വാഷിംഗ്ടണ് : ഇന്ത്യയുമായി അമേരിക്കന് കമ്പനികള് ആണവ വ്യാപാരം നടത്തണമെങ്കില് ഇനിയും കടമ്പകള് കടക്കണം എന്ന് ഇത് സംബന്ധിച്ച് സമര്പ്പിച്ച ഒരു കോണ്ഗ്രസ് റിപ്പോര്ട്ട് പറയുന്നു. ആണവ അപകടം നടന്നാല് അതിന്റെ ഉത്തരവാദിത്വം നിലയം സ്ഥിതി ചെയ്യുന്ന രാഷ്ട്രത്തിനു മേല് അടിച്ചേല്പ്പിക്കുന്ന അന്താരാഷ്ട്ര ഉടമ്പടിയായ സി. എസ്. സി. (Convention on Supplementary Compensation for Nuclear Damage – CSC) ഇന്ത്യ ഒപ്പ് വെച്ചാല് മാത്രമേ ഇന്ത്യയുമായി വ്യാപാരം നടത്താന് അമേരിക്കന് കമ്പനികള് തയ്യാറാവൂ എന്നാണ് ഈ പുതിയ കണ്ടെത്തല്.
123 കരാര് മുതല് ഇങ്ങോട്ട് പല പല ഘട്ടങ്ങളിലായി ആണവ വ്യാപാരത്തിന്റെ പേരില് ഇന്ത്യയുടെ പരമാധികാരത്തെ വെല്ലു വിളിയ്ക്കുന്ന ഒട്ടേറെ നിബന്ധനകള് ഇന്ത്യയെ കൊണ്ട് സമ്മതിപ്പിച്ചതില് ഏറ്റവും പുതിയ നീക്കമാണ് ഇത്. ഈ ഉടമ്പടി പ്രകാരം ആണവ നിലയം സ്ഥാപിക്കുന്ന രാഷ്ട്രത്തിനാണ് അപകടം ഉണ്ടായാല് ബാദ്ധ്യത വരിക. ഇതിനു പുറമേ അപകടത്തിന്റെ ഉത്തരവാദിത്വം നിലയം പ്രവര്ത്തിപ്പിക്കുന്നവര്ക്ക് ആയിരിക്കും എന്നും ഉടമ്പടിയില് വ്യക്തമാക്കുന്നു. ഇത് ആണവ ഉപകരണ ദാതാവിനെ സംരക്ഷിക്കാന് ആണെന്ന് പരക്കെ ആരോപണമുണ്ട്.
കരാര് ഇന്ത്യ ഒപ്പിടും എന്ന് കഴിഞ്ഞ ആഴ്ച വാഷിംഗ്ടണ് സന്ദര്ശിച്ച ദേശീയ സുരക്ഷാ ഉപദേശകന് ശിവ ശങ്കര് മേനോന് പ്രഖ്യാപിച്ചിരുന്നു.
വാഷിംഗ്ടണ് : സെപ്റ്റംബര് പതിനൊന്നിന് വേള്ഡ് ട്രേഡ് സെന്ററിനു നേരെ നടന്ന ഭീകരാക്രമണത്തിനു ശേഷം അമേരിക്ക നേരിടേണ്ടി വന്ന പ്രതിസന്ധിയെ ഒറ്റക്കെട്ടായി നേരിട്ടത് രാജ്യത്തിന്റെ അഭിമാനം ഉയര്ത്തി പിടിക്കുന്നു എന്ന് 9/11ഭീകരാക്രമണത്തിന്റെ ഒന്പതാം വാര്ഷികത്തോട് അനുബന്ധിച്ച് വൈറ്റ് ഹൌസില് ചേര്ന്ന വാര്ത്താ സമ്മേളനത്തില് പ്രസിഡന്റ് ഒബാമ പറഞ്ഞു. രാജ്യം നേരിടുന്ന ഭീഷണികളെ പറ്റി സംസാരിക്കു കയായിരുന്നു അദ്ദേഹം. എന്നാല് ഭീകരാക്രമണ വാര്ഷിക ദിനത്തില് ഖുര്ആന് കത്തിച്ചു കൊണ്ട് പ്രതിഷേധിക്കുമെന്ന പാസ്റ്ററുടെ പ്രസ്താവന അന്താരാഷ്ട്ര സമൂഹത്തിനു മുന്നില് രാജ്യത്തെ പറ്റി മോശം ധാരണ പരത്താനേ സഹായിക്കുകയുള്ളൂ എന്നും അദ്ദേഹം കൂട്ടിച്ചേര്ത്തു.
വാഷിംഗ്ടന് : അഫ്ഗാന് യുദ്ധത്തെ സംബന്ധിക്കുന്ന രഹസ്യ രേഖകള് എത്രയും പെട്ടെന്ന് ഇന്റര്നെറ്റില് നിന്നും നീക്കം ചെയ്യുവാന് അമേരിക്കന് പ്രതിരോധ വകുപ്പ് ഇന്റര്നെറ്റിലെ വിസില് ബ്ലോവര് വെബ് സൈറ്റായ വിക്കി ലീക്ക്സിനോട് ആവശ്യപ്പെട്ടു. കഴിഞ്ഞ മാസം വിക്കി ലീക്ക്സ് ഏതാണ്ട് 71,000 അമേരിക്കന് രഹസ്യ രേഖകള് തങ്ങളുടെ വെബ് സൈറ്റിലൂടെ പരസ്യപ്പെടുത്തിയത് അമേരിക്കയ്ക്ക് ഏറെ തലവേദന സൃഷ്ടിച്ചിരുന്നു. ഈ രേഖകള് എത്രയും പെട്ടെന്ന് വെബ് സൈറ്റില് നിന്നും നീക്കം ചെയ്തു തങ്ങളെ തിരികെ ഏല്പ്പിക്കാനാണ് ഇപ്പോള് അമേരിക്ക ആവശ്യപ്പെടുന്നത്.
സിയോള്: അമേരിക്ക ദക്ഷിണ കൊറിയയുമായി ചേര്ന്ന് സംയുക്ത സൈനിക പരിശീലനം നടത്തിയാല് തിരിച്ചടിയായി ആണവ യുദ്ധം പോലും തുടങ്ങാന് തങ്ങള് മടിക്കില്ല എന്ന് ഉത്തര കൊറിയ വ്യക്തമാക്കി. സംയുക്ത സൈനിക പരിശീലനം തങ്ങള്ക്കു നേരെയുള്ള സൈനിക വെല്ലുവിളിയാണ്. ഇതിനെതിരെ ശക്തമായി തന്നെ തങ്ങള് പ്രതികരിക്കും. വേണ്ടി വന്നാല് ഇതിനായി ആണവായുധങ്ങള് പോലും പ്രയോഗിക്കാന് തങ്ങള് മടിക്കില്ല. ഇതൊരു വിശുദ്ധ യുദ്ധമാണ് എന്നും ഉത്തര കൊറിയയുടെ ഉന്നത തല സൈനിക നേതൃത്വം അറിയിച്ചു. 
ഇസ്ലാമാബാദ് : പാക്കിസ്ഥാന് സന്ദര്ശിക്കുന്ന അമേരിക്കന് സ്റ്റേറ്റ് സെക്രട്ടറി ഹില്ലരി ക്ലിന്റന് പാക്കിസ്ഥാനുമായി വിവിധ വിഷയങ്ങളില് ഉന്നത തല ചര്ച്ചകള് ആരംഭിച്ചു. രാജ്യത്തെ ജല വിഭവ, ഊര്ജ്ജ, ആരോഗ്യ മേഖലകളില് സമഗ്രമായ വികസനം ലക്ഷ്യമാക്കിയുള്ള ഒട്ടേറെ പദ്ധതികളാണ് അമേരിക്ക നടപ്പിലാക്കാന് ഉദ്ദേശിക്കുന്നത്. ഏഴര ബില്യന് ഡോളര് വരും ഈ സാമ്പത്തിക സഹായ പാക്കേജ്. താലിബാന്, അല് ഖായിദ ഭീകരരെ നേരിടാന് മാത്രമല്ല, സാധാരണക്കാരായ പാക്കിസ്ഥാനി പൌരന്മാരുടെ ജീവിത സാഹചര്യങ്ങള് മെച്ചപ്പെടുത്താനും അമേരിക്ക പ്രതിജ്ഞാ ബദ്ധമാണ് എന്ന് തെളിയിക്കാനുള്ള ശ്രമത്തിന്റെ ഭാഗമായാണ് ഈ സഹായ പദ്ധതികള്.
അമേരിക്കയുടെയും സഖ്യ കക്ഷികളുടെയും ആവശ്യം മാനിച്ച് ഇറാന് തങ്ങളുടെ പക്കല് ഉള്ള ശേഷി കുറഞ്ഞ സമ്പുഷ്ട യുറേനിയം (low enriched uranium – LEU) ടര്ക്കിയിലെ സുരക്ഷിത താവളത്തിലേക്ക് കൈമാറാന് ധാരണയായി. ഇറാന്റെ പരമോന്നത ആത്മീയ നേതാവ് അയത്തൊള്ള അലി ഖമേനി, പ്രസിഡണ്ട് മഹമൂദ് അഹമദി നെജാദ് എന്നിവരുമായി ബ്രസീല് പ്രസിഡണ്ട് ലൂയിസ് ഇനാഷിയോ ലുല ഡ സില്വ നടത്തിയ സ്വകാര്യ സംഭാഷണങ്ങളെ തുടര്ന്നാണ് ഇത്തരമൊരു സുപ്രധാന ധാരണയ്ക്ക് ഇറാന് സമ്മതിച്ചത്. ഇത്തരമൊരു കൈമാറ്റം തങ്ങളുടെ മണ്ണില് മാത്രമേ നടത്തൂ എന്നായിരുന്നു ഇത് വരെ ഇറാന്റെ നിലപാട്.
വാഷിംഗ്ടണ് : ടൈം സ്ക്വയര് ബോംബ് ഭീഷണി പോലെ എന്തെങ്കിലും ഒരു ശ്രമം വിജയകരം ആവുകയും അതിന്റെ ഉറവിടം പാക്കിസ്ഥാന് ആണെന്ന് കണ്ടെത്തുകയും ചെയ്താല് അതിന്റെ ഭവിഷ്യത്ത് അതീവ ഗുരുതരം ആയിരിക്കും എന്ന് അമേരിക്ക പാക്കിസ്ഥാന് മുന്നറിയിപ്പ് നല്കി. അമേരിക്കന് സ്റ്റേറ്റ് സെക്രട്ടറി ഹിലരി ക്ലിന്റന് ആണ് ഈ മുന്നറിയിപ്പ് നല്കിയത്. ഭീകര വാദത്തിനു എതിരെയുള്ള യുദ്ധത്തില് പാക്കിസ്ഥാന് സഹകരിക്കുന്നുണ്ട്. എന്നാല് ഇതിലും കൂടുതല് സഹകരണം തങ്ങള് ഇസ്ലാമാബാദില് നിന്നും പ്രതീക്ഷിക്കുന്നു എന്നും ക്ലിന്റന് അറിയിച്ചു.
