ചെന്നൈ: തമിഴ്‌നാട് സന്ദര്‍ശിക്കുന്ന പ്രധാനമന്ത്രി മന്‍മോഹന്‍ സിങ്ങിനെതിരേ കരിങ്കൊടി കാണിച്ചതുമായി ബന്ധപ്പെട്ട് പ്രശസ്ത നടനും ഡി. എം. ഡി. കെ. നേതാവുമായ വിജയകാന്തിനെ പൊലീസ് അറസ്റ്റ് ചെയ്തു. ഒപ്പം കരിങ്കൊടി കാണിയ്ക്കാന്‍ ശ്രമിച്ച ഡി. എം. ഡി. കെ., എ. ഡി. എം. കെ. പ്രവര്‍ത്തകരേയും പൊലീസ് അറസ്റ്റ് ചെയ്തിട്ടുണ്ട്. മുല്ലപ്പെരിയാര്‍, കൂടംകുളം ആണവ പദ്ധതി, തമിഴ് മത്‌സ്യബന്ധന തൊഴിലാളികള്‍ക്ക് എതിരേയുള്ള ശ്രീലങ്കന്‍ നാവിക സേനയുടെ അക്രമം തുടങ്ങിയ വിഷയങ്ങളില്‍ കേന്ദ്ര സര്‍ക്കാര്‍ തമിഴ്‌നാടിനോട് പുലര്‍ത്തുന്ന പക്ഷപാതപരമായ നയത്തിനെതിരെയാണ് വിജയകാന്ത് കരിങ്കൊടി കാട്ടി പ്രതിഷേധ സമരം നടത്തിയത്‌.
