 |
 |
 |
 |
 |
 |
 |
 |
 |
 |
 |
 |
 |
 |
ലണ്ടന്: ചെലവുചുരുക്കല് പദ്ധതിയുടെ ഭാഗമായി സര്ക്കാര് പ്രഖ്യാപിച്ച പെന്ഷന് പരിഷ്കരണ ത്തിനെതിരെ 20 ലക്ഷത്തോളം ജീവനക്കാര് പണിമുടക്കി തെരുവിലിറങ്ങിയതോടെ പതിറ്റാണ്ടുകള്ക്കിടെ രാജ്യം കണ്ട ഏറ്റവും വലിയ പൊതുമേഖലാ പണിമുടക്കില് ബുധനാഴ്ച ബ്രിട്ടന് സാക്ഷിയായി.24 മണിക്കൂര് നീണ്ട പണിമുടക്കില് ബ്രിട്ടന് നിശ്ചലമായി. രാജ്യത്തെ ഏഴു ലക്ഷത്തോളം ആസ്പത്രി ജീവനക്കാരും പണിമുടക്കില് പങ്കെടുത്തു. പണി മുടക്കിന്റെ ഭാഗമായി രാജ്യത്തെ 1,000 കേന്ദ്രങ്ങളില് ജീവനക്കാരുടെ കൂറ്റന് പ്രകടനങ്ങളും നടന്നു.
-
വായിക്കുക: തൊഴിലാളി, പ്രതിഷേധം, ബ്രിട്ടന്, മനുഷ്യാവകാശം
ഇസ്ലാമാബാദ്: അഫ്ഗാന് അതിര്ത്തിയിലെ പാക് ചെക്പോസ്റ്റിനുനേരെ അമേരിക്കയുടെ നേതൃത്വത്തിലുള്ള നാറ്റോ ഭടന്മാര് നടത്തിയ വ്യോമാക്രമണത്തില് ഒരു മേജറും ക്യാപ്റ്റനുമടക്കം 28 പാക് സൈനികര് കൊല്ലപ്പെട്ടു. 12 പേര്ക്ക് ഗുരുതരമായി പരിക്കേറ്റു. സംഭവത്തെ തുടര്ന്ന് അമേരിക്കയുംതമ്മിലുള്ള ബന്ധത്തില് പുതിയ വിള്ളല് വീഴ്ത്തിയിരിക്കുകയാണ്. സംഭവത്തില് അമേരിക്കയിലെ പാക് ആക്ടിങ് അംബാസഡര് ഇഫാത് ഗര്ദേശി അമേരിക്കന് ആഭ്യന്തര വകുപ്പിനെ പ്രതിഷേധം അറിയിച്ചു. പാകിസ്താന്റെ പരമാധികാരത്തിന്മേലുള്ള കടന്നുകയറ്റമാണിതെന്ന് പാകിസ്താന് പ്രധാനമന്ത്രി യൂസുഫ് റസാ ഗീലാനി പറഞ്ഞു. പത്തുവര്ഷം പിന്നിട്ട ഭീകരവിരുദ്ധയുദ്ധത്തില് പാകിസ്താനും അമേരിക്കയും കൈകോര്ത്തതിനു ശേഷം ഇരുരാജ്യങ്ങളുടെയും സൈനികര്ക്കിടയിലുണ്ടാകുന്ന ഏറ്റവുംവലിയ സംഘര്ഷമാണ് ഇത്. മൊഹമന്ദ് ഗോത്രവര്ഗമേഖലയിലെ സലാല ചെക്പോയന്റില് ഇന്ത്യന്സമയം ശനിയാഴ്ച പുലര്ച്ചെ രണ്ടരയോടെയാണ് നാറ്റോയുടെ ഹെലികോപ്റ്ററുകള് ആക്രമണം നടത്തിയത്. ഒരു പ്രകോപനവുമില്ലാതെ വിവേചനരഹിതമായി വെടിവെക്കുക യായിരുന്നുവെന്ന് പാക് അധികൃതര് ആരോപിച്ചു. ആക്രമണത്തെ കുറിച്ച് വിശദമായ അന്വേഷണം നടത്തുമെന്ന് അഫ്ഗാനിസ്താനിലെ നാറ്റോ സേനയുടെ കമാന്ഡര് ജോണ്അലന് അറിയിച്ചു
-
വായിക്കുക: അമേരിക്ക, പാക്കിസ്ഥാന്, പ്രതിഷേധം, യുദ്ധം
സനാ: യെമന് സമാധാന ഉടമ്പടിക്ക് വക്കിലെത്തി നില്ക്കെ തലസ്ഥാനമായ സനായില് വിമതസൈനികരും പ്രസിഡന്റ് അലി അബ്ദുള്ള സാലിയെ പിന്തുണയ്ക്കുന്ന സൈന്യവും തമ്മില് വീണ്ടും രൂക്ഷ ഏറ്റുമുട്ടല്. ജനറല് അലി മൊഹ്സെന് അല്-അമര് നയിക്കുന്ന വിമത സൈനികരെ നയിക്കുന്നത്. യമന് സുരക്ഷാ സൈനികരെ സാലിയുടെ മരുമകന് യെഹ്യയും നയിക്കുന്നു. ഇവര് തമ്മിലാണ് യന്ത്രത്തോക്കുകളും മോട്ടോര് ഷെല്ലുകളും ഉപയോഗിച്ച് വെള്ളിയാഴ്ച രാവിലെ ഏറ്റുമുട്ടിയത്. പ്രസിഡന്റ് അലി അബ്ദുള്ള സാലി സ്ഥാനമൊഴിയുന്നതിനുള്ള കരാറില് രണ്ടു ദിവസം മുന്പ് ഒപ്പുവെച്ചെങ്കിലും യെമനിലെ സംഘര്ഷത്തിന് അയവുണ്ടായിട്ടില്ലെന്നാണ് ഏറ്റുമുട്ടല് സൂചിപ്പിക്കുന്നത്.
-
വായിക്കുക: ക്രമസമാധാനം, പ്രതിഷേധം, യുദ്ധം
യാങ്കൂണ്: മ്യാന്മാറിലെ ജനാധിപത്യ പോരാളിയായ ഔങ് സാന് സൂ ചി യും രാഷ്ട്രീയ പാര്ട്ടിയായ എന്. എല്. ഡി. യും മ്യാന്മറിന്റെ മുഖ്യധാരാ രാഷ്ട്രീയത്തിലേക്ക് തിരിച്ചു വരുന്നു. ഇതിനായി വീണ്ടും രജിസ്റ്റര് ചെയ്യുന്നതിന് നാഷണല് ലീഗ് ഫോര് ഡെമോക്രസി (എന്. എല്. ഡി.) നേതാക്കള് ഔദ്യോഗികമായി വെള്ളിയാഴ്ച അപേക്ഷ നല്കി. 50 വര്ഷത്തിനുള്ളില് ആദ്യമായി മ്യാന്മര് സന്ദര്ശിക്കുന്ന അമേരിക്കന് വിദേശ കാര്യ സെക്രട്ടറി ഹില്ലരി ക്ലിന്റന് മ്യാന്മറില് എത്തുന്നതിന് മുമ്പാണ് സൂ ചി യുടെ പാര്ട്ടി അപേക്ഷ നല്കിയത്. ബുധനാഴ്ചയാണ് ഹില്ലരി ക്ലിന്റണ് മ്യാന്മര് സന്ദര്ശിക്കുന്നത്. ഇവിടെ ജയിലില് കിടന്നിട്ടുള്ളവര്ക്ക് തിരഞ്ഞെടുപ്പില് മത്സരിക്കുന്നതിനുള്ള അനുമതി നിഷേധിച്ചിരുന്നു. ഇതില് പ്രതിഷേധിച്ച് സൂ ചി യുടെ പാര്ട്ടിയായ എന്. എല്. ഡി. 2010 നവംബറില് നടന്ന പാര്ലമെന്റ് തിരഞ്ഞെടുപ്പ് ബഹിഷ്കരിച്ചിരുന്നു. സൂ ചി യെ മത്സര രംഗത്തു നിന്നും തടയുന്നതിനാണ് സൈന്യം ഇങ്ങനെയൊരു നിയമം കൊണ്ടു വന്നത്.
-
വായിക്കുക: പ്രതിഷേധം, മനുഷ്യാവകാശം, മ്യാന്മാര്, സ്ത്രീ
വാഷിംഗ്ടണ്: യെമനില് നടപ്പിലാകാന് ഉദ്ദേശിക്കുന്ന അധികാര കൈമാറ്റ ഉടമ്പടിയെ അമേരിക്ക സ്വാഗതം ചെയ്തു. സമാധാനപരമായ അധികാര കൈമാറ്റത്തിന് വേദിയൊരുക്കിയതില് യെമന് ഭരണകൂടത്തെയും പ്രതിപക്ഷ കക്ഷികളെയും പ്രശംസിക്കുന്നതായി യുഎസ് വിദേശകാര്യ വകുപ്പ് വക്താവ് മാര്ക്ക് ടോണര് പറഞ്ഞു.ഈ ഉടമ്പട യെമന് ജനതയെ സംബന്ധിച്ച് നിര്ണായക ചവിട്ടുപടിയാകുമെന്നും, കലാപത്തില് നിന്ന് പിന്മാറി എത്രയും വേഗം സുതാര്യത നടപ്പിലാക്കണമെന്ന് യെമനിലെ രാഷ്ട്രീയ പാര്ട്ടികളോട് അഭ്യര്ഥിക്കുന്നതായും മാര്ക്ക് ടോണര് പറഞ്ഞു.
-
വായിക്കുക: അമേരിക്ക, ക്രമസമാധാനം, പ്രതിഷേധം, യുദ്ധം
ദമാസ്കസ്: കഴിഞ്ഞ എട്ടു മാസമായി ജനാധിപത്യ പ്രക്ഷോഭം തുടരുന്ന സിറിയയില് മൂന്നു ദിവസത്തിനകം സൈനിക അതിക്രമങ്ങള് അവസാനിപ്പിക്കണമെന്ന് സിറിയന് ഭരണകൂടത്തിനോട് അറബ് ലീഗ് അന്ത്യശാസനം നല്കി. ഇതിനായി നിരീക്ഷണ സംഘത്തെ സിറിയയിലേക്ക് അയക്കാനും അറബ് ലീഗ് വിദേശ കാര്യ മന്ത്രിമാര് തീരുമാനിച്ചു. നേരത്തെ അറബ് ലീഗില് നിന്നു സിറിയയെ സസ്പെന്ഡ് ചെയ്തിരുന്നു. അന്ത്യശാസനം മുഖവിലയ്ക്ക് എടുത്തില്ലെങ്കില് ഉപരോധമടക്കമുള്ള കടുത്ത നടപടിയിലേക്കാണ് അറബ് ലീഗിന്റെ നീക്കമെന്ന് ഖത്തര് വിദേശ കാര്യ മന്ത്രി ശൈഖ് ഹമാദ് ബിന് ജാസിം അല് താനി അറിയിച്ചു.
ജനാധിപത്യ പ്രക്ഷോഭകര്ക്കെതിരെ രക്ത രൂക്ഷിതമായ അടിച്ചമര്ത്തല് നടത്തുന്ന ബഷര് അല് അസദ് ഭരണകൂടത്തിനെതിരെ അമേരിക്കയും യൂറോപ്യന് രാജ്യങ്ങളും രംഗത്ത് വന്നിരുന്നു. അന്ത്യശാസനം നല്കിയ അറബ് ലീഗിന്റെ നടപടിയെ അമേരിക്കയുള്പ്പെടുന്ന പടിഞ്ഞാറന് രാജ്യങ്ങളും യു. എന്. അടക്കമുള്ള സംഘടനകളും സ്വാഗതം ചെയ്തു. എന്നാല് അറബ് ലീഗില് നിന്നും സിറിയയെ സസ്പെന്ഡ് ചെയ്ത നടപടിക്കെതിരെ ഇറാന് മുന്നോട്ട് വന്നിരുന്നു.
- ഫൈസല് ബാവ
വായിക്കുക: അമേരിക്ക, ദേശീയ സുരക്ഷ, പ്രതിഷേധം, മനുഷ്യാവകാശം, സിറിയ
നൈജീരിയന് എഴുത്തുകാരനും പരിസ്ഥിതി പ്രവര്ത്തകനും ടെലിവിഷന് നിര്മ്മാതാവും “ഗോള്ഡ്മാന് എന്വിറോണ്മെന്റല് പ്രൈസ്” ജേതാവുമാണ് കെന് സാരോ വിവ എന്ന കെനുല് കെന് ബീസന് സാരോ വിവ. നൈജീരിയയിലെ ഒഗോണി വര്ഗത്തിന്റെ മോചനത്തിനായി പോരാടി ജീവന് ത്യജിച്ച കവിയാണ്. 1995 നവംബര് 10 നാണ് നൈജീരിയന് ഭരണകൂടം അദ്ദേഹത്തെ പരസ്യമായി തൂക്കികൊന്നത്. നൈജീരിയയില ഒഗോണി വംശത്തില് പിറന്ന കെന് സാരോ വിവ. ഒഗോണികളുടെ ജന്മദേശമായ നൈജര് ഡെല്റ്റയിലെ ഒഗോണിലാന്റ് എന്ന പ്രദേശം അസംസ്കൃത എണ്ണ ഖനനത്തിനായി 1950 മുതല് ഉപയോഗിക്കപ്പെട്ടിരുന്നു. ഇത് ഒഗോണിലാന്റില് എണ്ണ മലിനാവശിഷ്ടങ്ങള് വിവേചന രഹിതമായി തള്ളുന്നതിനും വന് തോതിലുള്ള പാരിസ്ഥിതിക നാശത്തിനും കാരണമായി.
ഒഗോണിലാന്റിലെ ഭുമിക്കും വെള്ളത്തിനും വന്നു ചേരുന്ന പാരിസ്ഥിതിക നാശത്തിനെതിരെ “മൂവ്മെന്റ് ഫോര് ദി സര്വൈവല് ഓഫ് ദി ഒഗോണി പീപ്പിള്” [MOSOP] എന്ന സംഘടനയുടെ നേതൃത്വത്തില് കെന് സാരോ വിവ അക്രമരഹിത സമരത്തിന് തുടക്കമിട്ടു. ബഹുരാഷ്ട്ര എണ്ണ കമ്പനികള്ക്കെതിരെ ഫലപ്രദമായ പാരിസ്ഥിതിക മലിനീകരണ നിയന്ത്രണ നടപടികള് സ്വീകരിക്കുന്നതില് നൈജീരിയന് ഭരണകൂടം മടികാട്ടുകയാണ് എന്ന് ആരോപിച്ചുകൊണ്ട് ജനറല് സാനി അബാച്ചയുടെ നേതൃത്വത്തിലുള്ള പട്ടാള ഭരണത്തിനെതിരെയും ഷെല് എന്ന എണ്ണക്കമ്പനിക്കെതിരെയും കെന് സാരോ വിവ ശക്തമായി രംഗത്തു വന്നു.
ഈ സമരങ്ങള് ഏറ്റവും ശക്തിപ്രാപിച്ചു നില്ക്കുന്ന സമയത്ത് പട്ടാള ഭരണകൂടം കെന് സാരോ വിവയെ അറസ്റ്റു ചെയ്തു. പിന്നീട് പ്രത്യേക പട്ടാള ട്രിബ്യൂണലിന്റെ കീഴില് വിചാരണ ചെയ്ത് 1995-ല് എട്ട് സഹപ്രവര്ത്തകരോടൊപ്പം കെന് സാരോ വിവയെ പട്ടാള ഭരണകൂടം തൂക്കിലേറ്റി. വിവക്കെതിരെ ഉന്നയിച്ച ആരോപണങ്ങളില് മിക്കവയും അവാസ്തവങ്ങളും രാഷ്ട്രീയ ദുരുദ്ദേശ്യം വെച്ചുള്ളതുമായിരുന്നുവെന്ന് വ്യാപകമായി കരുതപ്പെടുന്നു. പട്ടാള ഭരണകൂടത്തിന്റെ ഈ നടപടി ലോകത്തിന്റെ എല്ലാ ഭാഗത്തുനിന്നും കടുത്ത പ്രതിഷേധം ക്ഷണിച്ചു വരുത്തി. കോമണവെല്ത്ത് രാജ്യങ്ങളുടെ അംഗത്വത്തില് നിന്ന് നൈജീരിയ താത്കാലികമായി പുറത്താക്കപ്പെടാന് ഇതു കാരണവുമായി. പോരാളിയായ ഈ കവിയുടെ ഓര്മ്മയ്ക്ക് മുന്നില് കൂപ്പുകൈ.
- ഫൈസല് ബാവ
വായിക്കുക: പ്രതിഷേധം, മനുഷ്യാവകാശം, ശിക്ഷ
ലോസ്ആഞ്ചല്സ്: കോര്പറേറ്റ് അമേരിക്കയെ തിരസ്കരിക്കുക, യുദ്ധങ്ങള് അവസാനിപ്പിക്കുക, സമ്പന്നരില്നിന്ന് നികുതി ഈടാക്കുക, ആരോഗ്യ സുരക്ഷാ സംവിധാനങ്ങള് വ്യാപകമാക്കുക, വധശിക്ഷ ഒഴിവാക്കുക എന്നീ ആവശ്യങ്ങള് ഉന്നയിച്ചുകൊണ്ട് കോര്പറേറ്റുകള്ക്കെതിരായി അമേരിക്കയില് സാധാരണക്കാര് നടത്തുന്ന വാള് സ്ട്രീറ്റ് വിരുദ്ധ പ്രക്ഷോഭം ശക്തിയാര്ജിക്കുകയാണ് . കാലിഫോര്ണിയയിലെ രണ്ടാമത്തെ വലിയ നഗരമായ സാന് ഡിഗോയില് തെരുവിലിറങ്ങിയ അറുപതിലധികം വാള് സ്ട്രീറ്റ് വിരുദ്ധ പ്രക്ഷോഭകാരികളെ പോലീസ് അറസ്റു ചെയ്തു. സാന് ഡീഗോയിലെ സിവിക് സെന്റര് പ്ളാസയ്ക്കു പുറത്തു തമ്പടിച്ച 51 പ്രക്ഷോഭകരെ പോലീസ് അറസ്റു ചെയ്തു നീക്കി. സമീപത്തെ പാര്ക്കില് നിന്നും 11 പേരെ കസ്റഡിയിലെത്തു കഴിഞ്ഞ മൂന്നാഴ്ചയായി സാന് ഡീഗോയില് കോര്പറേറ്റുകള്ക്കെതിരെ പ്രക്ഷോഭം നടന്നുവരികയാണ്. അതേസമയം, കഴിഞ്ഞദിവസം സാന് ഫ്രാന്സിസ്കോയിലും സമാനമായ പോലീസ് നടപടിയുണ്ടായിരുന്നു. ഇവിടെയുണ്ടായ സംഘര്ഷത്തില് ഒരാള്ക്കു ഗുരുതരമായി പരിക്കേറ്റിരുന്നു. സമ്പന്ന വര്ഗത്തിന്റെ കരങ്ങളിലമര്ന്ന രാജ്യത്തെ മോചിപ്പിക്കുന്നതിനുവേണ്ടി യുവാക്കളുടെ നേതൃത്വത്തിലാണ് വാള് സ്ട്രീറ്റ് കീഴടക്കല് പ്രക്ഷോഭം രൂപമെടുത്തത്. ദാരിദ്യ്രവും തൊഴിലില്ലായ്മയും വര്ധിച്ച് വരുന്ന അമേരിക്കയെ നശിപ്പിക്കുന്നത് കോര്പറേറ്റുകളാണെന്ന് അവര് ആരോപിക്കുന്നു. മറ്റു രാജ്യങ്ങളിലെ സമരങ്ങളെ വേണ്ടുവോളം സഹായിച്ചു കൊണ്ട് ആ രാജ്യങ്ങളില് ഇടപെട്ടിരുന്ന അമേരിക്ക തങ്ങളുടെ സ്വന്തം മണ്ണില് സാധാരണക്കാരായ ജനങ്ങള് ജീവിതത്തെ തിരിച്ചു പിടിക്കാന് നടത്തുന്ന സമരത്തെ അടിച്ചൊതുക്കാന് ശ്രമിക്കുന്നു. മുല്ലപ്പൂ വിപ്ലവം വാള് സ്ട്രീറ്റിലൂടെ അമേരിക്കയില് പടരുമോ എന്നാണ് രാഷ്ട്രീയ നിരീക്ഷകര് ഉറ്റുനോക്കുന്നത്.
-
വായിക്കുക: അമേരിക്ക, പ്രതിഷേധം, സാമ്പത്തികം
ലണ്ടന് : ആഗോള സാമ്പത്തിക മാന്ദ്യത്തിന് കാരണമായ കോര്പ്പൊറേറ്റ് അത്യാഗ്രഹത്തിനും ബാങ്കര്മാരുടെ അതിമോഹത്തിനും തെറ്റായ സര്ക്കാര് നയങ്ങള്ക്കും വിലക്കയറ്റത്തിനും എതിരെ ആഗോള വ്യാപകമായ പ്രതിഷേധത്തിന് ആഹ്വാനം നല്കിയ ഒരു ഫേസ്ബുക്ക് പ്രതിഷേധത്തിന് ലോകമെമ്പാടും നിന്നും വമ്പിച്ച പ്രതികരണമാണ് ഇന്നലെ ലഭിച്ചത്. Occupy Wall Street എന്ന പേരില് അറിയപ്പെട്ട ഈ പ്രതിഷേധ പ്രകടനത്തില് 82 ലോക രാഷ്ട്രങ്ങളില് നിന്നുമുള്ള ആളുകള് പങ്കെടുത്തു. പ്രതിഷേധ പ്രകടനങ്ങളില് പങ്കെടുത്ത ആയിരങ്ങള് അറസ്റ്റിലായി. പല ഇടങ്ങളിലും ചെറു സംഘങ്ങളാണ് പ്രകടനത്തില് പങ്കെടുത്തത്. എന്നാല് റോമാ നഗരത്തില് പതിനായിരക്കണക്കിന് ആളുകളാണ് പ്രതിഷേധിക്കാന് സംഘടിച്ചത്. ഇത് വന് ക്രമസമാധാന പ്രശ്നങ്ങള്ക്കും കാരണമായി. കാറുകള്ക്ക് തീയിട്ടും, ബാങ്കുകള് അടിച്ചു തകര്ത്തും, പടക്കങ്ങളും കുപ്പികളും വലിച്ചെറിഞ്ഞും മുന്നേറിയ ജനക്കൂട്ടത്തിനെ പോലീസ് ജല പീരങ്കികള് കൊണ്ട് നേരിട്ടു.
ന്യൂസീലാന്ഡിലെ ഓക്ക് ലാന്ഡില് മൂവായിരത്തോളം പേര് ചെണ്ട കൊട്ടി പ്രതിഷേധിച്ചു. ഓസ്ട്രേലിയയിലെ സിഡ്നിയില് തദ്ദേശീയരായ അബോറിജിന് വംശജര് അടക്കം ഓസ്ട്രേലിയന് റിസര്വ് ബാങ്കിന് പുറത്തു നടന്ന പ്രതിഷേധത്തില് പങ്കെടുത്തു. ജപ്പാനിലെ ടോക്യോയില് ആണവോര്ജ വിരുദ്ധ പ്രകടനക്കാര് വോള് സ്ട്രീറ്റ് പ്രക്ഷോഭത്തില് പങ്കെടുത്തത് വ്യത്യസ്തമായ അനുഭവമായി. ഫിലിപ്പൈന്സിലെ മാനിലയില് “അമേരിക്കന് സാമ്രാജ്യത്വം തുലയട്ടെ” എന്നും “ഫിലിപ്പൈന്സ് വില്പ്പനയ്ക്കല്ല” എന്നുമുള്ള ബോര്ഡുകള് ഏന്തിയാണ് പ്രകടനക്കാര് അമേരിക്കന് എംബസിക്ക് മുന്പില് എത്തിയത്. തായ്വാനിലെ തായ്പേയില് സാമ്പത്തിക വളര്ച്ച വന്കിട കോര്പ്പൊറേറ്റ് കമ്പനികളെ മാത്രമാണ് സഹായിച്ചത് എന്ന് പ്രകടനക്കാര് മുദ്രാവാക്യം മുഴക്കി. ബാങ്ക് ഓഫ് ഇറ്റലിക്ക് മുന്പില് പ്രതിഷേധ പ്രകടനം തുടങ്ങിയിട്ട് നാളുകള് ഏറെയായി. ജര്മ്മനിയിലെ ഒട്ടേറെ നഗരങ്ങള്, മാഡ്രിഡ്, സൂറിച്ച്, ഏതെന്സ് എന്നിങ്ങനെ ഒട്ടേറെ യൂറോപ്യന് നഗരങ്ങളിലെ ജനങ്ങളും പ്രതിഷേധ പ്രകടനങ്ങള് സംഘടിപ്പിച്ചു. ലണ്ടനില് നടന്ന പ്രകടനത്തില് വിക്കിലീക്ക്സ് സ്ഥാപകന് ജൂലിയന് അസ്സാന്ജെ പ്രകടനക്കാരെ അഭിസംബോധന ചെയ്തു സംസാരിച്ചു.
- ജെ.എസ്.
വായിക്കുക: ക്രമസമാധാനം, പ്രതിഷേധം, സാമ്പത്തികം
ന്യൂയോര്ക്ക് : മദ്ധ്യ പൂര്വ ഏഷ്യന് രാജ്യങ്ങളില് അലയടിച്ച വിപ്ലവത്തിന്റെ കാറ്റില് പറന്നു പോയത് 55 ബില്യന് ഡോളര് എന്ന് കണ്ടെത്തല്. അള്ജീരിയ, ടുണീഷ്യ, യെമന്, ബഹറൈന്, ഈജിപ്ത്, ലിബിയ, സിറിയ എന്നിങ്ങനെ ഒട്ടേറെ രാജ്യങ്ങളില് ഈ ജനാധിപത്യ അനുകൂല പ്രക്ഷോഭം അരങ്ങേറിയിരുന്നു. ഐ. എം. എഫ്. നടത്തിയ ഒരു പഠനത്തില് ആണ് ഇത് വെളിപ്പെട്ടത്. എന്നാല് ഇത് മൂലം പൊടുന്നനെ ഉയര്ന്ന എണ്ണ വില പ്രക്ഷോഭം കാര്യമായി ബാധിക്കാഞ്ഞ കുവൈത്ത്, യു. എ. ഇ., സൗദി അറേബ്യ എന്നീ എണ്ണ ഉല്പ്പാദക രാജ്യങ്ങള്ക്ക് അനുകൂലമായി ഭാവിച്ചു എന്നും പഠനം സൂചിപ്പിച്ചു.
- ജെ.എസ്.
വായിക്കുക: പീഡനം, പോലീസ്, പ്രതിഷേധം, മനുഷ്യാവകാശം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
