നവാക്സോട്ട്: വധിക്കപ്പെട്ട ലിബിയന് നേതാവ് കേണല് മുഅമര് ഗദ്ദാഫിയുടെ രഹസ്യാന്വേഷണ വിഭാഗം മേധാവിയായും ഗദ്ദാഫിയുടെ അടുത്ത ബന്ധുവും കൂട്ടാളിയുമായിരുന്ന അബ്ദുള്ള അല് സനൂസി(63) പിടിയിലായി. ആഫ്രിക്കന്രാജ്യമായ മൗറിറ്റാനിയയില വെച്ചാണ് അറസ്റ്റിലായത്.
ജനാധിപത്യ പ്രക്ഷോഭത്തെ തുടര്ന്ന് സ്ഥാനഭ്രഷ്ടനായപ്പോഴാണ് സനൂസി ലിബിയ വിട്ടത്. യുദ്ധക്കുറ്റങ്ങളുടെ പേരില് അന്താരാഷ്ട്ര ക്രിമിനല് കോടതി ഇദ്ദേഹത്തിനെതിരെ അറസ്റ്റു വാറന്റ് വച്ചിരുന്നു. മൊറോക്കോയിലെ കാസബ്ലാങ്കയില്നിന്ന് വ്യാജ പാസ്പോര്ട്ടില് വിമാനത്തില് വന്നിറങ്ങിയപ്പോഴാണ് സനൂസി പിടിയിലായതെന്ന് മൗറിറ്റാനിയയിലെ സുരക്ഷാഅധികൃതര് അറിയിച്ചു. എന്നാല് അന്താരാഷ്ട്ര കോടതിയോ ലിബിയയിലെ പുതിയ ഭരണകൂടമോ അറസ്റ്റിനെക്കുറിച്ച് പ്രതികരിച്ചിട്ടില്ല.
ഹവാന: പ്രസിഡന്റ് ഹ്യൂഗോ ഷവേസ് അര്ബുദത്തിനുള്ള ചികിത്സ കഴിഞ്ഞ് ക്യൂബയില് നിന്നും വെനസ്വേലയിലേക്ക് തിരിച്ചു പോകുന്നു. ഹവാനയില് നിന്നുള്ള ഒരു ടെലിവിഷന് ചാനലില് ഷാവേസ് തന്നെയാണ് താന് സുഖം പ്രാപിക്കുന്നുവെന്നും തിരിച്ചു പോകാനൊരുങ്ങു എന്നുള്ള വിവരം അറിയിച്ചത്. റേഡിയേഷന് ചികിത്സ തുടരും എന്നും അദ്ദേഹം പറഞ്ഞു. ഫെബ്രുവരി 26ന് നടത്തിയ ശസ്ത്രക്രിയയില് 2 സെന്റീമീറ്ററോളം വലിപ്പമുള്ള ട്യൂമര് എടുത്തു കളഞ്ഞിരുന്നു.
