 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി: സുല്ത്താന്പൂരില് നിന്നു അജ്മീറിലെ തീര്ഥാടന കേന്ദ്രത്തിലേയ്ക്കു പോയ ബസ്സും ചരക്കു ലോറിയും ഉത്തര്പ്രദേശിലെ ബറിയാക്കില് വെച്ച് കൂട്ടിയിടിച്ച് ഇരുപത്തഞ്ചോളം പേര് മരിച്ചതായി റിപ്പോര്ട്ട്. ഇടിയുടെ ആഘാതത്തില് ബസിനു തീപിടിച്ചതാണ് മരണ സംഖ്യ കൂട്ടാന് കാരണം മരിച്ചവരില് അധികവും അജ്മീറിലേക്ക് തീര്ഥാടനത്തിന് പോയവരാണ്. അപകടസമയത്ത് ബസില് അറുപതിലധികം യാത്രക്കാര് ഉണ്ടായിരുന്നുവെന്നാണ് റിപ്പോര്ട്ട്. സംഭവത്തില് പരിക്കേറ്റ നിരവധി പേരെ വിവിധ ആശുപത്രികളില് പ്രവേശിപ്പിച്ചിരിക്കുകയാണ്.
- ന്യൂസ് ഡെസ്ക്
റാഞ്ചി: റാഞ്ചിയിലെ ബിര്സ മുണ്ട വിമാനത്താവളത്തില് കോപ്റ്റര് തകര്ന്നു വീണ് ജാര്ഖണ്ഡ് മുഖ്യമന്ത്രി അര്ജുന് മുണ്ടക്ക് പരിക്കേറ്റു. പരിക്കേറ്റ മുണ്ടയെ അപ്പോളോ ആശുപത്രിയിലേക്ക് മാറ്റി. അടിയന്തര ലാന്ഡിംഗ് നടത്താനുള്ള ശ്രമത്തിനിടെയാണ് കോപ്റ്റര് തകര്ന്നു വീണത്. 30 അടി മുകളില് നിന്നും താഴേക്ക് തകര്ന്നു വീഴുകയായിരുന്നു. സാങ്കേതിക പിഴവാണ് തകര്ച്ചക്ക് കാരണം.
- ന്യൂസ് ഡെസ്ക്
വായിക്കുക: അപകടം, ഇന്ത്യന് രാഷ്ട്രീയ നേതാക്കള്, വിമാനം
ഇന്ഡോര്: മധ്യപ്രദേശ് ഇന്ഡോറിലെ മഹേശ്വറിന് സമീപം നര്മ്മദ നദിയില് ബോട്ട് മുങ്ങി രണ്ട് മലയാളികള് അടക്കം ആറു പേര് മരിച്ചു. മരിച്ച മറ്റ് നാലു പേര് എസ്. ബി. ഐ. അഹമ്മദാബാദ് സര്ക്കിളില് നിന്നുള്ള ഉദ്യോഗസ്ഥരാണ്. റാന്നി സ്വദേശിയും തിരുവനന്തപുരം കേശവദാസപുരം എസ്. ബി. ഐ. ശാഖയിലെ ഉദ്യോഗസ്ഥനുമായ സൌരവ് മോഹന് , നോര്ത്ത് പറവൂര് സ്വദേശി പ്രേം കിരണ് എന്നിവരാണ് മരിച്ച മലയാളികള്. പരിശീലന പരിപാടിക്കിടെ വിനോദ യാത്രയ്ക്കായി എത്തിയ ബാങ്ക് ഉദ്യോഗസ്ഥരാണ് അപകടത്തില്പ്പെട്ടത്. തിങ്കളാഴ്ച രാവിലെ 7.25 ഓടെയായിരുന്നു അപകടം.
- ന്യൂസ് ഡെസ്ക്
മുംബൈ: ഷാരൂഖ് ഖാന് നയകനായി അഭിനയിച്ച രാവണ് എന്ന ഹിന്ദി ചിത്രത്തിന്റെ അനിമേഷന് പ്രവര്ത്തനങ്ങള്ക്ക് മുഖ്യ ചുമതല വഹിച്ച ചാരു കണ്ഡലിന് വാഹനാപകടത്തില് ഗുരുതരമായി പരിക്കേറ്റു. 28 കാരിയായ ചാരു ഒരു പാര്ട്ടിയില് പങ്കെറ്റുത്ത് ഓട്ടോയില് മടങ്ങുമ്പോള് ആയിരുന്നു അപകടം. ചാരുവും സഹോദരിയും സുഹൃത്ത് വിക്രാന്തും സഞ്ചരിച്ചിരുന്ന ഓട്ടോയില് അമിത വേഗത്തില് വന്ന ഒരു കാര് ഇടിക്കുകയായിരുന്നു. ഇടിയുടെ ആഘാതത്തില് ഗുരുതരമായി പരിക്കേറ്റ ചാരു ഇനിയും അപകടാവസ്ഥ തരണം ചെയ്തിട്ടില്ല. ഞായറാഴ്ച പുലര്ച്ചെ ഓഷിവാരയിലെ ശ്രീജി റെസ്റ്റോറന്റിന് അടുത്തു വച്ചായിരുന്നു അപകടം.
- എസ്. കുമാര്
തിരുപ്പതി: പ്രശസ്ത ചലച്ചിത്ര പിന്നണി ഗായിക എസ്. ജാനകിയ്ക്ക് കുളിമുറിയില് തെന്നിവീണ് തലയ്ക്ക് ഗുരുതരമായി പരിക്കേറ്റതിനെ തുടര്ന്ന് ആശുപത്രിയില് പ്രവേശിപ്പിച്ചു. വീഴ്ചയില് തലയ്ക്കുള്ളില് രക്തം കട്ടപിടിച്ചിരിക്കുന്നതായി കണ്ടെത്തിയതിനെ തുടര്ന്ന് അവരെ തീവ്രപരിചണ വിഭാഗത്തിലേയ്ക്ക് മാറ്റി. തിരുപ്പതി ക്ഷേത്രത്തില് തിങ്കളാഴ്ച നടന്ന സംഗീതാര്ച്ചനയ്ക്ക് ശേഷം ഹോട്ടലില് വിശ്രമിക്കുകയായിരുന്ന എസ്. ജാനകി ചൊവ്വാഴ്ച രാവിലെയാണ് കുളിമുറിയില് തെന്നിവീണത്. തിരുപ്പതി ശ്രീവെങ്കിടേശ്വര ആസ്പത്രിയിലെ തീവ്ര പരിചരണ വിഭാഗത്തില് ചികില്സയില് കഴിയുകയുന്ന അവര് ഗുരുതരാവസ്ഥ തരണം ചെയ്തിട്ടില്ലെന്ന് ഡോക്ടര്മാര് അറിയിച്ചു.
- ന്യൂസ് ഡെസ്ക്
വായിക്കുക: അപകടം, സാംസ്കാരികം, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
