ത്രിയും കേസില് പ്രതിയുമായ എ.രാജ നല്കിയ ലൈസന്സ് റദ്ദാക്കണമെന്ന ഹരജിയിലും സുപ്രീംകോടതി വിധി പറയും. എ.കെ. ഗാംഗുലി, ജി.കെ സംഗ്വി എന്നിരടങ്ങിയ ബെഞ്ചാണ് നാളെ വിധി പറയുക.
- ന്യൂസ് ഡെസ്ക്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
