ദുബായ് : ദുബായ് തൃശൂര്‍ ജില്ല കെ. എം. സി. സി. ദുബായില്‍ സംഘടിപ്പിച്ച പുരസ്കാര ദാന സമ്മേളനം മുസ്ലീം ലീഗ് സംസ്ഥാന പ്രസിഡണ്ട് സയ്യിദ്‌ ഹൈദരാലി ശിഹാബ് തങ്ങള്‍ ഉദ്ഘാടനം ചെയ്തു. സമൂഹത്തിന്റെ അന്തസ്സും അഭിമാനവും ഉയര്‍ത്തുന്നതിന് വേണ്ടി പ്രവര്‍ത്തിക്കുകയും സഹവര്‍ത്തിത്വത്തിന്റെയും സാഹോദര്യത്തിന്റെയും വക്താക്കളുമായ സമുന്നത മുസ്ലീം ലീഗ് നേതാക്കളുടെ സ്മരണകള്‍ നിലനിര്‍ത്തുന്ന ഇത്തരം പുരസ്ക്കാരങ്ങള്‍ പ്രശംസനീയമാണെന്നും തങ്ങള്‍ പറഞ്ഞു. പ്രസിഡണ്ട് ജമാല്‍ മനയത്ത്‌ അദ്ധ്യക്ഷത വഹിച്ചു.
ചിത്രത്തില്‍ ക്ലിക്ക്‌ ചെയ്‌താല്‍ വലുതായി കാണാം
(ഫോട്ടോ : കെ.വി.എ. ഷുക്കൂര്‍)
സയ്യിദ്‌ മുഹമ്മദലി ശിഹാബ് തങ്ങള്‍ പുരസ്ക്കാരം ഫാത്തിമ ഗ്രൂപ്പ്‌ ചെയര്‍മാന്‍ ഇ. പി. മൂസക്കുട്ടി ഹാജിക്കും, കെ. എം. സീതി സാഹിബ് പുരസ്ക്കാരം ഫ്ലോറ ഗ്രൂപ്പ്‌ ചെയര്‍മാന്‍ വി. എ. ഹസ്സന്‍ ഹാജിക്കും, മുസ്ലിം ലീസ്‌ സംസ്ഥാന വൈസ്‌ പ്രസിഡണ്ട് ഇ. സി. അഹമ്മദ്‌ സാഹിബ് പുരസ്ക്കാരം ഗോള്‍ഡന്‍ ചേന്‍സ് ഗ്രൂപ്പ്‌ ചെയര്‍മാന്‍ ഖമറുദ്ദീന്‍ ഹാജി പാവറട്ടിക്കും സയ്യിദ്‌ ഹൈദരലി തങ്ങള്‍ സമ്മാനിച്ചു. ജന. സെക്രട്ടറി മുഹമ്മദ്‌ വെട്ടുകാട് സ്വാഗതവും സംസ്ഥാന വൈ. പ്രസിഡണ്ട് ഉബൈദ്‌ ചേറ്റുവ പുരസ്ക്കാര ജേതാക്കളെ പരിചയപ്പെടുത്തുകയും ചെയ്തു.
അയച്ചു തന്നത് : മുഹമ്മദ്‌ വെട്ടുകാട്
- pma
അനുബന്ധ വാര്‍ത്തകള്‍
വായിക്കുക: കെ.എം.സി.സി., കേരള രാഷ്ട്രീയ നേതാക്കള്‍
