കൊല്ലം : എസ്.എന്.ഡി.പി. യോഗം ഭാരവാഹികളുടെ തിരഞ്ഞെടുപ്പില് താന് മത്സരിക്കുമെന്ന് പ്രഖ്യാപിച്ചു കൊണ്ട് ഗോകുലം ഗോപാലന് ഉയര്ത്തിയ വെല്ലുവിളി വെള്ളാപ്പിള്ളി നടേശന് സ്വീകരിച്ചു. തനിക്ക് ഇനിയും മത്സരിക്കുവാന് താല്പര്യമില്ലെന്നും എന്നാല് ഗോപാലന് വെല്ലുവിളിച്ച സാഹചര്യത്തില് ഒരിക്കല് കൂടി മത്സരിക്കുവാന് താന് തയ്യാറാണെന്നും വെള്ളാപ്പിള്ളി പറഞ്ഞു.
ജനറല് സെക്രട്ടറി സ്ഥാനത്തേയ്ക്ക് തനിക്കെതിരെ മത്സരിച്ച് 25 ശതമാനം വോട്ട് ഗോകുലന് ഗോപാലന് നേടുകയാണെങ്കില് താന് സ്ഥാനം കൈമാറുവാന് തയ്യാറാണെന്ന് അദ്ദേഹം വ്യക്തമാക്കി. ഇതോടെ എസ്. എന്. ഡി. പി. യോഗ നേതൃത്വത്തിലേക്കുള്ള തിരഞ്ഞെടുപ്പ് കൂടുതല് വാശിയേറിയതാകും എന്ന് ഉറപ്പായി.
തിരുവനന്തപുരം : ആര്ഭാടങ്ങള്ക്ക് അതിരുകള് ഇല്ലാതെ നടക്കുന്ന മന്ത്രി മക്കളുടെ വിവാഹങ്ങള്ക്ക് ഒരു അപവാദമായി സബ് രജിസ്ട്രാര് ഓഫീസിലെ ലളിതമായ ഒരു ചടങ്ങില് മന്ത്രി പുത്രിയുടെ വിവാഹം നടന്നു. വനം വകുപ്പ് മന്ത്രി ബിനോയ് വിശ്വത്തിന്റെയും ഷൈലാ ജോര്ജ്ജിന്റേയും മകള് രശ്മിയും മലപ്പുറം പേരാമ്പ്ര സ്വദേശി ഷംസുദ്ദീനുമാണ് കഴിഞ്ഞ ദിവസം മാതൃകാ വിവാഹം നടത്തിയത്.
തിരുവനന്തപുരം : 2008ലെ ബാംഗ്ലൂര് സ്ഫോടനക്കേസില് പ്രതിയായ പി. ഡി. പി. നേതാവ് അബ്ദുല് നാസര് മഅദനിയെ അറസ്റ്റ് ചെയ്യാന് കേരള പോലീസ് സഹകരിക്കുന്നില്ല എന്ന കര്ണ്ണാടക ആഭ്യന്തര മന്ത്രിയുടെ പ്രസ്താവന വാസ്തവ വിരുദ്ധമാണ് എന്ന് കേരള ആഭ്യന്തര മന്ത്രി കോടിയേരി ബാലകൃഷ്ണന് അറിയിച്ചു. ഈ കേസില് കേരളാ പോലീസ് നല്കിയ വിവരങ്ങള് അനുസരിച്ചാണ് പ്രതികളെ കര്ണ്ണാടക പോലീസ് ഇത് വരെ പിടി കൂടിയിട്ടുള്ളത് എന്നും അദ്ദേഹം പറഞ്ഞു. 
ദുബായ് : സ്വത്വ രാഷ്ട്രീയ വാദികള് അവര് രാഷ്ട്രീയത്തില് ഉയര്ത്തിപ്പിടിക്കുന്ന അവരുടെ സ്വത്വം ഏതെന്നു വെളിപ്പെടുത്താന് കൂട്ടാക്കാതെ ഒളിച്ചു കളിക്കുകയാണെന്ന് പ്രമുഖ മാര്ക്സിസ്റ്റ് ചിന്തകനും പൊന്നാനി നഗരസഭാ ചെയര്മാനുമായ പ്രൊഫ. എം. എം. നാരായണന് അഭിപ്രായപ്പെട്ടു. ദുബായ് സന്ദര്ശനത്തിനിടയില് eപത്രത്തിന് നല്കിയ പ്രത്യേക അഭിമുഖത്തില് സംസാരിക്കുകയായിരുന്നു അദ്ദേഹം. 
