വിജ്ഞാനത്തിന്റെ അവസാന വാക്കായ എന്സൈക്ളോപീഡിയ ബ്രിട്ടാനിക്ക ഇനി പുസ്തക രൂപത്തില് വാങ്ങിക്കാന് കിട്ടില്ല. എന്സൈക്ളോപീഡിയ പ്രിന്റ് എഡിഷന് നിര്ത്തുന്നു എന്ന് കമ്പനി അറിയിച്ചു. വിക്കിപീഡിയ അടക്കമുള്ള വിജ്ഞാന സ്രോതസുകള് വര്ധിച്ച ഇക്കാലത്ത് എന്സൈക്ളോപീഡിയ ഇനിയും പ്രിന്റ് ചെയ്തിറക്കുന്നത് പ്രായോഗികമല്ലെന്നും പകരം പൂര്ണമായും ഡിജിറ്റല് വത്കരണമാണ് ഉദ്ദേശിക്കുന്നത് എന്നും, എന്നാല് പ്രിന്്റ് എഡിഷന് നിലനിര്ത്താന് പ്രയാസമാണെന്നുമാണ് കമ്പനി പ്രസിഡന്റ് ജോര്ജ് കോസിന്റെ അഭിപ്രായം. 1768ല് സ്കോട്ട്ലണ്ടിലെ എഡിന്ബര്ഗില് നിന്നാണ് ആദ്യമായി എന്സൈക്ളോപീഡിയ ബ്രിട്ടാനിക്ക അച്ചടിയാരംഭിച്ചത്. ബുധനാഴ്ചയോടെ എന്സൈക്ളോപീഡിയ ബ്രിട്ടാനിക്ക അച്ചടി നിര്ത്തും.
ഹവാന: പ്രസിഡന്റ് ഹ്യൂഗോ ഷവേസ് അര്ബുദത്തിനുള്ള ചികിത്സ കഴിഞ്ഞ് ക്യൂബയില് നിന്നും വെനസ്വേലയിലേക്ക് തിരിച്ചു പോകുന്നു. ഹവാനയില് നിന്നുള്ള ഒരു ടെലിവിഷന് ചാനലില് ഷാവേസ് തന്നെയാണ് താന് സുഖം പ്രാപിക്കുന്നുവെന്നും തിരിച്ചു പോകാനൊരുങ്ങു എന്നുള്ള വിവരം അറിയിച്ചത്. റേഡിയേഷന് ചികിത്സ തുടരും എന്നും അദ്ദേഹം പറഞ്ഞു. ഫെബ്രുവരി 26ന് നടത്തിയ ശസ്ത്രക്രിയയില് 2 സെന്റീമീറ്ററോളം വലിപ്പമുള്ള ട്യൂമര് എടുത്തു കളഞ്ഞിരുന്നു.
