ഡല്ഹിയില് കെട്ടിടം തകര്ന്ന് മരിച്ചവരുടെ എണ്ണം ഏഴായി. ഡല്ഹി ജുമാ മസ്ജിദിനു സമീപം ചാന്ദ്നി മഹലിലാണ് മൂന്നുനില കെട്ടിടം തകര്ന്നുവീണത്. മരിച്ചവരില് നാലു സ്ത്രീകളും ഉള്പ്പെടുന്നു. മുപ്പത്തിലേറെ പേര്ക്ക് പരുക്കേറ്റു. ഇതില് അഞ്ചുപേരുടെ നില ഗുരുതരമാണ്. കെട്ടിടാവശിഷ്ടങ്ങള്ക്കടിയില് കൂടുതല്പേര് കുടുങ്ങി കിടക്കുന്നുണ്ട്. ഇന്നലെ രാത്രി എട്ടുമണിയോടെ ചാന്ദിനി മഹല് മേഖലയിലാണ് 70 വര്ഷം പഴക്കമുള്ള കെട്ടിടം തകര്ന്നുവീണത്. കെട്ടിടത്തിന് സമീപത്തെ വഴിയോര കച്ചവടക്കാരും അപകടത്തില്പ്പെട്ടു.
നാട്ടുകാരും അഗ്നിശമനസേനയും രക്ഷാപ്രവര്ത്തനത്തിന് നേതൃത്വം നല്കി. ഡല്ഹി മുനിസിപ്പല് കോര്പറേഷന് സംഭവത്തില് അന്വേഷണം പ്രഖ്യാപിച്ചു.
