ന്യൂഡല്‍ഹി : സോണിയാ ഗാന്ധി കോണ്‍ഗ്രസ്സ് അദ്ധ്യക്ഷ സ്ഥാനത്തു നിന്നും പടിയിറങ്ങിയേക്കുമെന്ന് റിപ്പോര്‍ട്ടുകള്‍. അടുത്ത തെരെഞ്ഞേടുപ്പു നടക്കുന്ന ഒക്ടോബര്‍ 15 വരെയേ അദ്ധ്യക്ഷ സ്ഥാനത്തു തുടരുകയുള്ളൂ. നിലവിലെ ഉപാദ്ധ്യക്ഷനായ രാഹുല്‍ ഗാന്ധി അദ്ധ്യക്ഷ സ്ഥാനം ഏറ്റെടുക്കുന്ന കാര്യത്തില്‍ ഇതുവരെ തീരുമാനമായിട്ടില്ലെന്ന് പ്രവര്‍ത്തക സമിതി അറിയിച്ചു.
തെരെഞ്ഞെടുപ്പ് ഉണ്ടാകുമെന്നും രാഹുല്‍ ഗാന്ധിയെ അദ്ധ്യക്ഷനാക്കുന്ന കാര്യം പ്രത്യേകമായി ചര്‍ച്ച ചെയ്യില്ലെന്നും മുതിര്‍ന്ന കോണ്‍ഗ്രസ്സ് നേതാവായ ഗുലാം അലി ആസാദ് വ്യക്തമാക്കി.
