 |
 |
 |
 |
 |
 |
 |
 |
 |
 |
 |
 |
 |
 |
- ന്യൂസ് ഡെസ്ക്
വായിക്കുക: എതിര്പ്പുകള്, കേരള രാഷ്ട്രീയ നേതാക്കള്, പ്രതിരോധം, വിവാദം
തിരുവനന്തപുരം: സി.പി.എം സംസ്ഥാന സമ്മേളനത്തിന്റെ ചര്ച്ചകള് അക്ഷരാര്ഥത്തില് പുന്നപ്ര വയലാര് സമര നായകന് വി. എസ്. അച്യുതാനന്തനെ വിചാരണ ചെയ്യാനുള്ള വേദിയായി മാറി. സംസ്ഥാന സെക്രട്ടറി പിണറായി വിജയന് അവതരിപ്പിച്ച പ്രവര്ത്തന റിപ്പോര്ട്ടില് വി.എസ്സിനെതിരെ നിരവധി ആരോപണങ്ങള് ഉണ്ട്. തുടര്ന്ന് നടന്ന ചര്ച്ചയില് പങ്കെടുത്തവര് വി.എസ്സിനെതിരെ കടുത്ത വാക്കുകള് പ്രയോഗിക്കുന്നതില് യാതൊരു ലോഭവും കാണിച്ചില്ല. ഇടുക്കിയില് നിന്നു വന്ന പ്രതിനിധി വി.എസ്സിനെ ഒറ്റുകാരനെന്നു വിശേഷിപ്പിച്ചു. അദ്ദേഹത്തെ പാര്ട്ടിയില് തുടരാന് അനുവദിക്കരുതെന്നും പറഞ്ഞപ്പോള് മലപ്പുറത്തു നിന്നുമുള്ള യുവനേതാവ് എം. സ്വരാജ് വി. എസ്സിനു ക്യാപിറ്റല് പണിഷ്മെന്റ് നല്കണമെന്ന് ആവശ്യപ്പെട്ടു. പാര്ട്ടി അച്ചടക്കം നിരന്തരം ലംഘിക്കുന്ന വി.എസ്സിനെ നിലക്കു നിര്ത്താന് കേന്ദ്ര നേതൃത്വത്തോട് കണ്ണൂരില് നിന്നുമുള്ള പ്രതിനിധി എം. പ്രകാശന് മാസ്റ്റര് ആവശ്യപെട്ടു. വയനാട് ജില്ലയില് നിന്നുമുള്ള മുന് എം. എല്. എ കൃഷ്ണ പ്രസാദ് മാത്രമാണ് വി.എസ്സിന് സമാശ്വാസകരമായ നിലപാട് എടുത്തത്. പാര്ട്ടി വേദികളില് വി.എസ്സ് വിമര്ശനങ്ങള് ഏറ്റുവാങ്ങുമ്പോളും ജനമനസ്സില് അദ്ദേഹത്തോടുള്ള മതിപ്പ് വര്ദ്ധിച്ചു വരുന്നത് ശ്രദ്ധേയമാണ്`. വി. എസ്സിന്റെ ജനപിന്തുണ സംബന്ധിച്ച് കേന്ദ്ര നേതൃത്വത്തെ സംസ്ഥാന നേതൃത്വം തെറ്റിദ്ധരിപ്പിച്ചു എന്ന് പ്രകാശ് കാരാട്ട് നടത്തിയ പരാമര്ശം വി. എസ്സിനു കുറ്റപത്രം ഒരുക്കിയവര്ക്ക് തിരിച്ചടിയായി. വിദ്യാഭ്യാസ മന്ത്രിയായിരുന്ന കാലത്ത് എം. എ ബേബിയുടെ നിലപാടുകളെ കുറിച്ച് രണ്ടു പ്രതിനിധികള് നടത്തിയ ചെറിയ വിമര്ശനമൊഴിവാക്കിയാല് പൊതുവെ വി. എസ്സിനൊഴികെ മറ്റു നേതാക്കന്മാര്ക്കു നേരെ കാര്യമായ വിമര്ശനങ്ങള് ഉണ്ടായില്ല.
- ലിജി അരുണ്
വായിക്കുക: എതിര്പ്പുകള്, കേരള രാഷ്ട്രീയ നേതാക്കള്, പ്രതിരോധം
മമ്പാട്: സര്ക്കാര് താഴെ വീണാലും വേണ്ടില്ല ഇ-മെയില് ചോര്ത്തല് സംബന്ധിച്ച വാര്ത്ത പ്രസിദ്ധീകരിച്ച മാധ്യമം ആഴ്ചപ്പതിപ്പിനെതിരെ കേസെടുക്കുമെന്ന് മന്ത്രി ആര്യാടന് മുഹമ്മദ് പ്രസ്താവിച്ചു. എന്നാല് കഴിഞ്ഞ ദിവസം കേസെടുക്കില്ലെന്ന് മുഖ്യമന്ത്രി പറഞ്ഞിരുന്നു. ‘മാധ്യമം’ പ്രസിദ്ധീകരിച്ച വാര്ത്ത മത സൗഹാര്ദം തകര്ക്കുന്നതാണ്. അതിനാല് ആരെന്തു പറഞ്ഞാലും കേസെടുക്കുക തന്നെ ചെയ്യും. വിട്ടുവീഴ്ച ചെയ്യുന്ന പ്രശ്നമില്ല. മന്ത്രിസഭാ യോഗത്തില് താനും മന്ത്രി പി. കെ. കുഞ്ഞാലിക്കുട്ടിയുമാണ് കേസെടുക്കണമെന്ന് ആവശ്യപ്പെട്ടിരുന്നെന്നും. ആര്യാടന് പറഞ്ഞു. എം. ഇ. എസ് മമ്പാട് കോളജില് പുതിയ പദ്ധതികളുടെ ശിലാസ്ഥാപന നിര്വഹണ ചടങ്ങില് സംസാരിക്കുകയായിരുന്നു അദ്ദേഹം. ലീഗ് നേതാക്കളും ജനപ്രതിനിധികളുമടക്കം 258 പേരുടെ ഇ-മെയില് ചോര്ത്താന് ഇന്്റലിജന്സ് മേധാവി രേഖാ മൂലം ആവശ്യപ്പെട്ട സംഭവം മാധ്യമമാണ് പുറത്ത് കൊണ്ടുവന്നത്.
- ലിജി അരുണ്
വായിക്കുക: എതിര്പ്പുകള്, കുറ്റകൃത്യം, കേരള രാഷ്ട്രീയം, പോലീസ്, പ്രതിരോധം
പ്ലാച്ചിമട: കൊക്കക്കോള കമ്പനിക്കുള്ളില് പ്രവേശിച്ച് കൊക്കക്കോള കമ്പനിയുടെ ആസ്തികള് പിടിച്ചെടുക്കാന് ശ്രമിച്ച 20 പ്ലാച്ചിമട സമരസമിതി-ഐക്യദാര്ഢ്യ സമിതി പ്രവര്ത്തകരെ പോലീസ് അറസ്റ്റുചെയ്തു. വിളയോടി വേണുഗോപാലന്, കെ സഹദേവന്, കന്നിയമ്മ, തങ്കമണിയമ്മ, മുത്തുലക്ഷ്മി അമ്മ, പാപ്പമ്മ, ടി.കെ വാസു. എന് സുബ്രമണ്യന്, വി സി ജെന്നി, എന് പി ജോണ്സണ്, പുതുശ്ശേരി ശ്രീനിവാസന്, പി എ അശോകന്, ഫാ അഗസ്റ്റിന് വട്ടോളി, കെ വി ബിജു, സുദേവന്, അഗസ്റ്റിന് ഒലിപ്പാറ, സുബിദ് കെ എസ്, ശക്തിവേല്, പളനിച്ചാമി, മുത്തുച്ചാമി തുടങ്ങിയവരാണ് അറസ്റ്റിലായത്.
രാവിലെ 10 മണിക്ക് കന്നിമാരിയില് നിന്നും ആരംഭിച്ച അഞ്ഞൂറോളം പേര് പങ്കെടുത്ത ബഹുജനമാര്ച്ച് പ്ലാച്ചിമട കൊക്കക്കോള കമ്പനിക്ക് മുന്നിലേക്ക് വന്നപ്പോള് പോലീസ് വലയം ഭേദിച്ച് അകത്തുകടക്കാന് പ്രവേശിച്ചവരാണ് പിടിയിലായത്.
-
കൊച്ചി: തൊഴില് പീഡനത്തിനെതിരെയും ശമ്പള വര്ധന ആവശ്യപ്പെട്ടും കൊച്ചിയിലെ അമൃത ഇന്സ്റ്റിറ്റിയൂട്ട് ഓഫ് മെഡിക്കല് കോളജില് നഴ്സുമാര് നടത്തിവരുന്ന സമരം രണ്ടാം ദിവസവും തുടരുകയാണ്. സമരത്തെ തുടര്ന്ന് അത്യാഹിത വിഭാഗം സ്തംഭിച്ചിരിക്കയാണ്. ഇന്നലെയാണ് ആശുപത്രിയില് നഴ്സുമാര് സമരം തുടങ്ങിയത്. സമരവുമായി ബന്ധപ്പെട്ട് മാനേജ്മെന്റുമായി ചര്ച്ചക്കെത്തിയ സംഘടനാ ഭാരവാഹികളെ ഇന്നലെ ആശുപത്രിയില് വെച്ച് ആര്.എസ്.എസ് പ്രവര്ത്തകര് മര്ദിച്ചത് സംഘര്ഷത്തിന് ഇടയാക്കി. ഇയാള്ക്കെതിരെ നടപടി എടുക്കണമെന്ന് സമര സമിതി ആവശ്യപ്പെട്ടു. സമരം ചെയ്യുന്ന നഴ്സുമാര് ആശുപത്രിക്ക് മുന്നില് തന്നെ കുത്തിയിരിക്കുകയാണ്. മറ്റ് ആശുപത്രികളില് നിന്നും നഴ്സുമാര് ഇവര്ക്ക് അഭിവാദ്യമര്പ്പിക്കാന് എത്തുന്നുണ്ട്.
നഴ്സുമാരെ ദ്രോഹിക്കുന്ന ബോണ്ട് സമ്പ്രദായം നിര്ത്തലാക്കുക, അടിസ്ഥാന ശമ്പളം 4,000 രൂപയില് നിന്നും 12,000 രൂപയാക്കി ഉയര്ത്തുക, മരവിപ്പിച്ച മെയില് നഴ്സ് നിയമനം പുനസ്ഥാപിക്കുക, രോഗി നഴ്സ് അനുപാതം ഐസിയുവില് 1:1 എന്ന നിലയിലും വാര്ഡുകളിലും മറ്റും 1:5 എന്ന നിലയിലും ആക്കുക തുടങ്ങിയവയാണ് നഴ്സുമാര് ഉന്നയിക്കുന്ന പ്രധാന ആവശ്യങ്ങള്. ആവശ്യങ്ങള് അംഗീകരിച്ചതായി രേഖാമൂലം ഉറപ്പുനല്കിയാല് മാത്രമേ സമരത്തില് നിന്ന് പിന്മാറുകയുള്ളുവെന്നാണ് നഴ്സുമാരുടെ നിലപാട്
-
വായിക്കുക: തൊഴിലാളി, പ്രതിരോധം, വൈദ്യശാസ്ത്രം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
