 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി : രാജ്യത്തെ ഏറ്റവും ഉയര്ന്ന പരമോന്നത സിവിലിയന് ബഹുമതിയായ ഭാരത രത്ന ഈ വര്ഷം അഞ്ചു പേർക്ക്. ഇന്ത്യയിലെ ഹരിത വിപ്ലവത്തിന്റെ പിതാവ് എന്നറിയപ്പെടുന്ന എം. എസ്. സ്വാമിനാഥന്, മുന് പ്രധാന മന്ത്രിമാരായ ചൗധരി ചരണ് സിംഗ്, പി. വി. നര സിംഹ റാവു, ബി. ജെ. പി. നേതാവ് എല്. കെ. അദ്വാനി, ബിഹാർ മുഖ്യ മന്ത്രിയായിരുന്ന കർപ്പുരി താക്കൂർ എന്നിവർക്കാണ് ഈ വർഷത്തെ ഭാരത് രത്നം പ്രഖ്യാപിച്ചത്. WiKi
- pma
വായിക്കുക: അന്താരാഷ്ട്രം, ഇന്ത്യ, ഇന്ത്യന് രാഷ്ട്രീയം, ബഹുമതി, സാങ്കേതികം
ന്യൂഡല്ഹി : ലോക് സഭയിലും നിയമ സഭകളിലും വനിതകൾക്ക് മൂന്നില് ഒന്ന് (33% സീറ്റ്) സംവരണം നൽകുന്നതിനുള്ള വനിതാ സംവരണ ബിൽ ലോക് സഭയില് പാസ്സായി. പാർലിമെന്റിന്റെ പ്രത്യേക സമ്മേളനത്തിന്റെ മൂന്നാം ദിവസം ബില്ല് സ്ലിപ്പ് വോട്ടിന്ന് ഇട്ടപ്പോൾ അനുകൂലിച്ച് കൊണ്ട് 454 വോട്ടും എതിർത്ത് കൊണ്ട് 2 വോട്ടും ലഭിച്ചു.
നിലവിൽ പട്ടിക വിഭാഗത്തിനു വേണ്ടി സംവരണം ചെയ്തിട്ടുള്ളതിൽ മൂന്നിലൊന്ന് സീറ്റ് ആ വിഭാഗത്തിലെ വനിതകൾക്കായി നീക്കി വെക്കുവാനും വ്യവസ്ഥ നല്കി ക്കൊണ്ടുള്ളതാണ് കേന്ദ്ര നിയമ വകുപ്പു മന്ത്രി അർജുൻ റാം മേഘ്വാൾ അവതരിപ്പിച്ച നാരി ശക്തി വന്ദൻ ബില്ലില് പറയുന്നത്.
പട്ടിക വിഭാഗങ്ങള്ക്ക് ഉപ സംവരണവും ഉണ്ടാകും എന്ന് ബില്ലിൽ പറയുന്നു. എന്നാൽ, ഒ. ബി. സി. വിഭാഗത്തിന്റെ സംവരണത്തെ ക്കുറിച്ച് ബില്ലില് പരാമര്ശം ഒന്നും ഇല്ല.
ഭേദഗതി നടപ്പിലായി 15 വർഷത്തേക്കാണ് സംവരണം. എന്നാൽ, ഈ കാലാവധി നീട്ടാനും ബില്ലിൽ വ്യവസ്ഥ യുണ്ട്. ബിൽ ഇനി രാജ്യസഭ യിൽ അവതരിപ്പിച്ച് അവിടെ നിന്ന് പാസ്സായ ശേഷം രാഷ്ട്ര പതിയുടെ അംഗീകാരത്തിന് അയക്കും.
അംഗീകാരം ലഭിച്ചാല് ഇത് നിയമം ആവുകയും ചെയ്യും. മൂന്നില് ഒന്ന് വനിതാ സംവരണം നടപ്പാക്കുന്ന തോടെ ലോക് സഭയില് വനിതാ എം. പി. മാരുടെ എണ്ണം 181 ആയി ഉയരും.Women Reservation Bill 2023
- pma
വായിക്കുക: election-2024, അന്താരാഷ്ട്രം, ഇന്ത്യ, കേരളം, നിയമം, ബഹുമതി, മനുഷ്യാവകാശം, രാജ്യരക്ഷ, സാങ്കേതികം, സ്ത്രീ, സ്ത്രീ വിമോചനം
ബെംഗളൂരു : ചന്ദ്രന്റെ ദക്ഷിണ ധ്രുവത്തില് ഇന്ത്യയുടെ ചന്ദ്രയാന്-3 സോഫ്റ്റ് ലാന്ഡ് ചെയ്തു. 23 – 08 – 23 ചൊവ്വാഴ്ച ഇന്ത്യന് സമയം വൈകുന്നേരം 6.04 നു ചാന്ദ്രയാന് ഇറങ്ങിയതോടെ ദക്ഷിണ ധ്രുവത്തില് സോഫ്റ്റ് ലാന്ഡിംഗ് നടത്തുന്ന ആദ്യ രാജ്യം എന്ന ബഹുമതി ഭാരതം കരസ്ഥമാക്കി.
അമേരിക്ക, റഷ്യ, ചൈന എന്നീ രാജ്യങ്ങള്ക്ക് പിറകെ ചന്ദ്രനില് സോഫ്റ്റ് ലാന്ഡിംഗ് നടത്തുന്ന നാലാമത്തെ രാജ്യം എന്ന റിക്കാര്ഡും ഇന്ത്യക്ക് സ്വന്തമായി. ചന്ദ്രനില് ഇറങ്ങുമ്പോൾ ചാന്ദ്രയാന് പകര്ത്തിയ ചിത്രങ്ങളും ഐ. എസ്. ആര്. ഓ. പുറത്തു വിട്ടിട്ടുണ്ട്.
#Chandrayaan3: The #pragyan rover starts its 14-day journey on the #Moon's surface, crawling at 1 cm/s speed.
Note: 1 day on the moon is equal to 14 days on the Earth🌙➡️🌎
📍Moon South Pole Temperature:
– 238°C pic.twitter.com/JzuTylTlQZ— Indian Aerospace Defence News – IADN (@NewsIADN) August 23, 2023
ചന്ദ്രനില് ഇറങ്ങിയ ശേഷം പേടകവും ബെംഗളുരു വിലെ മിഷന് ഓപ്പറേഷന്സ് കോംപ്ലക്സും തമ്മിലുള്ള ആശയ വിനിമയം സ്ഥാപിച്ച ശേഷമാണ് ഈ ചിത്രങ്ങള് ഭൂമിയില് എത്തിയത്. Twitter
- pma
വായിക്കുക: isro, അന്താരാഷ്ട്രം, ഇന്ത്യ, ബഹുമതി, ശാസ്ത്രം, സാങ്കേതികം
ന്യൂഡൽഹി : ഇക്കഴിഞ്ഞ ഏപ്രില് മാസത്തില് ബി. ജെ. പി. യുടെ അംഗത്വം എടുത്ത അനില് ആന്റണി ബി. ജെ. പി. യുടെ ദേശീയ സെക്രട്ടറി. 13 ദേശീയ സെക്രട്ടറി മാരില് ഒരാളാണ് അനില്. ബി. ജെ. പി. ദേശീയ അദ്ധ്യക്ഷൻ ജെ. പി. നദ്ദയാണ് ഭാരവാഹി പട്ടിക പ്രഖ്യാപിച്ചത്.
ഗുജറാത്ത് വംശഹത്യയിൽ പ്രധാനമന്ത്രി നരേന്ദ്ര മോഡിയുടെ പങ്ക് തുറന്നു കാട്ടിയ ബി. ബി. സി. ഡോക്യു മെന്ററിക്ക് എതിരായുള്ള കോൺഗ്രസ്സ് നിലപാടിൽ പ്രതിഷേധിച്ചു കൊണ്ടാണ് എ. ഐ. സി. സി. സോഷ്യൽ മീഡിയ കോഡിനേറ്ററും കെ. പി. സി. സി. ഡിജിറ്റൽ മീഡിയ കൺവീനറും ആയിരുന്ന അനിൽ ആന്റണി ബി. ജെ. പി. യിൽ ചേർന്നത്. മുതിർന്ന കോൺഗ്രസ്സ് നേതാവ് എ. കെ. ആന്റണിയുടെ മകനാണ് അനിൽ ആന്റണി.
ദേശീയ മുസ്ലീം എന്ന് അവകാശപ്പെട്ട് ബി. ജെ. പി. യിൽ ചേർന്ന എ. പി. അബ്ദുള്ളക്കുട്ടിക്കു ലഭിച്ച ദേശീയ ഉപാദ്ധ്യക്ഷന് പദവിയില് അദ്ദേഹം തുടരും. Twitter
- pma
വായിക്കുക: bjp, ഇന്ത്യന് രാഷ്ട്രീയം, കേരളം, കേരള രാഷ്ട്രീയം, ബഹുമതി
ന്യൂഡല്ഹി : മുതിര്ന്ന അഭിഭാഷന് മലയാളിയായ കെ. വി. വിശ്വനാഥന്, ആന്ധ്രാ പ്രദേശ് ഹൈക്കോടതി ചീഫ് ജസ്റ്റിസ് പ്രശാന്ത് കുമാര് മിശ്ര എന്നിവര് സുപ്രീം കോടതി ജഡ്ജിമാര് ആയി സത്യ പ്രതിജ്ഞ ചെയ്തു. ചീഫ് ജസ്റ്റിസ് ഡി. വൈ. ചന്ദ്രചൂഡ് സത്യവാചകം ചൊല്ലി ക്കൊടുത്തു.
അഭിഭാഷകരുടെ നിയമനത്തിന് കേന്ദ്ര സര്ക്കാര് അനുമതി നല്കിയതിനെ തുടർന്ന് കൊളീജിയം ശുപാര്ശ ചെയ്ത ഇവരെ കേന്ദ്ര സര്ക്കാര് കഴിഞ്ഞ ദിവസമാണ് സുപ്രീം കോടതി ജഡ്ജിമാരായി നിയമിച്ചത്.
Justice Prashant Kumar Mishra, KV Viswanathan sworn in as Supreme Court judges; top court at full strength of 34https://t.co/JltKMnytlt
— Bar & Bench (@barandbench) May 19, 2023
സുപ്രീം കോടതിയില് 34 ജഡ്ജിമാരുടെ അംഗീകൃത അംഗബലം ഉണ്ട് എന്നും നിലവില് 32 ജഡ്ജിമാർ പ്രവര്ത്തിക്കുന്നു എന്നും അഞ്ചംഗ കൊളീജിയം വ്യക്തമാക്കി. സുപ്രീം കോടതി ജഡ്ജിമാരായ ദിനേഷ് മഹേശ്വരിയും എം. ആര്. ഷായും അടുത്തിടെ വിരമിച്ചിരുന്നു. ഇവരുടെ ഒഴിവിലേക്കാണ് ചീഫ് ജസ്റ്റിസ് ഡി. വൈ. ചന്ദ്ര ചൂഡ് അദ്ധ്യക്ഷനായ അഞ്ചംഗ സുപ്രീം കോടതി കൊളീജിയം രണ്ടു പേരെയും ശുപാര്ശ ചെയ്തത്.
പാലക്കാട് ജില്ലയിലെ കല്പ്പാത്തി സ്വദേശിയായ കെ. വി. വിശ്വനാഥന് 35 വര്ഷമായി സുപ്രീം കോടതിയില് പ്രാക്ടീസ് ചെയ്യുന്നു. നിലവിലെ ജസ്റ്റിസ് ജെ. ബി. പര്ദി വാല, 2030 ആഗസ്റ്റ് 11 ന് വിരമിക്കുന്നതോടെ കെ. വി. വിശ്വ നാഥന് ഇന്ത്യയുടെ ചീഫ് ജസ്റ്റിസ്സ് പദവിയിൽ എത്തും. 2031 മേയ് 25 ന് അദ്ദേഹം വിരമിക്കും വരെ 9 മാസം ആ സ്ഥാനത്ത് തുടരും എന്നാണ് റിപ്പോര്ട്ടുകള്.
- pma
വായിക്കുക: അന്താരാഷ്ട്രം, ഇന്ത്യ, കേരളം, കോടതി, നിയമം, ബഹുമതി, സാങ്കേതികം, സുപ്രീംകോടതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
