ന്യൂയോര്‍ക്ക് :ഇല്ലാത്ത കംപ്യൂട്ടര്‍ സയന്‍സ് ബിരുദം ബയൊഡാറ്റയില്‍ ഉള്‍പ്പെടുത്തിയത്തിന്റെ പേരില്‍  പ്രമുഖ ഓണ്‍ലൈന്‍ സെര്‍ച്ച് എന്‍ജിന്‍ സ്ഥാപനം യാഹൂവിന്‍റെ ചീഫ് എക്സിക്യുട്ടിവ് സ്കോട്ട് തോംസണ്‍ രാജിവച്ചു. വിശദമായ അന്വേഷണത്തില്‍ തന്റെ ബിരുദം കണ്ടുപിടിക്കപ്പെട്ടതിനെ തുടര്‍ന്നാണു രാജി. ഗ്ലോബല്‍ മീഡിയ തലവന്‍ റോസ് ലെവിന്‍സണെ പകരമായി നിയമിച്ചു. ഫ്രെഡ് അമോറസെയാണു പുതിയ യാഹൂ ചെയര്‍മാന്‍. ചെലവു ചുരുക്കലിന്‍റെ ഭാഗമായി ജീവനക്കാരുടെ പിരിച്ചു വിടല്‍ പരിഷ്കാരം നടത്തിയതിലൂടെ സ്കോട്ട് തോംസണ്‍ ഏറെ പഴി കേട്ടിരുന്നു. ഓണ്‍ലൈന്‍ പേമെന്‍റ് സ്ഥാപനം പേപാലിന്‍റെ പ്രസിഡന്‍റായിരുന്ന തോംസണ്‍ 2011 സെപ്റ്റംബറിലാണു യാഹൂവിന്‍റെ മേധാവിയായത്.

വാഷിംഗ്‌ടണ്: ലോകബാങ്കിന്റെ പുതിയ പ്രസിഡന്റായി യു എസ് പൌരനും കൊറിയന്‍ വംശജനുമായ ജിം യോങ് കിമ്മിനെ തെരഞ്ഞെടുത്തു. അമേരിക്കയുടെ പിന്തുണ ഇദ്ദേഹത്തിന് ലഭിച്ചു അതോടെ ദക്ഷിണാഫ്രിക്കയുടെ നേതൃത്വത്തില്‍ വികസ്വര രാജ്യങ്ങള്‍ നാമനിര്‍ദേശം ചെയ്ത ഞ്യോസി ഒകോഞോ ല്വീലയെ ജിം യോങ്ങ് കിം പിന്തള്ളി ജൂലൈ ഒന്നിനാണ് കിം സ്ഥാനമേറ്റെടുക്കുക. അഞ്ച് വര്‍ഷമാണ് ലോക ബാങ്ക് പ്രസിഡന്റിന്റെ കാലാവധി. നൂറ്റിയെണ്‍പത്തിയേഴ് രാഷ്ട്രങ്ങള്‍ ലോകബാങ്കില്‍ അംഗങ്ങളാണ്. അംഗത്വമുള്ള എല്ലാ രാജ്യങ്ങളിലെയും ധനകാര്യ മന്ത്രിമാര്‍ ബാങ്കിന്റെ ബോര്‍ഡ് ഓഫ് ഗവര്‍ണര്‍മാരാണ്