നടി മീരാ ജാസ്മിന്റെ വിവാഹ രജിസ്ട്രേഷന്‍ നഗരസഭ തടഞ്ഞു

August 4th, 2014

meera-jasmine-wedding-anil-john

തിരുവനന്തപുരം: പ്രശസ്ത നടി മീരാ ജാ‍സ്മിന്റെ വിവാഹ രജിസ്ട്രേഷന്‍ നഗരസഭ താല്‍ക്കാലികമായി തടഞ്ഞു. മീരയുടെ ഭര്‍ത്താവ് തിരുവനന്തപുരം നന്ദാവനം സ്വദേശി അനില്‍ ജോണ്‍ ടൈറ്റസ് നേരത്തെ മറ്റൊരു വിവാഹം കഴിച്ചിട്ടുണ്ടെന്ന വാര്‍ത്തയെ തുടര്‍ന്നാണിത്. ഇതു സംബന്ധിച്ച് കൂടുതല്‍ അന്വേഷണം നടത്തുവാന്‍ നഗര സഭ തീരുമാനിച്ചു. ഈ വര്‍ഷം ഫെബ്രുവരി 12നാണ് മീരയുടേയും അനില്‍ ജോണിന്റേയും വിവാഹം എല്‍. എം. എസ്. പള്ളിയില്‍ വച്ച് നടന്നത്. ബാംഗ്ളൂരില്‍ ഉള്ള ഒരു യുവതി ഭാര്യയാണെന്നുള്ള വാര്‍ത്തകള്‍ അനില്‍ നിഷേധിച്ചിരുന്നു. എന്നാല്‍ വിവാഹത്തിനു അനില്‍ പോലീസ് സംരക്ഷണം ആവശ്യപ്പെട്ടിരുന്നത് വാര്‍ത്തയായിരുന്നു.

മാര്യേജ് ആക്ട് പ്രകാരം രണ്ടാം വിവാഹങ്ങള്‍ക്ക് സാധുത ലഭിക്കണമെങ്കില്‍ നേരത്തെ ഉള്ള വിവാഹ ബന്ധം വേര്‍പെടുത്തിയതിന്റേയോ നേരത്തെ വിവാഹം കഴിച്ച പങ്കാളിയുടെ മരണ സര്‍ട്ടിഫിക്കേറ്റോ ഉള്‍പ്പെടെ ഉള്ള രേഖകള്‍ ഹാജരാക്കണം. നേരത്തെ അനിലിന്റേയും മീരയുടേയും വിവാഹം രജിസ്റ്റര്‍ ചെയ്തതായുള്ള വാര്‍ത്തകളെ കുറിച്ചും അന്വേഷിക്കും. ഇതുമായി ബന്ധപ്പെട്ട വാര്‍ത്തകളോട് വിദേശത്തുള്ള അനിലും മീരയും ഇനിയും പ്രതികരിച്ചിട്ടില്ല.

അന്തരിച്ച പ്രശസ്ത തിരക്കഥാകൃത്തും സംവിധാകനുമായ ലോഹിതദാസ് ആണ് മീരയെ സിനിമാ രംഗത്തേക്ക് കൊണ്ടു വന്നത്. മോഹന്‍ലാല്‍, മമ്മൂട്ടി, പൃത്ഥ്വിരാജ്, ദിലീപ് തുടങ്ങിയവര്‍ക്കൊപ്പം നായികയായി അഭിനയിച്ചിട്ടുള്ള മീര ആദ്യ ചിത്രത്തിലൂടെ തന്നെ മികച്ച അഭിനേത്രി എന്ന് പേരെടുത്തു. മലയാളത്തില്‍ കൂടാതെ അന്യ ഭാഷാ ചിത്രങ്ങളിലും മീര ശ്രദ്ധിക്കപ്പെട്ടു. അടുത്ത കുറച്ച് കാലമായി മീര സിനിമയില്‍ നിന്നും മാറി നില്‍ക്കുകയായിരുന്നു. അവസാനം അഭിനയിച്ച ചിത്രങ്ങള്‍ പലതും ബോക്സോഫീസില്‍ വന്‍ പരാജയവുമായിരുന്നു. പ്രശസ്തിക്കൊപ്പം വിവാദങ്ങളും മീരയെ പിന്തുടര്‍ന്നിരുന്നു. നേരത്തെ മറ്റൊരു കലാകാരനുമായി വിവാഹിതയാകുവാന്‍ പോകുന്നതായി വാര്‍ത്തകള്‍ വന്നിരുന്നു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

മീരാ ജാസ്മിന്‍ വിവാഹിതയായി

February 10th, 2014

meera-jasmine-wedding-anil-john

കൊച്ചി: പ്രശസ്ത ചലച്ചിത്ര താരം മീരാ ജാസ്മിന്‍ വിവാഹിതയായി. ദുബായില്‍ ഐ. ടി. ഉദ്യോഗസ്ഥനായ തിരുവനന്തപുരം സ്വദേശി അനില്‍ ജോണ്‍ ആണ് വരന്‍. രജിസ്ടര്‍ വിവാഹമായിരുന്നു. ഞായറാഴ്ച മീരയുടെ വസതിയില്‍ വച്ച് സബ് രജിസ്ട്രാ‍ര്‍ ഓഫീസര്‍ എത്തിയാണ് വിവാഹം രജിസ്ടർ ചെയ്തത്. വിവാഹ ചടങ്ങുകള്‍ 12നു തിരുവനന്തപുരം പാളയം എൽ. എം. എസ്. പള്ളിയില്‍ വച്ച് നടക്കും.

എ. കെ. ലോഹിതദാസ് സംവിധാനം ചെയ്ത സൂത്രധാരന്‍ എന്ന ചിത്രത്തിലൂടെ മലയാള സിനിമയില്‍ എത്തിയ മീര പിന്നീട് മികച്ച അഭിനേത്രിയായി പേരെടുത്തു. നിരവധി പുരസ്കാരങ്ങളും മീരയെ തേടിയെത്തി. യുവ നിരയ്ക്കൊപ്പം മോഹന്‍ലാല്‍ മമ്മൂട്ടി തുടങ്ങിയ മെഗാസ്റ്റാറുകള്‍ക്കൊപ്പവും അഭിനയിച്ചിട്ടുണ്ട്.

മാണ്ഡലിന്‍ വിദഗ്ദനായ രാജേഷുമായി ഉണ്ടായിരുന്ന ബന്ധം വേണ്ടെന്ന് വച്ചതായി നേരത്തെ മീര വ്യക്തമാക്കിയിരുന്നു. മാട്രിമോണിയല്‍ സൈറ്റിലൂടെയാണ് അനില്‍ ജോണുമായുള്ള വിവാഹാലോചനകള്‍ നടന്നത്. കുറച്ച് കാലമായി സിനിമയില്‍ നിന്നും വിട്ടു നിന്ന മീര അടുത്തിടെ ജയറാം നായകനായ ചിത്രത്തിലൂടെ മടങ്ങി വരവ് നടത്തിയിരുന്നു. വിവാഹ ശേഷം തുടര്‍ന്നും സിനിമയില്‍ അഭിനയിക്കുമോ എന്ന് വ്യക്തമല്ല.

- എസ്. കുമാര്‍

വായിക്കുക: ,

അഭിപ്രായം എഴുതുക »

മീരാ ജാസ്മിന്‍ വിവാഹിതയാവുന്നു

December 30th, 2013

actress-meera-jasmine-ePathram
കൊച്ചി : പ്രമുഖ ചലച്ചിത്ര താരം മീരാ ജാസ്മിന്‍ വിവാഹിത യാകുന്നു. ഫെബ്രുവരി 12ന് തിരുവനന്തപുരം പാളയം എല്‍. എം. എസ്. പള്ളി യില്‍ വെച്ചാണ് വിവാഹം.

ദുബായില്‍ സോഫ്റ്റ്വെയര്‍ എന്‍ജിനീയറായ അനില്‍ ജോണ്‍ ടൈറ്റസ് ആണ് വരന്‍.

ചെന്നൈ ഐ. ഐ. ടി. യില്‍ നിന്ന് കംപ്യൂട്ടര്‍ സയന്‍സില്‍ ബി. ടെക് നേടിയ അനില്‍, നന്ദവനം സ്വദേശി കളായ ടൈറ്റസിന്റെയും സുഗത യുടെയും മകനാണ്. തിരുവല്ല താഴെ യില്‍ പുത്തന്‍വീട്ടില്‍ ജോസഫ് ഫിലിപ്പിന്റെയും ഏലിയാമ്മ യുടെയും മകളാണ് മീരാ ജാസ്മിന്‍.

- കറസ്പോണ്ടന്‍റ്

വായിക്കുക: ,

അഭിപ്രായം എഴുതുക »

മീര ജാസ്മിന്‍ തിരിച്ചെത്തുന്നു : സാമുവലിന്റെ വീട് എന്ന സിനിമ യിലൂടെ

April 18th, 2012

actress-meera-jasmine-ePathram
കൊച്ചി : പ്രശസ്ത നടി മീരാ ജാസ്മിന്‍ മലയാള സിനിമയില്‍ വീണ്ടും എത്തുന്നു. ‘അച്ഛനുറങ്ങാത്ത വീട്’ എന്ന സിനിമയുടെ രണ്ടാം ഭാഗമായി തിരക്കഥാകൃത്ത് കൂടിയായ ബാബു ജനാര്‍ദ്ദനന്‍ ഒരുക്കുന്ന ‘സാമുവലിന്റെ വീട്’ എന്ന സിനിമയിലാണ് മീരാ ജാസ്മിന്‍ അഭിനയിക്കുന്നത്.

ഒരുവര്‍ഷ ത്തിലേറെയായി അഭിനയ രംഗത്ത്‌ നിന്നും വിട്ടു നിന്നിരുന്ന മീരാ ജാസ്മിന്‍ ഈ ചിത്രത്തിലെ ലിസമ്മ എന്ന നായികാ വേഷ ത്തിലൂടെ ശക്തമായ തിരിച്ചു വരവ് ആയിരിക്കും നടത്തുക.

സലിം കുമാര്‍ എന്ന നടന് ഹാസ്യ വേഷങ്ങളില്‍ നിന്നും മാറി മറ്റൊരു മുഖം നല്‍കിയ ലാല്‍ ജോസിന്റെ ‘അച്ഛനുറങ്ങാത്ത വീട്’ തിരക്കഥ ഒരുക്കിയതും ബാബു ജനാര്‍ദ്ദനന്‍ ആയിരുന്നു.

സലിം കുമാറിനെ കൂടാതെ ആദ്യ ഭാഗത്തില്‍ നിന്നും സംവൃത സുനിലും ഈ ചിത്രത്തില്‍ ഉണ്ടാവും. അതില്‍ മുക്ത അവതരിപ്പിച്ച ലിസമ്മയായി മീര അഭിനയിക്കുമ്പോള്‍ നായകനായി ഉണ്ണിമുകുന്ദന്‍ അഭിനയിക്കും. മറ്റു താരങ്ങളുടെ പേര് വിവരം അറിവായിട്ടില്ല.

‘ലിസമ്മയുടെ വീട്’ എന്ന് ആദ്യം നാമകരണം ചെയ്തിരുന്ന ഈ ചിത്ര ത്തിന് ‘സാമുവലിന്റെ വീട്’എന്നാക്കി പേര് മാറ്റിയത് കഴിഞ്ഞ ദിവസമാണ് ഒരു പ്രമുഖ ചാനലില്‍ സംവിധായകന്‍ ബാബു ജനാര്‍ദ്ദനന്‍ പ്രഖ്യാപിച്ചത്‌. മെയ് അവസാന വാരത്തോടെ ചിത്രീകരണം തുടങ്ങും.

- കറസ്പോണ്ടന്‍റ്

വായിക്കുക: ,

അഭിപ്രായം എഴുതുക »

കാഞ്ചീവരം മികച്ച ചിത്രം

September 8th, 2009

Priyadarshan-Kancheevaram2007-ലെ ദേശീയ ചലച്ചിത്ര അവാര്‍ഡ്‌ പ്രഖ്യാപിച്ചു. മികച്ച ചിത്രമായി പ്രിയദര്‍ശന്‍ സംവിധാനം ചെയ്ത കാഞ്ചീവരം തിരഞ്ഞെടുക്കപ്പെട്ടു. നെയ്തുകാരുടെ ജീവിതത്തിലെ ദുഃഖങ്ങളുടേയും സ്വപ്നങ്ങളുടേയും കഥ പറഞ്ഞ കാഞ്ചീവരത്തിലെ നെയ്തു തൊഴിലാളിയെ അവതരിപ്പിച്ച പ്രകാശ്‌ രാജാണ്‌ മികച്ച നടന്‍. മികച്ച നടിയായി ഗിരീഷ്‌ കാസറവള്ളി സംവിധാനം ചെയ്ത ഗുലാബി ടക്കീസെന്ന കന്നട ചിത്രത്തിലെ അഭിനയത്തിനു ഉമാശ്രീ അര്‍ഹയായി.
 

naalu-pennungal

നാലു പെണ്ണുങ്ങളില്‍ നിന്നുള്ള ഒരു രംഗം

 
മികച്ച സംവിധായകന്‍ അടൂര്‍ ഗോപാല കൃഷണന്‍ ആണ്‌. ചിത്രം നാലു പെണ്ണുങ്ങള്‍. ഈ ചിത്രത്തിന്റെ എഡിറ്റിങ്ങിനു ബി. അജിത്തിനു അവാര്‍ഡ്‌ ലഭിച്ചു.
 

ore-kadal-meera-jasmine

ശ്യാമപ്രസാദ് സംവിധാനം ചെയ്ത ഒരേ കടല്‍

 
മമ്മൂട്ടി നായകനായി അഭിനയിച്ച്‌ ശ്യാമ പ്രസാദ്‌ സംവിധാനം ചെയ്ത ഒരേ കടല്‍ ആണ്‌ മികച്ച പ്രാദേശിക ഭാഷാ ചിത്രം. മലയാളിയായ ഔസേപ്പച്ചന്‍ ഈ ചിത്രത്തിലെ സംഗീത സംവിധാനത്തിന്റെ മികച്ച സംഗീത സംവിധായകനായി തിരഞ്ഞെടുക്കപ്പെട്ടു. കലാ മൂല്യമുള്ള മികച്ച ജന പ്രിയ ചിത്രമായി ചക്ദേ ഇന്ത്യയും, കുടുംബ ക്ഷേമ ചിത്രമായി താരേ സമീന്‍ പറും തിരഞ്ഞെടുക്കപ്പെട്ടു. തിരക്കഥാ കൃത്ത്‌ ഫിറോസ് ഖാന്‍ – ചിത്രം ഗാന്ധി മൈ ഫാദര്‍. പട്ടണം റഷീദ്‌ ആണ്‌ മികച്ച മേക്കപ്പ് മാന്‍ – ചിത്രം പരദേശി.
 
മറ്റു അവാര്‍ഡുകള്‍ ക്യാമറാ മാന്‍ ശങ്കര്‍ രാമന്‍ ചിത്രം ഫ്രോസണ്‍. ഗാന രചയിതാവ്‌ പ്രസൂണ്‍ ജോഷി – ചിത്രം താരെ സമീന്‍ പര്‍. ഗായകന്‍ ശങ്കര്‍ മഹാദേവന്‍, ഗായിക ശ്രേയാ ഗോസ്വാല്‍. കലാ സംവിധയകന്‍ സാബു സിറില്‍ – ചിത്രം ഓം ശാന്തി ഓം. ദര്‍ശന്‍ ജാരിവാള്‍ സഹ നടനായും ഷബാനി ഷാ സഹ നടിയായും തിരഞ്ഞെടുക്കപ്പെട്ടു. നിരൂപണം മലയാളിയായ വി. കെ. ജോസഫിനും, മികച്ച ചലച്ചിത്ര ഗ്രന്ഥത്തിനുള്ള പുരസ്കാരം എം. എഫ്‌. തോമാസും കരസ്ഥമാക്കി.
 
നോണ്‍ ഫിക്ഷന്‍ വിഭാഗത്തില്‍ മികച്ച ഹൃസ്വ ചിത്രമായി ജയരാജിന്റെ “വെള്ള പ്പൊക്കത്തില്‍” തിരഞ്ഞെടുക്കപ്പെട്ടു. വിവിധ ഭാഷാ ചിത്രങ്ങളിലൂടെ ആണെങ്കിലും ഇത്തവണ എട്ടോളം പുരസ്ക്കാരങ്ങളാണ്‌ മലയാളികള്‍ കരസ്ഥമാക്കിയത്‌.
 
എസ്. കുമാര്‍
 
 


2007 National Film Awards – Best Movie – Priyadarshan’s Kancheevaram


 
 

- ജെ.എസ്.

വായിക്കുക: ,

അഭിപ്രായം എഴുതുക »

1 of 212

« Previous « സിനിമാ സംവിധായകന് വെട്ടേറ്റു
Next Page » ഈ കൊച്ചു സുന്ദരിയെ ഓര്‍ക്കുന്നോ? »



എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...
എന്തിരന്റെ കഥ മോഷ്ടിച്ചതെ...
സലീം കുമാര്‍ മികച്ച നടന്‍...
ഗദ്ദാമ യ്ക്ക് ഗള്‍ഫില്‍ ...
എന്‍ഡോസള്‍ഫാന്‍ : താരങ്ങള...
നടി ശ്വേതയുടെ പരാതിയില്‍ ...
മമ്മുട്ടിയും മോഹന്‍ലാലും ...
ലീലയില്‍ നിന്നും ലാല്‍ പു...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine