ബന്ധുനിയമനം ഉൾപ്പെടെ ഗൗരവകരമായ എല്ലാ പ്രശ്നങ്ങൾക്കും ഉടൻ പരിഹാരം കാണുമെന്ന് മുഖ്യമന്ത്രി പിണറായി വിജയൻ. പ്രതിപക്ഷം കാര്യങ്ങൾ വളച്ചൊടിച്ചതായും അദ്ദേഹം അഭിപ്രായപ്പെട്ടു. മുന്മന്ത്രി പി.കെ ശ്രീമതിയുടെ മരുമകൾക്ക് ജോലി കൊടുത്തത് പാർട്ടി അറിഞ്ഞു കൊണ്ടുള്ള തീരുമാനമായിരുന്നില്ല എന്നും അദ്ദേഹം മാധ്യമപ്രവർത്തകരോട് പറഞ്ഞു.
മന്ത്രിയുടെ പേഴ്സണൽ സ്റ്റാഫിലേക്ക് മൂന്ന് നിയമനങ്ങൾ നടത്താൻ മന്ത്രിമാർക്ക് തന്നെ അവകാശമുണ്ട്. ഇത് പാർട്ടി അറിയേണ്ട കാര്യമല്ല. സ്ഥാനക്കയറ്റത്തിന്റെ കാര്യം വന്നപ്പോഴാണ് ഇങ്ങനെയൊരു നിയമനം പാർട്ടിയുടെ ശ്രദ്ധയിൽപ്പെട്ടത്. അപ്പോൾ തന്നെ അതിനുവേണ്ട നടപടി എടുക്കുകയും ചെയ്തുവെന്ന് മുഖ്യമന്ത്രി അറിയിച്ചു.
