തിരുവനന്തപുരം : കടുത്ത പോരാട്ടത്തിന്റെ സൂചനകളുമായി ഇന്നലെ നടന്ന തെരഞ്ഞെടുപ്പില്‍ കേരളം 75 ശതമാനം പോളിംഗ് രേഖപ്പെടുത്തി. മൂവായിരത്തി എഴുന്നൂറ്റി മൂന്നു ബൂത്തുകളില്‍ പ്രശ്നങ്ങള്‍ ഉണ്ടാവാന്‍ സാദ്ധ്യതയുള്ളതായി തെരഞ്ഞെടുപ്പ് കമ്മീഷന്‍ വിലയിരുത്തിയ കണ്ണൂരില്‍ പോലും തെരഞ്ഞെടുപ്പ് ശാന്തമായിരുന്നു. സംസ്ഥാനത്തെ ചില ഇടങ്ങളില്‍ ചില്ലറ പ്രശ്നങ്ങളും പ്രതിഷേധങ്ങളും ഉയര്‍ന്നുവെങ്കിലും ഇതൊന്നും ക്രമസമാധാന പ്രശ്നങ്ങളായി മാറിയില്ല എന്നതില്‍ കേരളത്തിന്‌ അഭിമാനിക്കാം.
80.3 ശതമാനത്തോടെ കണ്ണൂരിലാണ് ഏറ്റവും കൂടുതല്‍ പോളിംഗ് രേഖപ്പെടുത്തിയത്. 80.2 ശതമാനവുമായി തൊട്ടു പുറകെ കോഴിക്കോടും ഉണ്ട്. പതിവ്‌ പോലെ ഏറ്റവും കുറവ്‌ പോളിംഗ് നടന്നത് 68.3 ശതമാനവുമായി തിരുവനന്തപുരത്താണ്.
തിരുവനന്തപുരം : എം. ഐ. ഷാനവാസ് എം. പി. ക്കെതിരെ കെ. പി. സി. സി. പ്രസിഡന്റ് അച്ചടക്ക നടപടി എടുക്കണമെന്ന് കോണ്‍ഗ്രസ് നേതാവും മുന്‍ മന്ത്രിയുമായിരുന്ന ടി. എച്ച്. മുസ്തഫ. ജമാ‍അത്തെ ഇസ്ലാമിയുമായി ചര്‍ച്ച നടത്തിയത് തെറ്റാണെന്നും, ഷാനവാസിന് എല്ലാ മുസ്ലീം തീവ്രവാദ സംഘങ്ങളുമായി ബന്ധമുണ്ടെന്നും അദ്ദേഹം പറഞ്ഞു. ഇത്തരം നീക്കങ്ങള്‍ കോണ്‍ഗ്രസിനെ വിശ്വസിക്കു ന്നവര്‍ക്കിടയില്‍ വിള്ളലുണ്ടാക്കുമെന്നും, ഇതിനെതിരെ നടപടി എടുക്കണമെന്നും ടി. എച്ച്. മുസ്തഫ വ്യക്തമാക്കി.
