നെന്മാറ : ലോകകപ്പ്‌ ഫൈനലും ഐ.പി.എല്‍. ജ്വരവും നിഷ്പ്രഭമാക്കി കൊണ്ട് കേരളത്തിന്റെ തെരഞ്ഞെടുപ്പ് ഫൈനല്‍ ഫോട്ടോ ഫിനിഷിലേക്ക് നീങ്ങുമ്പോള്‍ രാഷ്ട്രീയ സമവാക്യങ്ങള്‍ക്ക് പുതിയ ഉത്തരങ്ങള്‍ തേടുകയാണ് രാഷ്ട്രീയ കക്ഷികള്‍. വീരേന്ദ്രകുമാര്‍ മറുകണ്ടം ചാടുമോ എന്ന് ഉറ്റു നോക്കുന്നു രാഷ്ട്രീയ കേരളം. ഭരണ തുടര്ച്ചയ്ക്ക് സഹായകരമാവും വിധം രണ്ടു എം. എല്‍. എ. മാരുള്ള ജനതാ ദള്‍ രാഷ്ട്രീയ നിലപാട് സ്വീകരിച്ചാല്‍ ഇടതുപക്ഷം വീണ്ടും ഭരണത്തില്‍ ഇറാന്‍ സാദ്ധ്യതയുണ്ട് എന്നാണു കരുതപ്പെടുന്നത്. ജനതാ ദള്‍ തങ്ങളുടെ നിലപാട് മാറ്റണം എന്ന് കോടിയേരി ബാലകൃഷ്ണന്‍ ആവശ്യപ്പെട്ടത്‌ ഈ സാഹചര്യത്തില്‍ ഗൌരവമായി കാണേണ്ടതാണ്.
